រាជធានីភ្នំពេញ ៖ នគរបាលខណ្ឌទួលគោកបង្ក្រាបជនសង្ស័យ០៣នាក់វាយប្ល.ន់យកម៉ូតូ ជនរងគ្រោះនៅបឹងកក់ ។ នៅវេលាម៉ោងប្រហែល១២:៤០នាទីថ្ងៃទី១៥ ខែកុម្ភ: ឆ្នាំ២០២៥ កម្លាំងផ្នែកជំនាញ នៃអធិការដ្ឋាននគរបាលខណ្ឌទួលគោកបានធ្វើការស្រាវជ្រាវឃាត់ខ្លួនជនសង្ស័យ០៣នាក់…
រាជធានីភ្នំពេញ ៖ នគរបាលខណ្ឌទួលគោកបង្ក្រាបជនសង្ស័យ០៣នាក់វាយប្ល.ន់យកម៉ូតូ ជនរងគ្រោះនៅបឹងកក់ ។ នៅវេលាម៉ោងប្រហែល១២:៤០នាទីថ្ងៃទី១៥ ខែកុម្ភ: ឆ្នាំ២០២៥ កម្លាំងផ្នែកជំនាញ នៃអធិការដ្ឋាននគរបាលខណ្ឌទួលគោកបានធ្វើការស្រាវជ្រាវឃាត់ខ្លួនជនសង្ស័យ០៣នាក់ ជាបន្តបន្ទាប់ ពីបទហិ.ង្សាដោយចេតនា ។ នេះបើយោងតាម ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញបានបង្ហោះ ។
មានស្ថានទម្ងន់ទោស ដោយសារការប្រើអំពើហិ.ង្សា(វាយគ្នា ភាគីជនសង្ស័យប្រើមួកការពារសុវត្ថិភាពគប់ទៅលើជនរងគ្រោះ បណ្ដាលឲ្យជនរងគ្រោះរត់ចោលម៉ូតូ ហើយជនសង្ស័យបានលើកយកម៉ូតូរបស់ជនរងគ្រោះជិះគេចខ្លួន) ដោយធ្វើការឃាត់ខ្លួននៅចំណុច០២ទីតាំងផ្សេងគ្នា ។
ទី១-ឃាត់ខ្លួនជនសង្ស័យឈ្មោះ សុខ ហេង ហៅហេង ភេទប្រុស អាយុ១៧ឆ្នាំ ជនជាតិខ្មែរ ស្ថិតនៅចំណុចលើដងផ្លូវបេតុង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ កាលពីវេលាម៉ោង១២:៤០នាទីថ្ងៃដដែល ។
ទី២-ឃាត់ខ្លួនជនសង្ស័យឈ្មោះ កាន វិសាក់ ហៅណាក់ ភេទប្រុស អាយុ១៩ឆ្នាំ ជនជាតិខ្មែរ និងឈ្មោះ ស៊ាង ម៉េងហ៊ ភេទប្រុស អាយុ១៧ឆ្នាំ ជនជាតិខ្មែរ ស្ថិតនៅចំណុចភូមិស្វាយប៉ាក សង្កាត់ស្វាយប៉ាក ខណ្ឌឬស្សីកែវ ដែលប្រព្រឹត្តបទល្មើសនៅចំណុចមុខផ្ទះលេខ២២ ផ្លូវលេខ២៨៥ ក្រុមទី៥១ ភូមិ១៣ សង្កាត់បឹងកក់ទី១ ខណ្ឌទួលគោក កាលពីថ្ងៃទី១៤ ខែកុម្ភ: ឆ្នាំ២០២៥ វេលាម៉ោងប្រហែល២២:២០នាទី ។
ដោយឡែក វត្ថុតាងចាប់យកមាន ៖ ទូរស័ព្ទដៃ០២គ្រឿង ម៉ាក I phone7 ពណ៌ស (ចាប់យកពីឈ្មោះ កាន វិសាក់ ) និងទូរស័ព្ទដៃម៉ាក Tecno Spark ពណ៌ទឹកសមុទ្រ (ចាប់យកពីឈ្មោះ សុខ ហេង ) និងម៉ូតូ០១គ្រឿវម៉ាក Honda C125 ស៊េរី2018 ពណ៌ខ្មៅ ពាក់ផ្លាកលេខ តាកែវ 1Q-4622 ដែលមានលេខតួ (ជាម៉ូតូជនរងគ្រោះដែលជនសង្ស័យវាយយកនៅពេលកើតហេតុ) ។
ជនរងគ្រោះ ឈ្មោះ ដា វាសនា ភេទប្រុស អាយុ១៩ឆ្នាំ ជនជាតិខ្មែរ មុខរបរ សន្តិសុខក្រុមហ៊ុនឯកជន ស្នាក់នៅផ្ទះជួល ផ្លូវបេតុង ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ។
បច្ចុប្បន្ន ជនសង្ស័យខាងលើកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរ និងចាត់ការបន្តតាមនីតិវិធី ៕
ចែករំលែកព័តមាននេះ