រាជធានីភ្នំពេញ ៖ បុរស២នាក់បានជិះម៉ូតូ២គ្រឿងផ្សេងគ្នា ហើយពុំដឹងជាប្រញាប់ទៅណាទេ សុទ្ធតែបើកបរក្នុងល្បឿនលឿនដូចហោះរៀងៗខ្លួនស្រាប់តែរេចង្កតជ្រុលទៅបុកគ្នាយ៉ាងពេញទំហឹងលាន់សូរដូចរន្ទះ ផាំងប្រាវ បណ្ដាលឲ្យដួលរប៉ាត់រប៉ាយពេញផ្លូវ រងរបួសធ្ងន់ទាំង២នាក់ ហើយម៉ូតូបានរងការខូចខាតទាំងសងខាងតែម្ដង ។…
រាជធានីភ្នំពេញ ៖ បុរស២នាក់បានជិះម៉ូតូ២គ្រឿងផ្សេងគ្នា ហើយពុំដឹងជាប្រញាប់ទៅណាទេ សុទ្ធតែបើកបរក្នុងល្បឿនលឿនដូចហោះរៀងៗខ្លួនស្រាប់តែរេចង្កតជ្រុលទៅបុកគ្នាយ៉ាងពេញទំហឹងលាន់សូរដូចរន្ទះ ផាំងប្រាវ បណ្ដាលឲ្យដួលរប៉ាត់រប៉ាយពេញផ្លូវ រងរបួសធ្ងន់ទាំង២នាក់ ហើយម៉ូតូបានរងការខូចខាតទាំងសងខាងតែម្ដង ។
ឧប្បត្តិហេតុនោះបានកើតឡើងកាលពីវេលាម៉ោង៤និង៣៥នាទីល្ងាចថ្ងៃទី២៣ ខែមករា ឆ្នាំ២០២៥នេះ នៅតាមផ្លូវបេតុងអមផ្លូវរថភ្លើង ស្ថិតនៅក្នុងភូមិព្រៃសាលា សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។
ម៉ូតូដែលបើកបុកគ្នាខាងលើនោះ១គ្រឿង ម៉ាកហុងដាឌ្រីមសេ១២៥ ពណ៍ខ្មៅ ពាក់ស្លាកលេខកណ្ដាល 1AO-4101 ។ ចំណែក១គ្រឿងទៀតម៉ាក Honda ADV ពណ៍ប្រផេះ ពាក់ស្លាកលេខភ្នំពេញ 1KD-3141 ។ ហើយអ្នកបើកបរទាំង២នាក់ ពុំត្រូវបានស្គាល់អត្តសញ្ញាណនោះឡើយ ។
សាក្សីនៅនឹងកន្លែងកើតហេតុ បានប្រាប់ភ្នាក់ងារសារព័ត៌មានកោះសន្តិភាពឲ្យដឹងថា នៅមុនពេលកើតហេតុ គេបានឃើញម៉ូតូទាំង ២គ្រឿងបើកបរក្នុងទិសដៅបញ្ច្រាសទិសគ្នា ដោយម៉ូតូម៉ាកហុងដាឌ្រីមសេ១២៥ ជិះដោយបុរសម្នាក់ ធ្វើដំណើរក្នុងល្បឿនលឿន ក្នុងទិសដៅពីកើតទៅលិច។ លុះពេលទៅដល់ត្រង់ចំណុចកើតហេតុ ក៏មានបុរសម្នាក់ទៀត ជិះម៉ូតូម៉ាក Honda ADV ធ្វើដំណើរក្នុងទិសដៅពីលិចទៅកើត ក្នុងល្បឿនលឿនដូចគ្នាផងដែរ ។
ប្រភពដដែល បានប្រាប់ឲ្យដឹងបន្តទៀតថា លុះពេលទៅដល់ត្រង់ចំណុចកើតហេតុ ស្រាប់តែរេចង្កូតជ្រុលទៅបុកគ្នាយ៉ាងពេញទំហឹង លាន់សូរដូចរន្ទះ បណ្ដាលឲ្យដួលខ្ទាតរប៉ាត់រប៉ាយពេញផ្លូវ និងបោកផ្ទប់ផ្លូវរងរបួសធ្ងន់ទាំង២នាក់តែម្ដង ។ ដោយឡែកម៉ូតូទាំង២គ្រឿងបានរងការខូចខាតយ៉ាងដំណំ ។ ក្រោយពេលកើតហេតុរថយន្តមន្ទីរពេទ្យបង្អែកពោធិ៍ចិនតុង បានដឹកបញ្ជូនអ្នកររងបួសធ្ងន់២នាក់នោះ ទៅសង្គ្រោះបន្ទាន់ភ្លាមៗ ។
បន្ទាប់មក នគរបាលខណ្ឌពោធិ៍សែនជ័យ បានចុះទៅធ្វើការវាស់វែង និងនាំយកម៉ូតូទាំង២គ្រឿងខាងលើ ទៅរក្សាទុកនៅអធិការដ្ឋាននគរបាលខណ្ឌ រង់ចាំការដោះស្រាយនៅពេលក្រោយ ៕
ចែករំលែកព័តមាននេះ