រាជធានីភ្នំពេញ ៖ ដោយពិនិត្យឃើញថា ជ្រូកខ្វៃនៅតែជាតម្រូវការរបស់ប្រជាពលរដ្ឋជាប់ខ្សែស្រឡាយចិន នៅថ្ងៃទី២៧ ខែមករា ឆ្នាំ២០២៥ នេះ ជាថ្ងៃបងប្អូនប្រជាពលរដ្ឋជាប់សែស្រឡាយចិន រៀបចំតុបតែងលំនៅឋាន…
រាជធានីភ្នំពេញ ៖ ដោយពិនិត្យឃើញថា ជ្រូកខ្វៃនៅតែជាតម្រូវការរបស់ប្រជាពលរដ្ឋជាប់ខ្សែស្រឡាយចិន នៅថ្ងៃទី២៧ ខែមករា ឆ្នាំ២០២៥ នេះ ជាថ្ងៃបងប្អូនប្រជាពលរដ្ឋជាប់សែស្រឡាយចិន រៀបចំតុបតែងលំនៅឋាន និងទិញនំចំណី ត្រី សាច់ ម្ហូបអាហារ ពិសេស គឺជ្រូកខ្វៃ ដើម្បីធ្វើពិធីសែនបុណ្យចូលឆ្នាំប្រពៃណីចិន-វៀតណាមនៅថ្ងៃស្អែក ទី២៨ មករា ២០២៥ ដែលជាថ្ងៃសែនចូលឆ្នាំប្រពៃណីចិន-វៀតណាម ។
ជាក់ស្តែង មនុស្សម្នាជាច្រើនបានទៅនាំគ្នាទៅផ្សារអូរឬស្សី ស្ថិតក្នុងខណ្ឌ៧មករា រាជធានីភ្នំពេញ ដើម្បីទិញជ្រូកខ្វៃសម្រាប់សែនចូលឆ្នាំចិន វៀតណាម ដែលអ្នកលក់ត្រៀបត្រារង់ចាំស្វាគមន៍ ។ សម្រាប់ថ្ងៃដំបូងនេះ(ទី២៧ មករា) ជ្រូកខ្វៃបានដាក់លក់តាមទ្រុងដែក នៅជុំវិញផ្សារអូរឬស្សីមានច្រើនទីតាំង ក្នុងនោះ តម្លៃសាច់ជ្រូកខ្វៃកាប់លក់រាយ១គីឡូក្រាម ៨ម៉ឺន ទៅ៩ម៉ឺនរៀល (បើគិតជាធម្មតាអាចឡើងតិចតួច) ។
-តម្លៃជ្រូកខ្វៃមូលចាប់ពី៤ ទៅ៥គីឡូក្រាម ៦០០០០០រៀល ។
-តម្លៃជ្រូកខ្វៃមូលចាប់ពី៦ទៅ ៧ ទៅ៨គីឡូក្រាម ៦៥០០០០រៀល ទៅ៧០ម៉ឺនរៀល ។
-តម្លៃជ្រូកខ្វៃមូលចាប់ពី ៩ទៅ ១០ ទៅ១១គីឡូក្រាម ៨០ម៉ឺន ទៅ៩០ម៉ឺនរៀល (ជ្រូកខ្វៃទាំងមូលឡើងថ្លៃបន្តិច) ។
ប៉ុន្តែទោះជាតម្លៃឡើងថ្លៃបន្តិចក្តី ក៏គេសង្កេតឃើញប្រជាពលរដ្ឋសែស្រឡាយចិន វៀតណាម នៅតែនាំគ្នាទៅទិញជ្រូកខ្វៃដើម្បីយកទៅសែនចូលឆ្នាំចិននោះដែរ ។
ទោះជាយ៉ាងណាក្តី លោក ឡយ ស៊ាងអាង ប្រធានគណៈកម្មការផ្សារអូរឬស្សី ក៏បានដាក់កម្លាំងតាមសង្កេតមើល និងទប់ស្កាត់ក្រុមអាជីវករលក់ជ្រូកខ្វៃមិនឲ្យលក់តម្លៃលើសពីថ្ងៃធម្មតាហួសហេតុពេកទេ ។
លោកប្រធានផ្សារបន្តថា ឆ្នាំនេះ ប្រជាពលរដ្ឋជាប់សែស្រឡាយចិន នៅតែត្រូវការជ្រូកខ្វៃយកទៅសែន ចូលឆ្នាំចិនធម្មតា និងមានអ្នកកុម្ម៉ង់ច្រើន ហើយស្អែកថ្ងៃសែន សង្ឃឹមថា កាន់តែមានអ្នកកុម្មង់ទិញជ្រូកខ្វៃកាន់តែច្រើនថែមទៀត ៕
ចែករំលែកព័តមាននេះ