ខេត្តស្វាយរៀង ៖ លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង បានដឹកនាំកម្លាំងជំនាញ ផែនការងារគ្រប់គ្រងអាវុធគ្រឿងផ្ទុះ និងអគ្គិភ័យ ធ្វើការដុតកម្ទេចឧបករណ៍ឆក់ត្រីខុសច្បាប់…
ខេត្តស្វាយរៀង ៖ លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង បានដឹកនាំកម្លាំងជំនាញ ផែនការងារគ្រប់គ្រងអាវុធគ្រឿងផ្ទុះ និងអគ្គិភ័យ ធ្វើការដុតកម្ទេចឧបករណ៍ឆក់ត្រីខុសច្បាប់ មួយចំនួនធំ ដែលសមត្ថកិច្ចនៅមូលដ្ឋានចុះបង្ក្រាប និងដកហូតបានពេលជនល្មើសធ្វើសកម្មភាពឆក់ត្រីដោយខុសច្បាប់ នៅតាមវាលស្រែ និងព្រែកនានា ក្នុងមូលដ្ឋានខេត្តស្វាយរៀង ។
ការដុតកម្ទេចឧបករណ៍ឆក់ត្រីនេះ បានធ្វើឡើងនាព្រឹកថ្ងៃទី២៩ ខែមករា ឆ្នាំ២០២៥ នៅទីលានចាត់សំរាម ស្ថិតក្នុងភូមិចុងព្រែក សង្កាត់ស្វាយរៀង ក្រុងស្វាយរៀង ខេត្តស្វាយរៀង ។
ការដុតបំផ្លាញឧបករណ៍ឆក់ត្រីនេះដែរ មហាជនបានអបអរសាទរយ៉ាងខ្លាំង ដែលសមត្ថកិច្ចបានចុះបង្ក្រាប និងដកហូតគ្រឿងឧបករណ៍ឆកត្រី មកដុតកម្ទេចចោល ។
មហាជនក៏បានសំណូមពរដល់លោកស្នងការនគបាលខេត្តស្វាយរៀង សូមរឹតបន្តឹង ការបង្ក្រាបបទល្មើសនេសាទខុសច្បាប់នានា ហើយចាប់ឃាត់ខ្លួនជនល្មើស មកផ្តន្ទាទោសតាមច្បាប់ និងសូមចុះពិនិត្យតាមតូប ដែលលួចផលិត និងលក់ឧបករណ៍ឆក់ត្រី នៅតាមបណ្តាមូលដ្ឋាននានាក្នុងខេត្ត បើមានផលិត ឬដាក់តាំងលក់ឧបករណ៍ល្មើសច្បាប់ ត្រូវតែបង្ក្រាប ដកហូត និងចាប់ឃាត់ខ្លួនជនល្មើស យកមកផ្តន្ទាទោសតាមច្បាប់ ទើបក្រុមប្រព្រឹតបទល្មើសខុសច្បាប់ទាំងនេះ រាងចាល ៕
ចែករំលែកព័តមាននេះ