ខេត្តកំពត ៖ ​បុរសម្នាក់​​ឈ្មោះស៊ាង ធី អាយុ55ឆ្នាំ ជាកសិករ​ចិញ្ចឹមសត្វពពែ នៅភូមិដំណាក់កន្ទួត ឃុំដំណាក់កន្ទួតខាងត្បូង ស្រុកកំពង់ត្រាច បាននិយាយប្រាប់អ្នកយកព័ត៌មានកោះសន្តិភាពឱ្យ​ដឹងកាលពីព្រឹកថ្ងៃទី5 ខែកុម្ភះ ឆ្នាំឆ្នាំ2025នេះថា ការចិញ្ចឹមសត្វពពែនៅដើមឆ្នាំ2025នេះ សត្វពពែកំពុង​មានទីផ្សាយ៉ាងពិតប្រាកដ មិនធ្លាប់មានពីមុន។

អ្នកចិញ្ចឹមពពែរូបនេះបាននិយាយប្រាប់បន្តថា គាត់បានលក់សត្វ​ពពែរស់ក្នុងមួយគីឡូ6ដុល្លារ និងក្នុងមួយថ្ងៃលក់បាន​ពី​4ទៅ5ក្បាលតាមការកម្ម៉ង់ទិញពីចិននៅលើភ្នំបូកគោ ឬកន្លែងផ្សេងៗទៀតតាមដែលតម្រូវការនៅក្នុងនោះក៍បានចុងភៅកុងឃួននិងចុងភៅខួវស៊ាងផងដែរ ដែលទិញសត្វ​ពពែ​យកទៅធ្វើម្ហូបការ។

កសិករឈ្មោះស៊ាងធី និយាយប្រាប់បន្តថា កាលពីឆ្នាំទៅ ការលក់សាច់ពពែមានការហត់នឿយច្រើនហើយគ្មានអ្នកទិញទៀតផង ។ មកដល់ឆ្នាំ2025នេះស្រាប់តែខាងចិនមកកម្ម៉ង់ទិញរាល់ថ្ងៃស្ទើតែរកសាច់ពពែលក់អោយចិនស្ទើតែមិនបាន ។​

ទោះបីជាបែបណា គេបានដឹងថាកាលពីប៉ុន្មានឆ្នាំមុននេះពលរដ្ឋនៅតាមភ្នំនានាចូលចិត្តចិញ្ចឹម​សត្វ​ពពែ តែចិញ្ចឹមបានហើយខ្វះទីផ្សារ ទើបពួកគាត់បោះបង់ការចិញ្ចឹម ទើបតែនៅឆ្នាំនេះ ទីផ្សារ​សត្វ​ពពែបានហក់ឡើងថ្លៃវិញ ហើយម្នាក់ៗពិតជាស្ដាយក្រោយ ៕​