ឥណ្ឌា ៖ ឧបទ្ទវហេតុមនុស្សជាន់គ្នាបានកើតមានឡើងសារជាថ្មីទៀត បន្ទាប់ពីហ្វូងមនុស្សរាប់លាននាក់បានប្រមូលផ្តុំគ្នានៅក្នុងពិធីបុណ្យសាសនាដែលមានឈ្មោះថា យកុម្ភៈមេឡា Maha Kumbh ដែលជាពិធីសាសនាមួយដ៏ធំនៅក្នុងប្រទេសឥណ្ឌា និងជាពិធីបុណ្យដែលមានមនុស្សងូតទឹកទន្លេច្រើនជាងគេបំផុតនៅលើពិភពលោក ដែលបណ្តាលឱ្យមានមនុស្សយ៉ាងហោចណាស់៣៨នាក់…
ឥណ្ឌា ៖ ឧបទ្ទវហេតុមនុស្សជាន់គ្នាបានកើតមានឡើងសារជាថ្មីទៀត បន្ទាប់ពីហ្វូងមនុស្សរាប់លាននាក់បានប្រមូលផ្តុំគ្នានៅក្នុងពិធីបុណ្យសាសនាដែលមានឈ្មោះថា យកុម្ភៈមេឡា Maha Kumbh ដែលជាពិធីសាសនាមួយដ៏ធំនៅក្នុងប្រទេសឥណ្ឌា និងជាពិធីបុណ្យដែលមានមនុស្សងូតទឹកទន្លេច្រើនជាងគេបំផុតនៅលើពិភពលោក ដែលបណ្តាលឱ្យមានមនុស្សយ៉ាងហោចណាស់៣៨នាក់ ត្រូវបានគេរាយការណ៍ថាស្លា.ប់ ខណៈមនុស្សជាច្រើននាក់ទៀតបានរងរបួសនៅទីក្រុង ប្រាយ៉ារាជ Prayagrajភាគខាងជើង ។ នេះបើយោងតាមការចុះផ្សាយរបស់សារព័ត៌មាន CNN នៅថ្ងៃទី២៩ ខែមករា ឆ្នាំ២០២៥ ។
ហេតុការណ៍រត់ជាន់គ្នាស្លា.ប់ គឺជារឿងដែលតែងតែបានកើតមានឡើងរៀងរាល់ពិធីបុណ្យសាសនានៅក្នុងប្រទេសឥណ្ឌា ហើយជាពិសេសពិធីបុណ្យ Kumbh Mela ដែលត្រូវបានគេប្រារព្ធធ្វើរៀងរាល់៦ឆ្នាំ , ១២ឆ្នាំ និង១៤៤ឆ្នាំម្តង ហើយឆ្នាំ២០២៥នេះចំនួនអ្នកចូលរួមមានច្រើនលើសលប់បំបែកកំណត់ត្រារហូតដល់ទៅ៤០០លាននាក់ ដែលគេអាចស្មានដឹងមុនទៅហើយ ហេតុការណ៍រត់ជាន់គ្នានឹងអាចកើតមានឡើងដោយជៀសមិនផុតឡើយ ។
ពិធីបុណ្យដែលមានរយៈពេល៦សប្តាហ៍ គឺជាព្រឹត្តិការណ៍ដ៏ធំបំផុតនៅលើប្រតិទិនសាសនាហិណ្ឌូ ខណៈដែលថ្ងៃពុធ ទី២៩ ខែមករា ឆ្នាំ២០២៥នេះ មនុស្សរាប់លាននាក់បានរូតរះមកចូលរួមតាំងពីយប់រំលងអធ្រាត្រ ព្រោះជាថ្ងៃដ៏ពិសិដ្ឋបំផុតមួយដែលគ្រប់គ្នាត្រូវធ្វើពិធីងូតទឹកលាងសំអាតបាប នៅឯចំណុចប្រសព្វនៃទន្លេពិសិដ្ឋចំនួនបី រួមមានទន្លេគង្គា, ទន្លេយ៉ាមុណា និងទន្លេទេវកថាសារ៉ាសវ៉ាទី ។
វេជ្ជបណ្ឌិត ដែលកំពុងដុតដៃដុតជើងសង្គ្រោះមនុស្សបាននិយាយថា «ជាបឋមយ៉ាងហោចណាស់មនុស្ស៣៨នាក់បានស្លា.ប់ ។ អ្នកផ្សេងទៀតកំពុងសង្គ្រោះបន្ទាន់ ហើយអ្នកស្លា.ប់អាចកើនឡើងច្រើនដល់ខ្ទង់រយនាក់» ។
