រាជធានីភ្នំពេញ ៖ កាលពីថ្ងៃទី១៣ ខែមករា ឆ្នាំ២០២៥ អ្នកនាំពាក្យកងរាជអាវុធហត្ថលើផ្ទៃប្រទេស បានចេញសេចក្តីប្រកាសព័ត៌មានស្តីអំពីចំណាត់ការលើសំណុំរឿងអ្នកបើកឡានសារ៉ែនពាក់ស្លាកខេមរភូមិន្ទ នាំផ្លូវជូនអ្នកលក់អនឡាញទៅស៊ីការនៅខេត្តពោធិ៍សាត់ ត្រឹមវិធានការអនុវត្តទណ្ឌកម្មវិន័យកងទ័ព ។…
រាជធានីភ្នំពេញ ៖ កាលពីថ្ងៃទី១៣ ខែមករា ឆ្នាំ២០២៥ អ្នកនាំពាក្យកងរាជអាវុធហត្ថលើផ្ទៃប្រទេស បានចេញសេចក្តីប្រកាសព័ត៌មានស្តីអំពីចំណាត់ការលើសំណុំរឿងអ្នកបើកឡានសារ៉ែនពាក់ស្លាកខេមរភូមិន្ទ នាំផ្លូវជូនអ្នកលក់អនឡាញទៅស៊ីការនៅខេត្តពោធិ៍សាត់ ត្រឹមវិធានការអនុវត្តទណ្ឌកម្មវិន័យកងទ័ព ។
សេចក្តីប្រកាសព័ត៌មានបញ្ជក់ថា «ខ្ញុំឧត្តសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស សូមគោរព ជម្រាបជូនសាធារណជន និងអ្នកសារព័ត៌មានអំពីការស្រាវជ្រាវរបស់កង រាជអាវុធហត្ថទៅលើករណីរថយន្តសារ៉ែនពាក់ស្លាកលេខខេមរភូមិន្ទ 02 2.1871 ដូចខាងក្រោមនេះ ៖
១-តាមសេចក្តីរាយការណ៍របស់លោក ឧត្តមសេនីយ៍ រ័ត្ន ស្រាង មេបញ្ជាការរងកងរាជអាវុធលើផ្ទៃប្រទេស មេបញ្ជាការកងរាជអា វុធហត្ថរាជធានីភ្នំពេញ អនុវត្តតាមបញ្ជាយ៉ាងម៉ឹងម៉ាត់របស់ ឯក ឧត្តម នាយឧត្តមសេនីយ៍ អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស កម្លាំងជំនាញបានធ្វើការស្រាវជ្រាវ និងចុះទៅដល់ទីតាំងលំនៅឋានរបស់បុគ្គលដែលពាក់ពន្ធនិងរថយន្តស៊ីរ៉ែនអូសក្បួននោះ ហើយបានកោះអញ្ជើញបុគ្គលពាក់ព័ន្ធ មកបញ្ជាការដ្ឋានកងរាជអាវុធ ហត្ថរាជធានីភ្នំពេញ ដើម្បីបំភ្លឺ ។
២-ក្រោយពីបានស្តាប់ដំណើររឿង និងអង្គហេតុរួចមក កម្លាំងជំនាញកងរាជអាវុធហត្ថបានអប់រំបុគ្គលដែលពាក់ព័ន្ធឲ្យយល់ដឹងអំពីការប្រើប្រាស់ភ្លើងសញ្ញាពិសេស សូរស័ព្ទពិសេស សិទ្ធិអាទិភាពធ្វើចរាចរណ៍ក្នុងព្រះរាជាណាចក្រកម្ពុជា និងបានធ្វើកិច្ចសន្យា កុំឲ្យប្រព្រឹត្តទង្វើបែបនេះតទៅទៀត ជាពិសេស ត្រូវចូលរួមគោរពច្បាប់លិខិតបទដ្ឋានគតិយុត្តនានា ។
៣-ចំពោះម្ចាស់រថយន្តសារ៉ែនពាក់ស្លាកលេខខេមរភូមិន្ទ 02 2.1871 បានប្រគល់ជូនអង្គភាពសាមី ដើម្បីចាត់វិធានការអនុវត្តទណ្ឌកម្មវិន័យកងទ័ព ។
