ខេត្តបន្ទាយមានជ័យ ៖ នាំសាច់ញាតិទៅញ៉ាំការក្មួយ បើករថយន្តគេចម៉ូតូ ​ស្រាប់តែ​ក្រឡាប់ផ្ងារជើង បណ្តាល​ឱ្យ​មានអ្នករងរបួសធ្ងន់ស្រាល២ទៅ៣នាក់ ។

ហេតុការណ៍ខាងលើនេះ​បានកើតឡើង​​កាលពី​រសៀលថ្ងៃទី១៦ ខែមករា ឆ្នាំ២០២៥ ស្ថិតភូមិឡានឆេះ ឃុំសឹង្ហ ស្រុកអូរជ្រៅ ។

តាមប្រភពពីប្រជាពលរដ្ឋ​​បាន​ឱ្យដឹង​ថា ​មុនពេលកើតហេតុ ជនរងគ្រោះបាននាំសាច់ញាតិទៅញ៉ាំការក្មួយ នៅពេលបើករថយន្តលឿនគេចអ្នកជិះម៉ូតូហុងដាឌ្រីមដែលបើកបរទិសដៅបញ្ច្រាស់ទិសគ្នាបណ្តាលធ្លាក់ចូលប្រឡាយផ្ងាជើងឡើងលើមានអ្នករងរបួសធ្ងន់ស្រាល២ទៅ៣នាក់។

ប្រជាពលរដ្ឋបានបញ្ជាក់ថា ​ក្រោយពេលកើតហេតុ ត្រូវបានប្រជាពលរដ្ឋជួយនិងហៅរថយន្ត​ស្ទូចមកស្ទូចយករថយន្តដែលធ្លាក់ចូលប្រឡាយ ដើម្បីយកធ្វើការជួសជុលនិងអ្នករួមដំណើរជាមួយដែលរបួសធ្ងន់ស្រាលត្រូវបានទៅពេទ្យដោយខ្លួនឯង ចំណែករថយន្តត្រូវបានហៅរថយន្ត​ស្ទូច​យកទៅធ្វើការជួសជុល ដោយខ្លួនឯង​ ៕