ខេត្តត្បូងឃ្មុំ ៖ កម្លាំងជំនាញការិយាល័យនគរបាលព្រហ្មទណ្ឌ នៃស្នងការដ្ឋាននគរបាលខេត្តត្បូងឃ្មុំ និងអធិការដ្ឋាននគរបាលស្រុកពញាក្រែក បានចុះបង្ក្រាបករណីលួចលេងល្បែងស៊ីសងខុសច្បាប់នៅចំណុចការដ្ឋានកំពុងសាងសង់ ស្ថិតនៅភូមិត្រពាំងផ្លុងទី២ ឃុំត្រពាំងផ្លុង ស្រុកពញាក្រែក ឃាត់ខ្លួនជនសង្ស័យចំនួន៤នាក់…
ខេត្តត្បូងឃ្មុំ ៖ កម្លាំងជំនាញការិយាល័យនគរបាលព្រហ្មទណ្ឌ នៃស្នងការដ្ឋាននគរបាលខេត្តត្បូងឃ្មុំ និងអធិការដ្ឋាននគរបាលស្រុកពញាក្រែក បានចុះបង្ក្រាបករណីលួចលេងល្បែងស៊ីសងខុសច្បាប់នៅចំណុចការដ្ឋានកំពុងសាងសង់ ស្ថិតនៅភូមិត្រពាំងផ្លុងទី២ ឃុំត្រពាំងផ្លុង ស្រុកពញាក្រែក ឃាត់ខ្លួនជនសង្ស័យចំនួន៤នាក់ នៅវេលាម៉ោង២១និង៥០នាទីថ្ងៃទី២៣ ខែមករា ឆ្នាំ២០២៥ ។
ជនសង្ស័យទាំង៤នាក់រួមមាន ៖
១-ឈ្មោះ ឆាយ ចាន់ថុល ភេទស្រី អាយុ ៤៥ឆ្នាំ រស់នៅភូមិព្រៃបឹង ឃុំបែកចាន ស្រុកអង្គស្នួល ខេត្តកណ្តាល។
២-ឈ្មោះហួន ហុង ភេទប្រុស អាយុ ៥៧ឆ្នាំ រស់នៅភូមិរលួស ឃុំអូរ ស្រុកភ្នំស្រួច ខេត្តកំពង់ស្ពឺ។
៣-ឈ្មោះណាល់ រឿន ភេទប្រុស អាយុ ៤៩ឆ្នាំ រស់នៅភូមិទស្សនៈ ឃុំចុងដូង ស្រុកបារាយណ៏ខេត្តកំពង់ធំ។
និង៤-ឈ្មោះ អាក្រាម (MD AKRAM) ភេទប្រុស អាយុ ២៨ឆ្នាំ ជនជាតិ បង់ក្លាដេស។
កម្លាំងនគរបាល ដកហូតវត្ថុតាង រួមមាន ៖
១-ហាន់តោអាប៉ោង ចំនួន៥
២-ហាន់តោកូនសត្វ ចំនួន៣
៣-គម្របអាប៉ោង ចំនួន២
៤-កាធុនចំនួន៦
៥-ចានអាប៉ោង ចំនួន១
៦-គ្រាប់អាប៉ោង ចំនួន២
៧-ប្រាក់រៀល ចំនួន៦០,០០០(ប្រាំមួយម៉ឺន)រៀល។
បច្ចុប្បន្ន ជនសង្ស័យទាំង៤នាក់ ត្រូវបានបញ្ជូនមកកាន់អធិការដ្ឋាននគរបាលស្រុកពញាក្រែក ដើម្បីធ្វើការសាកសួរ និងបំពេញសំណុំរឿងតាមនីតិវិធី ៕
ចែករំលែកព័តមាននេះ