ខេត្តត្បូងឃ្មុំ ៖ ក្រោមការបញ្ជាផ្ទាល់ពីលោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ និងដោយមានការសម្របសម្រួលដឹកនាំនីតិវិធីពីលោក សួន ទី ព្រះរាជអាជ្ញារង…
ខេត្តត្បូងឃ្មុំ ៖ ក្រោមការបញ្ជាផ្ទាល់ពីលោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ និងដោយមានការសម្របសម្រួលដឹកនាំនីតិវិធីពីលោក សួន ទី ព្រះរាជអាជ្ញារង នៃអយ្យការអមសាលាដំបូងខេត្តត្បូងឃ្មុំ នៅថ្ងៃទី១៣-១៤ ខែកុម្ភៈ ឆ្នាំ២០២៥ កម្លាំងជំនាញ នៃអធិការដ្ឋាននគរបាលស្រុកពញាក្រែក សហការ ជាមួយកម្លាំងមូលដ្ឋានកងរាជអាវុធហត្ថស្រុកពញាក្រែក កម្លាំងផ្នែកសឹករងពញាក្រែក បានបើកកិច្ចប្រតិបត្តិការបង្ក្រាប ករណីរក្សាទុក ជួញដូរ និងប្រើប្រាស់ដោយខុសច្បាប់ នូវសារធាតុញៀន នៅក្នុងចំណុចការដ្ឋានកំពុងសាងសង់ ស្ថិតនៅភូមិត្រពាំងផ្លុងទី១ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ ដោយឃាត់ខ្លួនជនសង្ស័យ០៧នាក់ (ស្រី០១នាក់) ។
សមត្ថកិច្ច ដកហូតវត្ថុតាង រួមមាន ៖
-ម្សៅក្រាម ពណ៌សថ្លា សង្ស័យជាថ្នាំញៀនចំនួន ៣០កញ្ចប់
-ឧបករណ៍សម្រាប់ជក់ថ្នាំញៀន ចំនួន០៤សម្រាប់
-ដែកកេះ សម្រាប់ជក់ថ្នាំញៀន ចំនួន១៦ដើម
-ថង់ផ្លាស្ទិក សម្រាប់វេចខ្ចប់ថ្នាំញៀន មួយចំនួន
-ជញ្ជីងអេឡិចត្រូនិក សម្រាប់ថ្លឹងថ្នាំញៀនចំនួន ០១គ្រឿង
-កែវបំពង់ខ្សៀ សម្រាប់ជក់គ្រឿងញៀនចំនួន០៦
-កន្ត្រៃ ចំនួន០៥ដើម
-ដាវកែច្នៃ ចំនួន១៤ដើម
-ទូរសព្ទដៃ ចំនួន០២គ្រឿង ។
បច្ចុប្បន្ន ជនសង្ស័យទាំង០៧នាក់ រួមនឹងវត្ថុតាង ត្រូវបានបញ្ជូនមកកាន់អធិការដ្ឋាននគរបាលស្រុកពញាក្រែក ដើម្បីកសាងសំណុំរឿងតាមនីតិវិធី ៕
ចែករំលែកព័តមាននេះ