ពាក់ព័ន្ធនឹងការទទួលទានសាច់ឆៅនេះ អង្គការសុខភាពពិភពលោក បានព្រមានថា អាហារគ្មានសុវត្ថិភាពដែលមានបាក់តេរី ប៉ារ៉ាស៊ីត ឬសារធាតុគីមីបង្កគ្រោះថ្នាក់ បណ្តាលឱ្យមានជំងឺច្រើនជាង២00ប្រភេទ រាប់ចាប់ពីរាគរហូតដល់មហារីក ។ អង្គការសុខភាពពិភពលោក…
ពាក់ព័ន្ធនឹងការទទួលទានសាច់ឆៅនេះ អង្គការសុខភាពពិភពលោក បានព្រមានថា អាហារគ្មានសុវត្ថិភាពដែលមានបាក់តេរី ប៉ារ៉ាស៊ីត ឬសារធាតុគីមីបង្កគ្រោះថ្នាក់ បណ្តាលឱ្យមានជំងឺច្រើនជាង២00ប្រភេទ រាប់ចាប់ពីរាគរហូតដល់មហារីក ។
អង្គការសុខភាពពិភពលោក បានផ្តល់ដំបូន្មានថា ដើម្បីកាត់បន្ថយហានិភ័យសុខភាពដែលទាក់ទងនឹងការប្រើប្រាស់សាច់ឆៅ វាចាំបាច់ណាស់ ក្នុងការធានាភាពស្រស់ គុណភាពខ្ពស់ និងដឹងប្រភពច្បាស់លាស់ ហើយរាល់ដំណើរការរៀបចំអាហារក៏ត្រូវតែរក្សាស្តង់ដាអនាម័យខ្ពស់បំផុត ។
ផលប៉ះពាល់ដែលបណ្តាលមកពីពពួកអតិសុខុមប្រាណ ដែលបង្កប់នៅក្នុងអាហារឆៅទាំងនេះវាអាចបង្កគ្រោះថ្នាក់ច្រើនយ៉ាង ជាពិសេស គឺធ្វើឲ្យសុខភាពចុះខ្សោយ ងាយប្រឈមមុខនឹងការវាយលុកពីពពួកមេរោគផ្សេងៗទៀត ។ ក្រៅពីនោះវាក៏អាចធ្វើឲ្យយើងមានគ្រោះថ្នាក់ដល់ជីវិតផងដែរ ពីព្រោះតែវាអាចធ្វើឲ្យសរីរាង្គដែលមានមុខងារសំខាន់ៗនៅក្នុងខ្លួនរបស់យើងខូច ឬពុល ។
ពាក់ព័ន្ធនឹងបញ្ហានេះ តាមការចុះផ្សាយនៅក្នុងទំព័រសារព័ត៌មានថៃ the Nation បានឲ្យដឹងថា វេជ្ជបណ្ឌិតនៅក្នុងប្រទេសនេះបានព្រមានពលរដ្ឋឲ្យប្រុងប្រយ័ត្ននឹងការឆ្លងដង្កូវព្រូន និងតេនញ៉ាជាច្រើនប្រភេទ ដែលបណ្តាលមកពីការទទួលទានសាច់គោឆៅ ៕
ចែករំលែកព័តមាននេះ