រាជធានីភ្នំពេញ ៖ គិតមកដល់ថ្ងៃទី១៨ ខែកុម្ភៈនេះ សកម្មភាព នៃការបាញ់ថ្នាំសម្លាប់មូស នៅក្នុងមូលដ្ឋានរាជធានីភ្នំពេញបាននិងកំពុងធ្វើសកម្មភាពបាញ់សារចុះសារឡើង នៅឡើយ ដើម្បីសុខមាលភាពប្រជាពលរដ្ឋ ជាពិសេសទប់ស្កាត់ជំងឺគ្រុនឈាម…
រាជធានីភ្នំពេញ ៖ គិតមកដល់ថ្ងៃទី១៨ ខែកុម្ភៈនេះ សកម្មភាព នៃការបាញ់ថ្នាំសម្លាប់មូស នៅក្នុងមូលដ្ឋានរាជធានីភ្នំពេញបាននិងកំពុងធ្វើសកម្មភាពបាញ់សារចុះសារឡើង នៅឡើយ ដើម្បីសុខមាលភាពប្រជាពលរដ្ឋ ជាពិសេសទប់ស្កាត់ជំងឺគ្រុនឈាម ខណៈដែលជំងឺនេះ តែងតែតាមយាយីសុខភាពប្រជាពលរដ្ឋជារៀងរាល់ឆ្នាំ ។
លោកស្រីដោ សម្ផស្ស នាយិការរងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ បានឱ្យដឹងនៅព្រឹកថ្ងៃទី១៨ កុម្ភៈ ២០២៥នេះថា គិតមកដល់ពេលនេះ ក្រុមការងារបាញ់ថ្នាំសម្លាប់មូស នៅតែអនុវត្តទៅតាមការណែនាំរបស់លោក ឃួង ស្រេង អភិបាល នៃគណៈអភិបាលរាជធានីភ្នំពេញ សកម្មភាពរបាញ់ថ្នាំសម្លាប់មូសនៅក្នុងមូលដ្ឋានរាជធានីភ្នំពេញ បាននិងកំពុងធ្វើសកម្មភាពបាញ់សារចុះសារឡើង ទៅវិញទៅមក ដើម្បីទប់ស្កាត់ជំងឺគ្រុនឈាម ។
លោកស្រីអ្នកនាំពាក្យ បានបន្តថា អាជ្ញាធរខណ្ឌទាំង១៤ ក្រោមការសហការជាមួយក្រុមការងាររបស់មន្ទីរសុខាភិបាលនៃរដ្ឋបាលរាជធានី បានធ្វើសកម្មភាពបាញ់ថ្នាំ សម្លាប់មូស យ៉ាងមមាញឹក ពោលគឺមិនទាន់បានសម្រាកនូវឡើយទេ។នេះជាគិតគូររបស់លោក ឃួង ស្រេង ចំពោះសុខភាពសាធារណៈប្រជាពលរដ្ឋ ដែលរស់នៅក្នុងរាជធានីភ្នំពេញ ។
គួរបញ្ជាក់ថា ៖ កាលពីដើមខែមករា ឆ្នាំ២០២៥ កន្លងមក លោក ឃួង ស្រេង បានណែនាំឱ្យអាជ្ញាធរទាំង១៤ សហការជាមួយក្រុមការងាររបស់មន្ទីរសុខាភិបាលរាជធានីភ្នំពេញ បើកយុទ្ធនាចុះធ្វើការបាញ់ថ្នាំសម្លាប់មូស ក្នុងជុំទី១ ហើយកាលពីថ្ងៃ០៨ កុម្ភៈ ២០២៥ លោកអភិបាលរាជធានីភ្នំពេញ ក៏បានណែនាំឱ្យបើកយុទ្ធនាចុះធ្វើការបាញ់ថ្នាំសម្លាប់មូសក្នុងជុំទី២ទៀត ដោយសារមើលឃើញថាមូស បានកើតមានឡើងវិញ និងមានចំនួនច្រើន ដែលអាចបង្កហានិភ័យដល់សុខមាលភាពប្រជាពលរដ្ឋបន្តទៀត ។
យុទ្ធនាការបាញ់ថ្នាំសម្លាប់មូសលើកទី១ បានបញ្ចប់កាលពីថ្ងៃទី២៩ មករា ២០២៥ ដោយប្រើប្រាស់រយៈពេលបាញ់ចំនួន១៦ថ្ងៃ។ ចំណែកជុំទី២នេះ បានអនុវត្តកាលពីថ្ងៃ០៨ កុម្ភៈ ២០២៥ ដោយបង្វែរការបាញ់ថ្នាំសម្លាប់មូសពីខាងក្រៅមកបាញ់តាមផ្ទះប្រជាពលរដ្ឋវិញ ដើម្បីសម្លាប់មូសគ្រប់ប្រភេទ នៅតាមខ្នងផ្ទះប្រជាពលរដ្ឋ កាត់បន្ថការព្រួយបារម្ភរបស់បងប្អូន ដោយសារតែកាលពីជុំទី១ ក្រុមការងារចុះបាញ់ថ្នាំមូស បានបាញ់នៅខាងក្រៅផ្ទះប្រជាពលរដ្ឋ ពោលគឺបាញ់នៅតាមប្រឡាយ លូ និងតាមព្រៃប៉ុណ្ណោះ ហើយសម្មភាពនេះ មកដល់ថ្ងៃទី១៨កុម្ភៈនេះ មិនទាន់បានបញ្ចប់នូវឡើយទេ៕
ចែករំលែកព័តមាននេះ