នាយករដ្ឋមន្ត្រីសៀមស្ទើរភ្លើង (បទពាក្យប្រាំពីរ)


នាយករដ្ឋមន្ត្រីសៀមស្ទើរភ្លើង
(បទពាក្យប្រាំពីរ)

-នាយករដ្ឋមន្ត្រីស្ទើរភ្លើង កើតឡើងចេញពីរដ្ឋប្រហារ
តែវ៉ែឡែឡប់ខុសតម្រា បានសេចក្តីថាប្លន់អំណាច ។
-នាយករដ្ឋមន្ត្រីស្ទើរភ្លើង ជាក្មេងទំនើងហើយកោងកាច
រាស្ត្រ​ខ្លួនលើសលប់មិនកោតខ្លាច ព្រោះគ្រងអំណាចមិនស្របច្បាប់ ។
-នាយករដ្ឋមន្ត្រីស្ទើរភ្លើង ជម្រុញឡើងទ្រើងទាំងប្រញាប់
ដោយពួកឯកអាមាត្រមួយក្តាប់ ឈូឆរលើកចាប់ដាក់បង្ខំ ។
-នាយករដ្ឋមន្ត្រីស្ទើរភ្លើង មីងមាំងទើងមើងមុខចង់យំ
ញញឹមលាយពេបប្រឹងបន្លំ គិតថាខ្លួនសមអ្នកគ្រប់គ្រង ។
-នាយករដ្ឋមន្ត្រីស្ទើរភ្លើង ដៃតោងព័ន្ធជើងខុសទំនង
ពើងទ្រូងតែដូចត្រីជាប់មង រាស្ត្រ​ថៃរំពងជេរផ្តាសា ។
-នាយករដ្ឋមន្ត្រីស្ទើរភ្លើង ភីស៊ីតមិនថ្កើងអាប់ចេស្តារ
អាប់ទាំងឈ្មោះអាប់ទាំងវោហារ កុំខ្លាំងដួលផ្ងារនៅឱ្យស្ងៀម ។
-សម្តេច ហ៊ុន​ សែន កម្ពុជា តេជោឫទ្ធាធុញសង្គ្រាម
ចូរអាប់ភីស៊ីតដឹកនាំសៀម ស្វាធ្យាយទំនៀមតាមតេជោ ៕
និពន្ធដោយលោក អំ ផល្លា
និវត្តជននៃស្នងការដ្ឋាននគរបាលខេត្តព្រះសីហនុ

កំណាព្យ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