រាជធានីភ្នំពេញ ៖ ក្នុងករណីម្ចាស់បំណុលនៅតាមមូលដ្ឋានទទួលយកការប្រាក់ហួសច្បាប់កំណត់កូនបំណុលមានសិទ្ធប្តឹងម្ចាស់បំណុលខ្លួនបាន ដើម្បីទទួលបានការប្រាក់ទៅតាមច្បាប់កំណត់បាន ។ នេះបើតាមអ្នកនាំពាក្យរងក្រសួងមហាផ្ទៃ ។ លោកទូច សុឃៈ អ្នកនាំពាក្យរងក្រសួងមហាផ្ទៃបានលើកឡើងថា…
រាជធានីភ្នំពេញ ៖ ក្នុងករណីម្ចាស់បំណុលនៅតាមមូលដ្ឋានទទួលយកការប្រាក់ហួសច្បាប់កំណត់កូនបំណុលមានសិទ្ធប្តឹងម្ចាស់បំណុលខ្លួនបាន ដើម្បីទទួលបានការប្រាក់ទៅតាមច្បាប់កំណត់បាន ។ នេះបើតាមអ្នកនាំពាក្យរងក្រសួងមហាផ្ទៃ ។
លោកទូច សុឃៈ អ្នកនាំពាក្យរងក្រសួងមហាផ្ទៃបានលើកឡើងថា ប្រសិនបើការខ្ចីបុលប្រាក់ស្របច្បាប់ ការផ្តល់ប្រាក់កម្ចីស្របច្បាប់ ទោះបីតាមអនឡាញ ឬផ្ទាល់ក្តី បើគេធ្វើស្របច្បាប់នោះ ហើយម្ចាស់ដែលឲ្យខ្ចីមិនបានប្រើអំពើហិ.ង្សា ឬដាក់សម្ភាធ ឬអុកឡុក ឬធ្វើអ្វីផ្តេសផ្តាសនោះទេ អ្នកដែលខ្ចីប្រាក់គេត្រូវពិនិត្យលទ្ធភាពក្នុងការទូទាត់បំណុលឲ្យគេឲ្យអស់ពីលទ្ធភាពខ្លួន ។
ជាងនេះត្រូវធ្វើការសងតាម ខណៈដែលខ្លួនអាចធ្វើបាន ។ អ្នកនាំពាក្យក៏បានលើកឡើងថា សាររបស់រដ្ឋមន្ត្រីក្រសួងមហាផ្ទៃ កាលពីពេលកន្លងមកនេះ ពាក់ព័ន្ធនឹងការខ្ចីប្រាក់ គឺចង់ប្រាប់ទៅកាន់អ្នកដែលផ្តល់ប្រាក់កម្ចីតាមអនឡាញ និងក្រុមដែលផ្តល់ប្រាក់កម្ចីដល់មូលដ្ឋានឲ្យបញ្ឈប់សកម្មភាពជាបន្ទាន់ ។ ព្រោះកន្លងមកនេះសមត្ថកិច្ចបានធ្វើកិច្ចការងារនេះជាបន្តបន្ទាប់ដោយមិនមានការយោគយល់នោះទេ គ្រាន់តែមិនបានបង្ហាញជាសាធារណៈ ។
អ្នកនាំពាក្យក្រសួងមហាផ្ទៃក៏បានលើកឡើងនៅក្នុងឆ្នាំ២០២៥នេះ សមត្ថកិច្ចបានចាប់ផ្តើមអនុវត្ត និងធ្វើការផ្សព្វផ្សាយជាចំហដល់អ្នករកស៊ីអនឡាញខុសច្បាប់ រាល់ជនបរទេសដែលដើរផ្តល់ប្រាក់កម្ចីដល់ខ្នងផ្ទះខុសច្បាប់ ។ លោកបញ្ជាក់ថា ៖«ពេលនេះយើងនិយាយជាចំហបង្ក្រាបជាចំហ និងផ្សព្វផ្សាយបន្ថែមតែម្តង ។
ចំពោះករណីខ្ចីបុលនេះជាគោលការណ៍ទូទាំងធនាគារ គ្រឹះស្ថានហិរវត្ថុ បុគ្គល ឯកជន តាមមូលដ្ឋាន គឺការប្រាក់ដែលសមស្រប គឺក្នុងរង្វង់១៨% ក្នុងមួយឆ្នាំ ។ ហើយគិតជាខែ គឺប្រហែល១.៥% ។ អីញ្ចឹងរាល់ការប្រាក់ដែលយកលើសពី នេះ គឺមិនសមស្របទេ ប៉ុន្តែទោះបីជាការប្រាក់មិនសមស្របយើងត្រូវបែងចែកឲ្យបានច្បាស់ គឺមួយជាតួអង្គដែលបើកដោយមានច្បាប់ទទួលស្គាល់ ឬគ្មានច្បាប់នុញ្ញាត ។ មួយមានច្បាប់អនុញ្ញាតត្រឹម» ។
បើតាមលោក ទូច សុឃៈ បានលើកឡើងភាគច្រើនអ្នកបើការចងការប្រាក់ ឬឥនទានដែលស្របច្បាប់ គឺមិនហ៊ានធ្វើខុសពីច្បាប់កំណត់នោះទេ ។ ដោយយកចំនួន១៨%ក្នុងមួយឆ្នាំ ឬខ្លះទាបជាងនេះក៏មាន ។ អ្នកនាំពាក្យបានបន្ថែមចំពោះបុគ្គលដែលផ្តល់ប្រាក់កម្ចូលនៅតាមមូលដ្ឋានដែលអាចនិយាយជាមុខរបស់គាត់តាមពីប្រពៃណីយដើមមកគាត់អាចយកការប្រាក់លើសបន្តិចបន្តួច ប៉ុន្តែមិនអាចទុកថា លើ្មស ឬក៏រំលោ.ភច្បាប់ធ្ងន់ធ្ងរ ដែលយើងមិនអាចនិយាយគ្នាឬសម្រុះសម្រួលគ្នាបាននោះទេ ហើយមានន័យថា មិនមែនមិនសងគ្នានោះទេ ។
អ្នកនាំពាក្យបានគូសបញ្ជាក់ថា ៖«តាមច្បាប់ទាក់ទង និងការខ្ចីប្រាក់តាមមូលដ្ឋានអ្នកដែលខ្ចីអាចមានសិទ្ធិក្នុងការតវ៉ាអំពីការប្រាក់បានក្នុងករណីការប្រាក់លើសម្ចាស់អាចធ្វើការទូទាត់ការប្រាក់ដែលលើសនោះសងអ្នកខ្ចី ឬកូនបំណុលទៅតាមច្បាប់កំណត់បាន» ។
ជាមួយគ្នានោះដែរ អ្នកនាំពាក្យក៏បានលើកឡើងក្នុងការករណីដែលអ្នកដែលបានដឹងអ្នកដែលធ្វើការចងការប្រាក់តាមអនឡាញ ឬក្រុមជនបរទេសដែលចងការប្រាក់ដល់ផ្ទះខុសច្បាប់ហើយនាំគ្នាចងការប្រាក់នោះមានន័យថា អ្នកដែលចងការប្រាក់នោះក៏ខុសច្បាប់ ហើយត្រូវទទួលខុសត្រូវចំពោះច្បាប់ដូចគ្នា ៕
ចែករំលែកព័តមាននេះ