ប្រភពអនាមិកបានលួចខ្សឹបប្រាប់ AFP ដោយមិនបង្ហាញអត្តសញ្ញាណថា របាយការណ៍លម្អិតមិនត្រូវបានអាជ្ញាធរអនុញ្ញាតឱ្យនិយាយប្រាប់ប្រព័ន្ធផ្សព្វផ្សាយនោះទេ ។ រូបភាពតាមសារព័ត៌មាន និងបណ្តាញសង្គមបង្ហាញថា ក្រុមជួយសង្គ្រោះ និងកងកម្លាំងបានដុតដៃដុតជើង សម្របសម្រួលគ្រប់គ្រងសភាពការណ៍នៅនឹងកន្លែង ហើយសាកស.ពជនរងគ្រោះ និងអ្នករបួសត្រូវបានគេសែងចេញ ខណៈសម្លៀកបំពាក់ ស្បែកជើង និងរបស់របររបស់ជនរងគ្រោះរាយប៉ាយពាសពេញដី ។
សាច់ញាតិដែលបានបាត់បង់មនុស្សជាទីស្រលាញ់របស់ពួកគេកំពុងទ្រហោយំគួរឱ្យសង្រេគ ខណៈសាច់ញាតិរាប់សិបនាក់ទៀតកំពុងរង់ចាំដំណឹងយ៉ាងអន្ទះសានៅខាងក្រៅតង់ដ៏ធំមួយដែលគេដឹងថា វាជាមន្ទីរពេទ្យប្រចាំការដែលត្រូវបានគេសាងសង់ឡើង ដើម្បីត្រៀមសង្គ្រោះក្នុងករណីអាសន្នសម្រាប់ពិធីបុណ្យមួយនេះ ដែលចម្ងាយប្រហែល ១គីឡូម៉ែត្រពីទីតាំងមនុស្សជាន់គ្នា ។
អាជ្ញាធរក្នុងតំបន់បានប្រាប់ទីភ្នាក់ងារសារព័ត៌មាន Press Trust of India (PTI) ថា ការរត់ជាន់គ្នាបានចាប់ផ្តើមនៅម៉ោងប្រមាណ៤ទៀបភ្លឺ បន្ទាប់ពីការដួលរលំនៃរបាំងដែលអាជ្ញាធរបានបំពាក់ដើម្បីគ្រប់គ្រងហ្វូងមនុស្សកុំអោយចូលទៅកៀកនឹងទន្លេ មុនពេលដែលពិធីចាប់ផ្តើម។
អ្នករៀបចំកម្មវិធី បានព្យាករណ៍ថា រហូតដល់ថ្ងៃចុងក្រោយនៃពិធី គឺថ្ងៃទី២៦ ខែកុម្ភៈ ឆ្នាំ២០២៥ ពិធីបុណ្យ Maha Kumbh នាឆ្នាំនេះនឹងមានអ្នកចូលរួមរហូតដល់៤០០លាននាក់ ។ ដោយគិតពីហានិភ័យនៃគ្រោះថ្នាក់មនុស្សជាន់គ្នាស្លា.ប់ ប៉ូលិសក្នុងតំបន់បានតម្លើងបង្គោល រនាំង និងតម្រាយផ្លូវ ដើម្បីបញ្ជៀសភាពកកកុញ ។ ក្រៅពីដាក់ពង្រាយកម្លាំងឃ្លាំមើលរាប់ពាន់នាក់ នៅក្នុងហ្វូងមនុស្សដែលចូលរួម ហើយនោះ អាជ្ញាធរក៏បានបំពាក់កាមេរ៉ាសុវត្ថិភាពរាប់រយកន្លែងនៅកន្លែងប្រារព្ធពិធី ក៏ដូចជា ឃ្លាំមើលតាមកាម៉េរាពីយន្តហោះដ្រូនរាប់រយគ្រឿងដែលបង្ហោះពីលើអាកាស ។
ប៉ុន្តែយ៉ាងណាក៏ដោយនៅតែមិនអាចទប់ស្កាត់ហេតុការណ៍អកុសលបាន ។ គេចាំបានថា មនុស្សជាង៤០០នាក់បានស្លា.ប់ នៅក្នុងថ្ងៃងូតទឹកលាងបាប នៃពិធីបុណ្យ Kumbh Mela កាលពីឆ្នាំ១៩៥៤ ដែលធ្វើឱ្យឧបទ្ទវហេតុនេះ ជាប់កំណត់ត្រាហេតុការណ៍មនុស្សជាន់គ្នាដែលមានអ្នកស្លា.ប់ច្រើនបំផុតនៅក្នុងពិភពលោក ។ ខណៈដែលហេតុការណ៍មនុស្សជាន់គ្នាស្លា.ប់ចុងក្រោយបំផុតសម្រាប់ពិធីមួយនេះទីក្រុង Prayagraj ភាគខាងជើង ។ បានកើតឡើងកាលពីឆ្នាំ២០១៣ ដោយបណ្តាលឱ្យមនុស្ស ៣៦នាក់ស្លា.ប់៕
ចែករំលែកព័តមាននេះ