រដ្ឋបាលរាជធានីភ្នំពេញ បញ្ចប់ការងារមន្ត្រីជាប់កិច្ចសន្យា២រូប ដែលបើករថយន្តសង្គ្រោះបន្ទាន់នៅមណ្ឌលសុខភាពចាក់អង្រែ ក្រោយទារលុយ២០០ដុល្លារ ថ្លៃដឹកសពជនរងគ្រោះដោយសារគ្រោះថ្នាក់ចរាចរណ៍ ។

មន្ត្រីជាប់កិច្ចសន្យាទាំងពីររូបមានឈ្មោះ ៖ លោក វៃ វ៉ាន់ និងលោក យ៉េង វណ្ណៈ ដែលជាមន្ត្រីជាប់កិច្ចសន្យានៅមណ្ឌលសុខភាពចាក់អង្រែ ។

សូមជម្រាបថា ក្រសួងសុខាភិបាលបានកំណត់ថា សេវារថយន្តសង្គ្រោះ ដើម្បីជួយសង្គ្រោះបន្ទាន់ ឬដឹកអ្នករងរបួសធ្ងន់ធ្ងរ ជាពិសេសអ្នករងគ្រោះថ្នាក់ចរាចរណ៍ មិនតម្រូវឱ្យបង់ថ្លៃសេវាដឹកជញ្ជូន និងសេវារថយន្តដឹកស.ព (របស់មន្ទីរពេទ្យ) ទៅលំនៅដ្ឋាននៃស.ពក៏មិនតម្រូវគិតថ្លែដែរ ៕