រាជធានីភ្នំពេញ ៖ ដោយសារតែមានការភ្ញាក់ផ្អើលជាទូទៅព្រមទាំងពីមួយទៅមួយថា មានខ្យល់ពុលពីការដុតជើងធូបបោកបក់មកពីទិសខាងជើងតាមកម្លាំងខ្យល់គ្របដណ្តប់លើរាជធានីភ្នំពេញ ពិសេសឃើញមានអ័ព្ឌចុះផង ។ ដោយសារមានការបារម្ភពីកម្រិតគុណភាពខ្យល់នៅរាជធានីភ្នំពេញ នៅព្រឹកថ្ងៃទី២៣ ខែមករា ឆ្នាំ២០២៥…
រាជធានីភ្នំពេញ ៖ ដោយសារតែមានការភ្ញាក់ផ្អើលជាទូទៅព្រមទាំងពីមួយទៅមួយថា មានខ្យល់ពុលពីការដុតជើងធូបបោកបក់មកពីទិសខាងជើងតាមកម្លាំងខ្យល់គ្របដណ្តប់លើរាជធានីភ្នំពេញ ពិសេសឃើញមានអ័ព្ឌចុះផង ។ ដោយសារមានការបារម្ភពីកម្រិតគុណភាពខ្យល់នៅរាជធានីភ្នំពេញ នៅព្រឹកថ្ងៃទី២៣ ខែមករា ឆ្នាំ២០២៥ ក្រសួងបរិស្ថានបានបញ្ចេញរថយន្ដចល័ត ដើម្បីពិនិត្យគុណភាពខ្យល់ក្នុងរាជធានី ។
អ្នកនាំពាក្យក្រសួងបរិស្ថាន ឯកឧត្តម ខ្វៃ អាទិត្យា បានអះអាងថា ការបំពុលខ្យល់នៅក្នុងប្រទេសកម្ពុជា មិនទាន់កើតឡើងកម្រិតនៃការបង្កហានិភ័យធ្ងន់ធ្ងរដល់សុខភាពសាធារណៈនោះទេ សូមប្រជាពលរដ្ឋកុំមានការព្រួយបារម្ភ ចំពោះការចែកចាយព័ត៌មាននៅតាមបណ្ដាញសង្គម ។
បើតាមឯកឧត្តម ខ្វៃ អាទិត្យា ប្រកាសថា ដ្បិតកំហាប់ភាគល្អិតនៃការបំពុលខ្យល់នៅកម្ពុជា បានកើនឡើងដល់កម្រិតជាង៣០មីក្រូក្រាម ក្នុងមួយម៉ែត្រគូបក្តី ប៉ុន្តែកម្រិតនេះមិនបង្កឲ្យមានផលប៉ះពាល់ដល់សុខភាពសាធារណៈឡើយ ។
អ្នកនាំពាក្យក្រសួងបរិស្ថានរូបនេះ បានសង្កត់ធ្ងន់ថា កម្រិតនេះស្ថិតនៅក្រោមបន្ទាត់ក្រហមនៃការប្រកាសអាសន្ន ហើយក្នុងករណីនៅបន្ដកើនឡើងក្រសួងបរិស្ថាននឹងចេញសេចក្តីជូនដំណឹងដល់ប្រជាពលរដ្ឋជាបន្ដបន្ទាប់ ។
ការភ្ញាក់ផ្អើលពីខ្យល់ពុលនេះស្របពេលគ្នាដែលក្រសួងធនធានទឹក និងឧតុនិយមបានជូនព័ត៌ មានពីការចុះអ័ព្ឌ ដែលនឹងចាប់ផ្តើមពីថ្ងៃទី២៣ រហូតដល់ថ្ងៃទី៣១ ខែមករា ឆ្នាំ២០២៥ ចន្លោះចាប់ពីម៉ោង២ៈ០០នាទីរំលងអធ្រាត្រ ទៅម៉ោង៧:០០នាទីព្រឹក ៕
ចែករំលែកព័តមាននេះ