បន្ទាយមានជ័យ ៖ អាជីវករលក់ជ្រូក និងមាន់ទាខ្វៃ ក្នុងឱកាសចូលឆ្នាំប្រពៃណីយចិន.វៀតណាមឆ្នាំនេះ លក់បានថ្លៃ ហើយច្រើនជាងឆ្នាំមុនខណៈលក់ពេលរាត្រីយប់ថ្ងៃទី២៧ ខែមករា ឆ្នាំ២០២៥ នៅផ្សារអគ្គរស្ថិតសង្កាត់/ក្រុងប៉ោយប៉ែត…
បន្ទាយមានជ័យ ៖ អាជីវករលក់ជ្រូក និងមាន់ទាខ្វៃ ក្នុងឱកាសចូលឆ្នាំប្រពៃណីយចិន.វៀតណាមឆ្នាំនេះ លក់បានថ្លៃ ហើយច្រើនជាងឆ្នាំមុនខណៈលក់ពេលរាត្រីយប់ថ្ងៃទី២៧ ខែមករា ឆ្នាំ២០២៥ នៅផ្សារអគ្គរស្ថិតសង្កាត់/ក្រុងប៉ោយប៉ែត ។
អាជីវករបានប្រាប់ថា ៖ ក្នុងឱកាសចូលឆ្នាំប្រពៃណីយចិន.វៀតណាមឆ្នាំ២០២៥នេះ គាត់លក់ជ្រូកមាន់ទាខ្វៃ បានថ្លៃជាងឆ្នាំមុន ដោយជ្រូកខ្វៃ១ក្បាល ទម្ងន់១០គីឡូលក់បានជិត៦០ម៉ឺនរៀល ក្នុង១គីឡូក្រាមជិត៦ម៉ឺនរៀល បើប្រៀបធៀបឆ្នាំមុន១០គីឡូក្រាមតម្លៃ៥៣ម៉ឺនរៀលក្នុង១គីឡូក្រាមតម្លៃ៥៣.០០០រៀល និងតម្លៃទាខ្វៃ១គីឡូក្រាមតម្លៃ៥ម៉ឺនរៀល និងមាន់ខ្វៃ១គីឡូក្រាម តម្លៃ៣ម៉ឺនរៀល ដោយមានថែមទឹកជ្រលក់ និងបន្លែជូនភ្ញៀវទៀត ។
អាជីវកររូបនោះបានបញ្ជាក់ថា ៖ អាជីវករនៅផ្សារអគ្គរក្រុងប៉ោយប៉ែតមានប្រមាណជាង១០កន្លែង ដែលលក់ជ្រូក ទា មាន់ខ្វៃ ក្នុងឱកាសចូលឆ្នាំប្រពៃណីយចិន.វៀតណាម ជាក់ស្តែង១កន្លែងលោកផ្ទាល់ជ្រូកខ្វៃជាង៣០០ក្បាល និងទាខ្វៃជាង១.០០០ក្បាល និងមាន់ខ្វៃជាង១.០០០ក្បាល ជាង១០កន្លែងមានជ្រូកខ្វៃរាប់ពាន់ក្បាល ដែលលក់ច្រើននៅយប់ថ្ងៃ មុនចូលឆ្នាំចិន.វៀតណាម ១ថ្ងៃរហូតដល់ថ្ងៃសែនទើបលក់ និងតម្លៃធម្មតាវិញ ។
អាជីវករបានបញ្ជាក់ថា ៖ លក់ជ្រូក ទា មាន់ខ្វៃ ឆ្នាំនេះលក់ស្រួល ឬដាច់ហើយ ច្រើនជាងឆ្នាំមុន ព្រោះមានជនជាតិបរទេសមកស្នាក់នៅរកស៊ីក្រុងប៉ោយប៉ែតជាប់ជាយដែនច្រើន ហើយជ្រូក និងមាន់ទាខ្វៃនេះ ទិញក្នុងស្រុកដែលធ្វើខ្វៃសម្រាប់លក់ចូលឆ្នាំចិន.វៀតណាម ជ្រូកខ្វៃ លក់ដាច់ជាងគេ ១ក្បាលទម្ងន់១០គីឡូក្រាម បើទម្ងន់ជាង១០គីឡូក្រាមឡើងពិបាកលក់បន្តិច តែឆ្នាំលក់ដាច់ជាងឆ្នាំមុន ៕
ចែករំលែកព័តមាននេះ