ខេត្តតាកែវ ៖ កាលពីថ្ងៃទី២០ ខែមករា ឆ្នាំ២០២៥កន្លងទៅ សាលាដំបូងខេត្ត បានចេញសេចក្តីប្រកាសព័ត៌មានមួយស្តីពីចំណាត់ការលើសំណុំរឿងពាក់ព័ន្ធនឹងករណីស៊ីសំណូក រំលោភអំណាច និងសូកប៉ាន់ ដែលតុលាការបានសម្រេចឃុំខ្លួនមន្ត្រីស័ក្តិ៤កន្លះម្នាក់…
ខេត្តតាកែវ ៖ កាលពីថ្ងៃទី២០ ខែមករា ឆ្នាំ២០២៥កន្លងទៅ សាលាដំបូងខេត្ត បានចេញសេចក្តីប្រកាសព័ត៌មានមួយស្តីពីចំណាត់ការលើសំណុំរឿងពាក់ព័ន្ធនឹងករណីស៊ីសំណូក រំលោភអំណាច និងសូកប៉ាន់ ដែលតុលាការបានសម្រេចឃុំខ្លួនមន្ត្រីស័ក្តិ៤កន្លះម្នាក់ ជានាយការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្ត ដាក់ពន្ធនាគារជាបណ្តោះអាសន្ន។
អ្នកនាំពាក្យសាលាដំបូងខេត្ត បានឱ្យដឹងថា នៅថ្ងៃទី១៦ ខែមករា ឆ្នាំ២០២៥ សាលាដំបូងខេត្តបានទទួលចាត់ការលើសំណុំរឿងព្រហ្មទណ្ឌលេខ០៧៩ ចុះថ្ងៃទី១៦ ខែមករា ឆ្នាំ២០២៥ ដែលមានជនត្រូវចោទចំនួន២នាក់ ៖
១-ឈ្មោះ សុខ សង្ហា ភេទប្រុស អាយុ៣៨ឆ្នាំ ជានាយការិយាល័យប្រឆាំងបទល្មើសគ្រឿង
ញៀននៃស្នងការដ្ឋាននគរបាលខេត្តតាកែវ ត្រូវបានចោទប្រកាន់ពីបទស៊ីសំណូក រំលោភអំណាច
ប្រព្រឹត្តនៅក្នុងភូមិសាស្ត្រខេត្តតាកែវ កាលពីអំឡុងឆ្នាំ២០២៣ រហូតដល់ឆ្នាំ២០២៤ បទល្មើសព្រហ្មណ្ឌដែលមានចែងឲ្យផ្តន្ទាទោសតាមបញ្ញត្តិមាត្រា ៥៩៤ នៃក្រមព្រហ្មទណ្ឌ និងមាត្រា ៣២ មាត្រា ៣៥ នៃច្បាប់ស្តីពីការប្រឆាំងអំពើពុករលួយ ។
២-ឈ្មោះ សុខ គា ហៅ សេង សុខគា ភេទប្រុស អាយុ៣៦ឆ្នាំ (កំពុងឃុំខ្លួននៅក្នុងពន្ធនា
គារខេត្តកណ្តាល) ត្រូវបានចោទប្រកាន់ពីបទសូកប៉ាន់ ប្រព្រឹត្តនៅក្នុងភូមិសាស្ត្រខេត្តតាកែវ កាលពីអំឡុងឆ្នាំ២០២៣ រហូតដល់ឆ្នាំ២០២៤ បទល្មើសព្រហ្មទណ្ឌដែលមានចែងឲ្យផ្តន្ទាទោសតាមបញ្ញត្តិមាត្រា ៦០៥ នៃក្រមព្រហ្មទណ្ឌ និងមាត្រា ៣២ នៃច្បាប់ស្តីពីការប្រឆាំងអំពើពុករលួយ ។
បន្ទាប់ពីបានពិនិត្យលើឯកសារ និងភ័ស្តុតាងនានាដែលមាននៅក្នុងសំណុំរឿង ចៅក្រមស៊ើបសួរនៃសាលាដំបូងខេត្ត បានសម្រេចឃុំខ្លួនជាបណ្តោះអាសន្នជនត្រូវចោទឈ្មោះ សុខ សង្ហា នៅពន្ធនាគារខេត្តតាកែវ ដើម្បីបន្តការស៊ើបសួរតាមនីតិវិធី ៕
ចែករំលែកព័តមាននេះ