ខេត្តបន្ទាយមានជ័យ ៖ ផ្លូវ១ខ្សែប្រវែងជិត១០០ម៉ែត្រ នៅរដូវវស្សាមានភ្លៀងធ្លាក់បែកភក់ជ្រាំបង្កការលំបាក់ដល់ប្រជាពលរដ្ឋនិងសិស្ស នៅភូមិចំការក្រូច សង្កាត់ទឹកថ្លា ក្រុងសិរីសោភ័ណ ។ នេះបើតាមការឱ្យដឹងពីប្រជាពលរដ្ឋកាលពីថ្ងៃទី១៥ ខែកញ្ញា…
ខេត្តបន្ទាយមានជ័យ ៖ ផ្លូវ១ខ្សែប្រវែងជិត១០០ម៉ែត្រ នៅរដូវវស្សាមានភ្លៀងធ្លាក់បែកភក់ជ្រាំបង្កការលំបាក់ដល់ប្រជាពលរដ្ឋនិងសិស្ស នៅភូមិចំការក្រូច សង្កាត់ទឹកថ្លា ក្រុងសិរីសោភ័ណ ។ នេះបើតាមការឱ្យដឹងពីប្រជាពលរដ្ឋកាលពីថ្ងៃទី១៥ ខែកញ្ញា ឆ្នាំ២០២៥ ។
ប្រជាពលរដ្ឋបានឱ្យដឹងថា ផ្លូវដែលមានប្រវែងជិត១០០ម៉ែត្រ កំពុងបង្កការលំបាកដល់ប្រជាពលរដ្ឋនិងសិស្សក្នុងការធ្វើដំណើរទៅមកនៅរដូវវស្សាមានភ្លៀងធ្លាក់ជោគជាំ បណ្តាលឱ្យបែកភក់ជ្រាំ នៅពេលប្រជាពលរដ្ឋនិងសិស្សឆ្លងកាត់ពិតជួបការលំបាក ចំណែកសិស្សទៅរៀនជិះម៉ូតូ ឬកង់ឆ្លងកាត់ត្រូវប្រឡាក់ភក់រឺដួលជាញឹកញ៉ាប់។
ប្រជាពលរដ្ឋបានបញ្ជាក់ថា៖ផ្លូវ១ខ្សែនេះគឺខូចរយៈពេល២ទៅ៣ឆ្នាំមកហើយតែកាលពីចុងខែមុនឃើញអាជ្ញាធរបានយកអ៊ែស្កាវ៉ាទ័រមកឈូសឆាយហើយទុកចោលបណ្តាលបែកភក់ហើយសង្ឃឹមថាអាជ្ញាធរទាំងសង្កាត់/ក្រុងនិងខេត្ត នឹងធ្វើការជួសជុលរឺកសាងឆាប់ៗនេះដើម្បីអោយប្រជាពលរដ្ឋនិងសិស្សទៅមកបានដោយងាយស្រួល លែងលំបាកដូចពេលនេះ។
អាជ្ញាធរសង្កាត់ទឹកថ្លាធ្លាប់ប្រាប់ថា៖ផ្ហូវ១ខ្សែនេះគឺជាគម្រោងមូលនិធិឃុំ/សង្កាត់ជាអ្នកកសាងដោយគម្រោងផ្លូវបេតុងតែពេលនេះដោយក្រុមហ៊ុនកំពុងកសាងផ្លូវក្បែរគ្នាក្រោយរួចរាល់និងបន្តទៅកសាងផ្លូវដែលបែកភក់ពេលនេះអាចថាមិនយូរហើយក៍មិនឆាប់ដែរព្រោះរដូវវស្សាភ្លៀងជោគជាំតែគម្រោងផ្លូវនេះនិងកសាងអោយរួចរាល់ឆាប់ៗនេះ៕
ចែករំលែកព័តមាននេះ