រាជធានីភ្នំពេញ ៖ ករណីឧក្រិដ្ឋកម្មគ្រឿងញៀននៅក្នុងប្រទេសកម្ពុជា បានថយចុះគួរឲ្យកត់សម្គាល់ នៅក្នុងរយៈពេល៥ ខែដើមឆ្នាំ២០២៦ នេះបើតាមរបាយការណ៍ ដែលបានចេញផ្សាយកាលពីថ្ងៃទី០១ ខែមិថុនា ឆ្នាំ២០២៦ ។
ស្ថិតិបានបង្ហាញថា នៅក្នុងរយៈពេលនេះ អាជ្ញាធរបានឃាត់ខ្លួនជនសង្ស័យពាក់ព័ន្ធនឹងគ្រឿងញៀន ចំនួន ៧,១២៧នាក់ ដែលធ្លាក់ចុះ ៣២ភាគរយ បើធៀបនឹង ១០,៤៨៧នាក់ ក្នុងរយៈពេលដូចគ្នាកាលពីឆ្នាំមុន ហើយនៅក្នុងនោះ ជនសង្ស័យជាបរទេសមានចំនួន ២២៥នាក់ មាន ១២សញ្ជាតិ ។
ប្រភពដដែល បានបន្តថា គ្រឿងញៀនខុសច្បាប់ ដែលរឹបអូសគឺមានប្រហែល ១,០១តោន អាភៀន ៨,៥គីឡូក្រាម និងកញ្ឆាស្ងួត ៩,៤គីឡូក្រាម ខណៈដែលកាលពីរយៈពេល៥ខែដំបូង នៃឆ្នាំទៅ គ្រឿងញៀនមានបរិមាណសរុប ១,៧៨តោន ។
គ្រឿងញៀនដែលរឹបអូសភាគច្រើនមាន ៖ កេតាមីន, អេស្តាស៊ី, ហេរ៉ូអ៊ីន, មេតំហ្វេតាមីន(ម៉ាទឹកកក), មេតំហ្វេតាមីលគ្រាប់, កូកាអ៊ីន និងកាទីណុន (cathinone) ជាដើម ។
កម្ពុជា មិនមានទោសប្រហារជីវិតចំពោះអ្នកជួញដូរគ្រឿងញៀនខុសច្បាប់នោះទេ ប៉ុន្តែអ្នកមានគ្រឿងញៀនលើសពី ៨០ ក្រាម ឡើងទៅអាចប្រឈមមុនខឹងការកាត់ទោសដាក់គុកអស់មួយជីវិត ៕
ចែករំលែកព័តមាននេះ