រាជធានីភ្នំពេញ ៖ រុស្ស៊ីនឹងបើកជើងហោះហើរត្រង់ផ្ទាល់មកកម្ពុជា នៅពេលដែលអាកាសយាន្តដ្ឋានអន្តរជាតិកម្ពុជាថ្មីបើកដំណើរការផ្លូវការ ។ នេះបើតាមឯកអគ្គរដ្ឋទូតរុស្ស៊ីប្រចាំនៅកម្ពុជា ។ នៅក្នុងជំនួបជាមួយសម្ដេចមហារដ្ឋសភាធិការធិបតី ឃួន សុដារី…
រាជធានីភ្នំពេញ ៖ រុស្ស៊ីនឹងបើកជើងហោះហើរត្រង់ផ្ទាល់មកកម្ពុជា នៅពេលដែលអាកាសយាន្តដ្ឋានអន្តរជាតិកម្ពុជាថ្មីបើកដំណើរការផ្លូវការ ។ នេះបើតាមឯកអគ្គរដ្ឋទូតរុស្ស៊ីប្រចាំនៅកម្ពុជា ។
នៅក្នុងជំនួបជាមួយសម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភាកម្ពុជា នៅថ្ងៃទី១០ ខែកុម្ភៈ ឆ្នាំ២០២៥ នៅវិមានរដ្ឋសភា ឯកឧត្តម អាណាតូលី បូរ៉ូវីក (Anatoly BOROVIK) ឯកអគ្គរដ្ឋទូតវិសាមញ្ញ និងពេញសមត្ថភាពនៃសហព័ន្ធរុស្ស៊ីប្រចាំព្រះរាជាណាចក្រកម្ពុជា បានឲ្យដឹងថា នៅពេលដែលអាកាសយាន្តដ្ឋានអន្តរជាតិថ្មីរបស់កម្ពុជាដាក់ដំណើរការនោះរុស្ស៊ីនឹងធ្វើការបើកជើងហោះហើរត្រង់ផ្ទាល់មកកម្ពុជាតែម្តង ។ ហើយការហោះហើរនឹងមានកាន់តែងាយស្រួល ពិសេសនោះធ្វើការជំរុញឲ្យអ្នកវិនិយោគភ្ញៀវទេសចរមកកម្ពុជាឲ្យកាន់ច្រើន ។
ការបើកជើងហោះហើរនេះ បន្ទាប់ពីសម្តេចប្រធានរដ្ឋសភាបានស្នើដល់ប្រទេសរុស្ស៊ី ពិនិត្យលទ្ធភាពនៅក្នុងការភ្ជាប់ជើងហោះហើរត្រង់រវាងប្រទេសទាំងពីរ ដើម្បីភ្ជាប់ទំនាក់ទំនងប្រជាជន និងប្រជាជន ជាពិសេសការពង្រីក វិស័យទេសចរណ៍ ដែលប្រទេសទាំងពីរមានសក្តានុពលដូចៗគ្នា ។
សម្តេចក៏បានស្នើឯកអគ្គរដ្ឋទូត ជួយផ្តល់ការបណ្តុះបណ្តាល ឬផ្តល់អាហារូបករណ៍ដល់មន្ត្រីអគ្គលេខាធិការដ្ឋានរដ្ឋសភាក្នុងការកសាងធនធានមនុស្សចូលរួមលើកកម្ពស់ស្ថាប័នរដ្ឋសភាក្លាយជាសភាឌីជីថលផងដែរ ។
សម្តេចប្រធានរដ្ឋសភាបានបញ្ជាក់ថា ៖«រុស្ស៊ីបានឈានមុខគេជួយកម្ពុជាលើការបណ្តុះបណ្តាលធនធានមនុស្ស ។ មកដល់ពេលនេះ មាននិស្សិតកម្ពុជាប្រមាណ៨ពាន់នាក់បានទៅសិក្សានៅប្រទេសរុស្ស៊ី ហើយអតីតនិស្សិតខ្មែរដែលបានសិក្សានៅរុស្ស៊ីបានក្លាយជាធនធានដ៏សំខាន់ និងមួយចំនួនជាឥស្សរជនជាថ្នាក់ដឹកនាំ ក្រសួងស្ថាប័នរបស់រាជរដ្ឋាភិបាលនៅក្នុងការរួមចំណែកយ៉ាងសំខាន់ក្នុងការអភិវឌ្ឍប្រទេសជាតិ ស្របតាមចក្ខុវិស័យមោះមុត វែងឆ្ងាយ ច្បាស់លាស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលបន្តវេន ដឹកនាំពីសម្តេចតេជោ ហ៊ុន សែន ក្នុងការនាំកម្ពុជាក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០» ។
ឯកឧត្តម អាណាតូលី បូរ៉ូវីក ក៏បានឲ្យដឹងថា ក្រោយជំងឺកូវីដ-១៩ បានធូរស្រាលកម្ពុជា និងរុស្ស៊ី គួរភ្ជាប់ទំនាក់ទំនងដោយផ្ទាល់ជាមួយគ្នាឡើងវិញនៅលើគ្រប់វិស័យ ។ នៅក្នុងការភ្ជាប់ទំនាក់ទំនងសភា និងសភា ឯកឧត្តមប្រធានសភាឌូម៉ារុស្ស៊ី គ្រោងមកបំពេញទស្សនកិច្ចនៅ កម្ពុជា ក្នុងពេលខាងមុខ ។
ចំណែកទំនាក់ទំនងពាណិជ្ជកម្មវិញគណៈកម្ម ការចម្រុះលើការងារពាណិជ្ជកម្មគ្រោងជួបប្រជុំគ្នានៅក្នុងឆ្នាំនេះ ដើម្បីលើកកម្ពស់ទំហំ ពាណិជ្ជកម្មកម្ពុជា-រុស្ស៊ី ។ លើវិស័យអប់រំវិញនៅឆ្នាំ២០២៥នេះ រុស្ស៊ីបានផ្តល់អាហារូបករណ៍ ៥៥កន្លែងដល់និស្សិតកម្ពុជា ដើម្បីបានទៅសិក្សានៅប្រទេសរុស្ស៊ី ។
ក្នុងឱកាសនោះដែរ សម្តេចរដ្ឋសភាធិបតី ឃួន សុដារី បានគាំទ្រការលើកឡើងរបស់ឯកឧត្តមឯកអគ្គរដ្ឋទូត និងបានចាត់ទុកថា បេសកកម្មការទូតរបស់ឯកឧត្តម ឯកអគ្គរដ្ឋទូត នៅកម្ពុជា ពិតជាមានសារសំខាន់ មិនត្រឹមតែរួមចំណែកដល់ការពង្រឹង ពង្រីកទំនាក់ទំនង ចំណងមិត្ដភាព និងកិច្ចសហប្រតិបត្តិការទ្វេភាគីរវាងប្រទេសយើងទាំងពីរប៉ុណ្ណោះទេ ថែមទាំងបានរួមចំណែកដល់សុខសន្តិភាព ស្ថេរភាព និងការអភិវឌ្ឍក្នុងតំបន់ និងសកលលោកថែមទៀតផង ។
សម្តេចប្រធានរដ្ឋសភាបានបញ្ជាក់ថា ៖«រុស្ស៊ីបានឈានមុខគេជួយកម្ពុជាលើការបណ្តុះបណ្តាលធនធានមនុស្ស ។ មកដល់ពេលនេះ មាននិស្សិតកម្ពុជាប្រមាណ៨ពាន់នាក់បានទៅសិក្សានៅប្រទេសរុស្ស៊ី ហើយអតីតនិស្សិតខ្មែរដែលបានសិក្សានៅរុស្ស៊ីបានក្លាយជាធនធានដ៏សំខាន់ និងមួយចំនួនជាឥស្សរជនជាថ្នាក់ដឹកនាំ ក្រសួងស្ថាប័នរបស់រាជរដ្ឋាភិបាលនៅក្នុងការរួមចំណែកយ៉ាងសំខាន់ក្នុងការអភិវឌ្ឍប្រទេសជាតិ» ៕
ចែករំលែកព័តមាននេះ