រាជធានីភ្នំពេញ ៖ ស្ថានទូតថៃប្រចាំកម្ពុជាបានរៀបចំកម្មវិធីពិព័រណ៌ការសិក្សា និងការងារ ដើម្បី អបអរសាទរខួបគម្រប់៧៥ឆ្នាំនៃការស្ថាបនាទំនាក់ទំនងការទូត រវាងព្រះរាជាណាចក្រថៃ និងកម្ពុជា ។ នៅព្រឹកថ្ងៃទី៨…
រាជធានីភ្នំពេញ ៖ ស្ថានទូតថៃប្រចាំកម្ពុជាបានរៀបចំកម្មវិធីពិព័រណ៌ការសិក្សា និងការងារ ដើម្បី អបអរសាទរខួបគម្រប់៧៥ឆ្នាំនៃការស្ថាបនាទំនាក់ទំនងការទូត រវាងព្រះរាជាណាចក្រថៃ និងកម្ពុជា ។
នៅព្រឹកថ្ងៃទី៨ ខែកុម្ភៈ ឆ្នាំ ២០២៥ ស្ថានទូតថៃប្រចាំកម្ពុជា រួមសហការជាមួយ Go Study Thailand និងបណ្តាញអតីតនិស្សិត ដែលបញ្ចប់ការសិក្សាពីប្រទេសថៃ បានរៀបចំកម្មវិធីពិព័រណ៍ការ សិក្សា និងការងារ «Thailand Education and Jobs Fair 2025 181 Connexion កោះពេជ្រ រាជធានីភ្នំពេញ។
ថ្លែងបើកកម្មវិធី លោកស្រី អេកអរ ឃុ ណាចាវឿន ភារធារី នៃស្ថានទូតថៃប្រចាំកម្ពុជា បានលើកឡើងថា៖”ស្ថានទូតថៃប្រចាំកម្ពុជាប្តេជ្ញា ចិត្តយ៉ាងមុតមាំនូវក្នុងការជំរុញគាំទ្រយុវជនកម្ពុជាដែលមានបំណងរួមចំណែកក្នុងការពង្រឹងកិច្ចសហ ប្រតិបត្តិការក្នុងវិស័យសេដ្ឋកិច្ច និងការបង្កើនទំនាក់ទំនងស្ថិតអួតរវាងប្រជាជននៃប្រទេសយើង ទាំងពីរ»។
លោកស្រីបានបន្ថែមទៀតថា«ឆ្នាំនេះ គឺជាឆ្នាំដ៏កាន់តែពិសេស ព្រោះជាខួបគម្រប់ ៧៥ ឆ្នាំនៃ ការស្ថាបនាទំនាក់ទំនងការទូតរវាងព្រះរាជាណាចក្រថៃ និងកម្ពុជា» ដែលតាមរយៈកម្មវិធីនេះក៏បាន ឆ្លុះបញ្ចាំងផងដែរអំពីទំនាក់ទំនងដ៏រឹងមាំនៃប្រទេសយើង ទាំងពីរ។
ក្នុងឱកាសនោះដែរ ឯកឧត្តម បណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានមាន ប្រសាសន៍ថា ការរៀបចំពិព័រណ៍ការ សិក្សា និងការងារ ពិតជាមានសារសំខាន់សម្រាប់យុវជនដែលកំពុងសិក្សានិងអ្នកស្វែងរកការងារនៅក្នុងប្រទេសកម្ពុជាក្នុងការមានឱកាសបន្តការសិក្សាឬធ្វើការងារនៅក្នុងប្រទេសថៃ។ លើសពីនេះឯកឧត្តមរដ្ឋមន្ត្រីក៏បានលើក ឡើងថាទំនាក់ទំនងកម្ពុជានិងកម្ពុជាក៏បានធ្វើឲ្យមានការផ្លាស់ប្ដូរបទពិសោធន៍ក៏ដូចជាចំណេះដឹងពីគ្នាទៅវិញទៅមកផងដែរ។
ពិព័រណ៍ការ សិក្សា និងការងារធ្វើឡើងក្រោមមូលបទ «រួមគ្នាដើម្បីអនាគតដ៏កាន់តែប្រសើរ (Together for a Better Future,) ដើម្បីអបអរសាទរខួបគម្រប់ ៧៥ ឆ្នាំនៃការស្ថាបនាទំនាក់ទំនង ការទូតរវាងព្រះរាជាណាចក្រថៃ និងកម្ពុជា។
កម្មវិធីពិព័រណ៍នេះមានវត្តមានគ្រឹះស្ថានអប់រំថៃចំនួន ១៩ និងក្រុមហ៊ុនថៃដែលកំពុងបណ្តាក់ ខុននៅកម្ពុជាចំនួន ២៥ បានចូលរួម ដែលនឹងផ្តល់ឱកាសដល់យុវជនកម្ពុជាទទួលបានព័ត៌មានពីកម្ម វិធីកិច្ចពិភាក្សា ការបង្កើតបណ្តាញជាមួយអ្នកជំនាញមានបទពិសោធន៍ ព្រមទាំងអាចស្វែងរកអនាគត ការសិក្សានិងការងារបានផងដែរ។
កម្មវិធីនេះទទួលបានការចាប់អារម្មណ៍ពីបណ្តាសិស្សនិស្សិតកម្ពុជា និងអ្នកដែលកំពុងស្វែងរក ការងារមេកពីគ្រប់មជ្ឈដ្ឋានប្រមាណជាង៥០០នាក់៕
ចែករំលែកព័តមាននេះ