រាជធានីភ្នំពេញ ៖ ជនសង្ស័យម្នាក់ត្រូវបានមិត្តភក្តិតាមចាប់ខ្លួនបាន បន្ទាប់ពីធ្វើសកម្មភាពលួចទូរស័ព្ទម៉ាក OPPO មួយគ្រឿង និងលួចបាញ់លុយចេញពីកុងធនាគាអស់១៨០$ ។ ការដេញតាមចាប់ខ្លួនមិត្តភក្តិលួចទូរស័ព្ទនេះ បង្កឱ្យភ្ញាក់ផ្អើលកាលពីវេលាម៉ោង៩…
រាជធានីភ្នំពេញ ៖ ជនសង្ស័យម្នាក់ត្រូវបានមិត្តភក្តិតាមចាប់ខ្លួនបាន បន្ទាប់ពីធ្វើសកម្មភាពលួចទូរស័ព្ទម៉ាក OPPO មួយគ្រឿង និងលួចបាញ់លុយចេញពីកុងធនាគាអស់១៨០$ ។
ការដេញតាមចាប់ខ្លួនមិត្តភក្តិលួចទូរស័ព្ទនេះ បង្កឱ្យភ្ញាក់ផ្អើលកាលពីវេលាម៉ោង៩ និង៣០នាទីព្រឹកថ្ងៃទី១៤ មករា ឆ្នាំ២០២៥ ស្ថិតតាមបណ្តោយផ្លូវបេតុង ត្រង់ចំណុចផ្សារព្រៃទា ក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យឈ្មោះគីម ភេទប្រុស អាយុ២៥ឆ្នាំ មានមុខរបរមិនពិតប្រាកដ មានស្រុកំណើតនៅខេត្តព្រៃវែង ជិះម៉ូតូមួយគ្រឿងម៉ាកហុងដាឌ្រីមសេ១២៥ ស៊េរីឆ្នាំ២០២១ ពណ៌ខ្មៅ ពាក់ស្លាកលេខព្រះសីហនុ1H-8747។
ចំណែកម្ចាស់ទូរស័ព្ទឈ្មោះ បូ សុធា ភេទប្រុស អាយុ២៤ឆ្នាំ មានមុខរបររត់ម៉ូតូកង់បី ស្នាក់នៅសង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។ តាមជនរងគ្រោះជាម្ចាស់ទូរស័ព្ទបានឱ្យដឹងថា នៅវេលាម៉ោង៦ព្រឹកថ្ងៃទី១៤ មករា ឆ្នាំ២០២៥ ប្រពន្ធរបស់គាត់បានរៀបចំខ្លួនចេញទៅធ្វើការរោងចក្រដោយរូបគាត់កំពុងសម្រាកនៅក្នុងបន្ទប់ជួលម្នាក់ឯង។ លុះនៅវេលាម៉ោង៨ និង៣០នាទីព្រឹករូបគាត់បានភ្ញាក់ពីដំណេករាវរកទូរស័ព្ទដែលទុកនៅក្បែរខ្លួន។
ភ្លាមនោះ ក៏បានយកទូរស័ព្ទមិត្តភក្តិមកមើលម៉េប ស្រាប់តែឃើញទូរស័ព្ទរបស់ខ្លួនលោតនៅកន្លែងកើតហេតុខាងលើហើយក៏នាំមិត្តភក្តិ៣នាក់ជិះម៉ូតូតាមរកក៏ប្រទះឃើញជនសង្ស័យដែលជាមិត្តភក្តិកំពុងអង្គុយចុចទូរស័ព្ទរបស់ខ្លួន ។
តាមព័ត៌មានដដែលឱ្យដឹងទៀតថា ខណៈនោះ ក៏បានយកទូរស័ព្ទមកឆែកមើលបាត់លុយចំនួន១៨០ ដុល្លារពីកុងធនាគារ ។ បន្ទាប់ពីតាមទាន់ជនសង្ស័យជាមិត្តភក្តិបានសារភាពថា ខ្លួនបានលួចយកទូរស័ព្ទនោះ និងបាញ់លុយចេញពិតប្រាកដមែន។
ក្រោយមក ជនសង្ស័យក៏បានបាញ់លុយចំនួន១០០ដុល្លារត្រឡប់ទៅឱ្យវិញ ។ ចំណែកលុយ៨០ដុល្លារទៀត គឺត្រូវជនសង្ស័យបាញ់ទៅឲ្យអ្នកផ្សេងបាត់ ។ ជនសង្ស័យត្រូវបានឃាត់ខ្លួនប្រគល់ទៅអោយសមត្ថកិច្ចប៉ុស្តិ៍នគបាលកាកាបទី២ ដើម្បីសួរនាំបន្ត។
លុះក្រោយមក ជនសង្ស័យបានសុំទោសនិងសុំសងលុយវិញ ដោយសាតែអ្នកទាំង២នាក់ជាមិត្តភក្តិរាប់អានគ្នា និងជាអ្នកស្រុករស់នៅជាមួយគ្នាផង ជនរងគ្រោះមិនបានប្តឹងផ្តល់ ហើយសុំសមត្ថកិច្ចធ្វើការអប់រំអោយត្រឡប់ទៅវិញ ។
ចែករំលែកព័តមាននេះ