ខេត្តកំពត ៖ ព្រះបដិមាករមួយអង្គ នៅវត្តដងទង់ ទល់មុខអធិការដ្ឋាននគរបាលស្រុកដងទង់ កំពុងត្រូវបានប្រជាពលរដ្ឋនាំគ្នាមកអុចទៀនធូបបន់ស្រន់ ដែលមានបារមីពូកែស័ក្កិសិទ្ធតាំងពីរបបខ្មែរក្រហម រហូតមកដល់សព្វថ្ងៃនេះ ក៏នៅមានប្រជាពលរដ្ឋមកបែបន់មិនដែលអាក់ខាន ។…
ខេត្តកំពត ៖ ព្រះបដិមាករមួយអង្គ នៅវត្តដងទង់ ទល់មុខអធិការដ្ឋាននគរបាលស្រុកដងទង់ កំពុងត្រូវបានប្រជាពលរដ្ឋនាំគ្នាមកអុចទៀនធូបបន់ស្រន់ ដែលមានបារមីពូកែស័ក្កិសិទ្ធតាំងពីរបបខ្មែរក្រហម រហូតមកដល់សព្វថ្ងៃនេះ ក៏នៅមានប្រជាពលរដ្ឋមកបែបន់មិនដែលអាក់ខាន ។
បើតាមលោកលឹម ធឿន អាយុ62ឆ្នាំ ជាគណៈកម្មាធិការសាងសង់វត្តដងទង់ កាលពីព្រឹកថ្ងៃទី20 ខែកុម្ភៈ ឆ្នាំ2025 នេះ បាននិយាយប្រាប់អោយដឹងថា ព្រះបដិមាករមូយព្រះអង្គនេះ ដែលមានបារមីពូកែណាស់ កាលពីសម័យប៉ុល ពត គេយកត្រាក់ទ័រ២គ្រឿងមកតោងព្រះអង្គចេញពីវិហារ តែតោងមិនចេញទេ សុខចិត្តខូចត្រាក់ទ័រទាំងពីរគ្រឿង ។
លោកប្រធានគណៈកម្មាការសាងសង់វត្តដងទង់បាននិយាយប្រាប់បន្តថា បន្ទាប់ពីយកត្រាក់ទ័រមកតោងព្រះអង្គឱ្យធ្លាក់ពីលើបល្ល័ង្គមិនបានសម្រេចនោះ ក្រោយមកទៀតពួកគេបានយកគ្រាប់មីនមកដាក់បំផ្ទុះព្រះអង្គនៅតែធ្វើអ្វីមិនកើត រហូតមកដល់សព្វថ្ងៃនេះ វត្តដងទង់ត្រូវបានកសាងព្រះវិហារថ្មី ប៉ុន្តែព្រះអង្គមិនត្រូវបានដោះដូរឡើយ គ្រាន់តែលាបពណ៌តែប៉ុណ្ណោះ។
គណៈកម្មាការវត្តដងទង់បាននិយាយប្រាប់បន្តថា សព្វថ្ងៃនេះ មានប្រជាពលរដ្ឋមកបែបន់ច្រើនណាស់រាប់ទាំងអ្នកមកលាបំណន់ផង។ ថ្មីៗនេះ មានប្រជាពលរដ្ឋមកពីស្រុកបន្ទាយមាស មកស្បថស្បែមុខព្រះអង្គផឹកស៊ីជាមួយគ្នា ស្រាប់តែម្នាក់បាត់លុយមួយលានរៀល ស្បថហើយទៅផ្ទះវិញ ស្រាប់តែមានអ្នកផឹកស៊ីជាមួយគ្នាដែលបានស្បថមុខព្រះអង្គយកលុយមួយលានរៀល ដែលបានបាត់នោះយកទៅសងដល់អ្នកដែលបានបាត់ ហើយអ្នកយកលុយទៅសងម្ចាស់គេនោះ ត្រឡប់មកវត្តដងទង់ មកលាមាត់ពាក្យដែលខ្លួនបានស្បថវិញ និងប្រជាពលរដ្ឋមួយទៀតយកស្រូវទៅកិន ហើយទៅយកលុយគេជាម្ចាស់ម៉ាស៊ីនជួយកុហក់ទាំងឪពុក និងកូន មិនព្រមអោយម្ចាស់ម៉ាស៊ីន កិនស្រូវវិញរហូតដល់នាំគ្នាមកសម្បត់នៅមុខព្រះភ័ក្ត្រព្រះអង្គដងទង់ថា ខ្លួននៅតែមិនយកលុះពេលយប់ ស្រាប់ឃើញភ្លើងហោះទៅបុកផ្ទះដែលអ្នកយកលុយគេនោះ ឪពុកនិងកូនដែលយកលុយញ័រភ័យខ្លាចទាល់តែយកលុយសងគេវិញទើបនាំគ្នាមកលាសម្បថ ។
ប្រជាពលរដ្ឋនៅត្រពាំងនៀល ឃុំទទុង ស្រុកដងទង់ ឯណោះ ក៏នាំគ្នាមកលាបំណន់ដែរខ្លះទៀតកោរសក់ ព្រោះនៅភូមិត្រពាំងនៀលនេះ ប្រុសៗភាគច្រើនទៅបូសបិណ្ឌបាត់នៅស្រុកថៃ ហើយគេបានមានក៏ត្រឡប់មកវិញ។ មិនត្រឹមតែពលរដ្ឋដែលនាំគ្នាមកស្បថនៅទីនេះ សម្បីតុលាការនៅខេត្តកំពតក៏ធ្លាប់នាំភាគីទាំងសងខាងមកសម្បថមុខព្រះអង្គដែរ ។
ចែករំលែកព័តមាននេះ