បន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យ២នាក់ដែលជាក្មេងទំនើ.ងដែលដើរលេងពេលយប់ដាក់កាំបិ.ត២ដើម ក្នុងកែបម៉ូតូ ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២៦ ខែមករា ឆ្នាំ២០២៥ ។ លោកវរៈសេនីយ៍ត្រី…
បន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យ២នាក់ដែលជាក្មេងទំនើ.ងដែលដើរលេងពេលយប់ដាក់កាំបិ.ត២ដើម ក្នុងកែបម៉ូតូ ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២៦ ខែមករា ឆ្នាំ២០២៥ ។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា ៖ ជនសង្ស័យ២នាក់ មាន១.ឈ្មោះ ចាន់ សៀវម៉េង ភេទប្រុស អាយុ២១ឆ្នាំ ២.ឈ្មោះ មុំ មាន ភេទប្រុស អាយុ២៥ឆ្នាំរស់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត។
លោកបានបញ្ជាក់ថា ៖ នៅពេលឃាត់ខ្លួនជនសង្ស័យ គឺកម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានចេញល្បាតការពារសន្តិសុខនិងសណ្តាប់ធ្នាប់ជូនប្រជាពលរដ្ឋនៅពេលយប់ ហើយប្រទះឃើញដេញតាមប្រម៉ាញ់ ត្រូវជនសង្ស័យបានផ្តួលម៉ូតូរត់ត្រូវបានសមត្ថកិច្ចឃាត់ខ្លួនបាន២នាក់ ម្នាក់រត់ចូលព្រៃបាត់ ហើយធ្វើការឆែកឆេរឃើញកាំបិតវែងចុងស្រួច២ដើម ក្នុងកែបម៉ូតូដែលឃាត់នៅយប់ថ្ងៃទី២៤ ខែមករា ឆ្នាំ២០២៥ នៅចំណុចដីសភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។
លោកវរៈសេនីយ៍ត្រី នួន នីណារ៉ូ បានបញ្ជាក់ថា ៖ ក្រោយឃាត់ខ្លួនជនសង្ស័យ២នាក់ ក្នុងចំណោម៣នាក់ ម្នាក់គេចខ្លួន រួចត្រូវបាននាំយកសាកសួរ ហើយត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមច្បាប់ ៕
ចែករំលែកព័តមាននេះ