រាជធានីភ្នំពេញ ៖ សម្ដេចបវរអធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់យ៉ាងច្បាស់ៗថា មិនមានការផ្លាស់ប្ដូររដ្ឋមន្ត្រី នៅតាមក្រសួងមួយចំនួន ដូចពាក្យចចាមអារ៉ាមនិយាយតគ្នានោះទេ…
រាជធានីភ្នំពេញ ៖ សម្ដេចបវរអធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់យ៉ាងច្បាស់ៗថា មិនមានការផ្លាស់ប្ដូររដ្ឋមន្ត្រី នៅតាមក្រសួងមួយចំនួន ដូចពាក្យចចាមអារ៉ាមនិយាយតគ្នានោះទេ ។
ថ្លែងក្នុងបិទសន្និបាត បូកសរុបលទ្ធ ផលការងារ ៥ឆ្នាំ ២០២០-២០២៤ នៃដំណើរឆ្ពោះ ទៅបរិវត្តកម្មឌីធីថល និងលើកទិសដៅកា រងារបន្ត របស់ក្រសួងព្រៃសណីយ៍ និងទូរគមនាគមន៍ នារសៀលថ្ងៃទី៦ ខែកុម្ភៈ ឆ្នាំ២០២៥នេះ នៅសណ្ឋាគាររ៉េស៊ីដង់សុខាភ្នំពេញ សម្តេចធិបតី ហ៊ុន ម៉ាណែតបានបញ្ជាក់យ៉ាងដូច្នេះថា ៖ ខ្ញុំមិនចង់និយាយទេ រឿងនេះទេ វាមិនចង់ទេ! មិនមែន ជារឿងព័ត៌មានក្លែងក្លាយលើប្រព័ន្ធអីធើណេតទេ គឺរឿងពាក្យចចាមអារ៉ាម«…» ដែលចែករំលែកតាមនេះ គឺរឿងដូររដ្ឋមន្ត្រីនៅក្រសួងប៉ុន្មានទៀត! មិនចេះចប់តាំងពីចុងឆ្នាំហើយ មកដល់ពេលនេះ ហើយរឿងនេះ មានគេប្រាប់ថា យើងត្រូវដូររដ្ឋមន្ត្រីចំនួន៦ទៀត ហើយមន្ត្រីមិនចាំបាច់ធ្វើការទេ គង់តែដូររដ្ឋមន្ត្រី ឬមេថ្មីមក» ។
សម្តេចបវរធិបតី នាយរដ្ឋមន្ត្រី បានបន្ត ៖ ខ្ញុំមិនចង់និយាយជាសាធារណៈទេ ហើយខ្ញុំ បានប្រាប់ទៅរដ្ឋមន្ត្រីពាក់ព័ន្ធ សូមប្រាប់អ្នកដែលពាក់ព័ន្ធផង ប៉ុន្តែប៉ុន្មានថ្ងៃនេះ មានគេប្រាប់ថា មានគេនិយាយទៀតហើយ មិនទាន់ចប់ទេ ។
ចំណុចនេះសម្តេចបវរធិបតី បានគូសបញ្ជាក់ថា ៖ «ឥឡូវនេះ ខ្ញុំសូមប្រកាស តែម្តងទៅ តើដូររដ្ឋមន្ត្រីអ្វី ? បើនាយករដ្ឋមន្ត្រីមិនដឹងផង ហើយយូរទៅប្រពន្ធខ្ញុំថា ខ្ញុំលាក់គាត់ទៀត…។ ខ្ញុំសូមបញ្ជាក់ថា ការស្នើសុំផ្លាស់ប្តូររដ្ឋមន្ត្រី ឬមួយសមាជិករាជរដ្ឋាភិបាល ជាសិទ្ធិ និងឆន្ទានុសិទ្ធរបស់នាយករដ្ឋមន្ត្រី តែពេលនេះ នាយករដ្ឋមន្ត្រី មិនដឹងផង ដូច្នេះកុំព្រួយបារម្មណ៍ថាមានរដ្ឋមន្ត្រីក្រសួងណា ត្រូវដូរទៀតនោះទេ។ អ៊ីចឹងសូមរំលត់ចោលទៅរឿងនេះ ព្រោះថា មិនត្រូវការដូររដ្ឋមន្ត្រីណាទៀតទេ ពេលនេះ» ។
ជាមួយគ្នានោះដែរ សម្តេចបវរធិបតី ហ៊ុន ម៉ាណែត បានស្នើឲ្យមន្ត្រីនៅតាមក្រសួងស្ថាប័នទាំងអស់ខិតខំធ្វើការទៅ ទោះបីរដ្ឋមន្ត្រីណាក៏ដោយ។ កុំរងចាំមេណាឲ្យសោះ ព្រោះសិទ្ធិ ការស្នើ សុំចាត់តាំងមន្ត្រីជាសិទ្ធិរបស់រដ្ឋមន្ត្រី ប៉ុន្តែរង់ចាំអ៊ុតមើលរដ្ឋមន្ត្រីណា ក្រែងរដ្ឋមន្ត្រី ស្នើសុំដូរខ្លួនឯងចេញទៅ ។
សម្តេចបវរធិបតី នាយករដ្ឋមន្ត្រី បានលើកឡើងថា នៅពេលនេះ ប្រសិនបើសម្តេច មិនប្រកាសនៅពេលនេះទេ គឺរឿងនេះមិនចប់នោះទេ ។
សម្តេចបវរធិបតី បានអះអាងថា ពេលនេះនាយករដ្ឋមន្ត្រី មិនបានដឹងរឿងហ្នឹងទេ ប៉ុន្តែដឹងតែ រដ្ឋមន្ត្រីមួយៗ កំពុងតែ ខិតខំបំពេញការងាររបស់ខ្លួន ហើយត្រូវរក្សាលំនឹងបន្តទៀត ។
ពាក់ព័ន្ធព៍ត៌មានផ្លាស់ប្តូររដ្ឋមន្ត្រីនេះដែរ ត្រូវបានសម្តេចបវរធិបតី បានឲ្យដឹងថា មានរដ្ឋមន្ត្រីមួយភ័យ ក៏បានសួរសម្តេចយ៉ាងដូច្នេះថា ៖ «សម្តេចខ្ញុំ ឮពីឧកញ៉ាផ្សេងៗ ថា សម្តេចផ្លាស់ប្តូរខ្ញុំ ? ខ្ញុំឆ្លើយថា អ្នកណាប្តូរ បើខ្ញុំមិនដឹងផង! អត់ទេ ខិតខំធ្វើតែការងារទៅ ព្រោះថា រដ្ឋមន្ត្រី គឺកោសិការរបស់ជាតិ។ សុំកុំគិតការងាររបស់ខ្ញុំ ទុកឲ្យខ្ញុំធ្វើទៅល្អជាង ៕
ចែករំលែកព័តមាននេះ