កងរាជអាវុធហត្ថ សូមថ្លែងអំណរគុណយ៉ាងជ្រាលជ្រៅចំពោះការចូលរួមផ្តល់មតិក្នុងន័យស្ថាបនា និងការផ្តល់ព័ត៌មាន នាពេលកន្លងទៅ ។ អាស្រ័យដូចបានជម្រាបជូនខាងលើ សូមសាធារណជន និងអ្នកសារព័ត៌មាន មេត្តាជ្រាបជាព័ត៌មាន ។
សូមជម្រាបថា ៖ នាព្រឹកថ្ងៃទី១០ ខែមករា ឆ្នាំ២០២៥ នេះ មានការផ្ទុះការចាប់អារម្មណ៍ខ្លាំង និងវែកញែកយ៉ាងច្រើន នៅលើបណ្តាញសង្គមហ្វេសប៊ុក ក្រោយពីមានការចែករំលែកវីដេអូនៅលើបណ្តាញសង្គមបង្ហាញថា មានស្ត្រីអ្នកជំនួញអនឡាញរូបនោះ និងស្វាមីជាឧកញ៉ាបានទៅចូលរួមពិធីមង្គលការមួយនៅខេត្តដោយមានរថយន្តស៊ីរ៉ែន បំពាក់ស្លាកលេខខ.ម បើកផ្លូវនាំមុខជូននៅលើផ្លូវជាតិលេខ៥ ។
ក្រោយផ្ទុះរឿងរ៉ាវនេះឡើង នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកង រាជអាវុធហត្ថលើផ្ទៃប្រទេសបានបញ្ជាភ្លាមៗ ឱ្យសមត្ថកិច្ចស្រាវជ្រាវចាប់យករថយន្តស៊ីរ៉ែននោះ ដោយលោកនាយឧត្តមសេនីយ៍មានប្រសាសន៍ថា «សូមឆែកមើលជាមួយអគ្គនាយកដ្ឋានបច្ចេកទេសក្រសួងការពារជាតិលេខហ្នឹងបំពាក់ឱ្យរថយន្តរបស់អង្គភាពណា? ឬមួយលេខក្លែងក្លាយ ត្រូវតាមរកឡានហ្នឹងតែម្តង ! របស់អ្នកក៏ដោយ ចាប់យកមកទុកម្តុំអត់ទាន់ដោះស្រាយយក មកទុកសិន យកផ្លាកលេខកងទ័ពទៅប្រើខូចកងទ័ពអស់ហើយ វាទៅដើរអូសពួកផ្សព្វផ្សាយ ឡេ អីចឹង ងាប់អស់ហើយ !» ។
លោកនាយឧត្តមសេនីយ៍ សៅ សុខា បន្តថា «កងទ័ពអស់តម្លៃ រាល់ថ្ងៃពីណាក៏ដោយ ផ្កាយប៉ុន្មានក៏ដោយយកមកទុកសិនហើយប្រាប់ថា «ខ្ញុំអ្នកឱ្យចាប់» ធ្វើតាមច្បាប់យកមកទុកសិន បើមាន ពីណាអន្តរាគមន៍មកពីណាប្រាប់ឱ្យមកនិយាយជាមួយខ្ញុំ ! ពីណា ក៏ដោយចាត់ចែងភ្លាម ! បើមិនចឹងកងទ័ពយើងខូចឈ្មោះអស់ហើយ ឡឺ ឡឺ ៗ ឱ្យតែគេឱ្យលុយស្អីក៏ធ្វើដែរ តិចទៀតវាកាត់ក្បាលយើងពួកអាហ្នឹងឱ្យតែឃើញតែលុយអត់ស្គាល់ងាប់ !» ។
បន្ទាប់ពីលោកនាយឧត្តមសេនីយ៍ សៅ សុខា បានបញ្ជាឱ្យស្រាវជ្រាវ និងឃាត់រថយន្តស៊ីរ៉ែនស្លាកលេខ ខេមរភូមិន្ទ លេខ០៩2-1871 រួចមក អ្នកនាំពាក្យកងរាជអាវុធហត្ថលើផ្ទៃប្រទេស ឧត្តមសេ នីយ៍ត្រីអេង ហ៊ី បានឲ្យដឹងថា រថយន្តដែលជិះបើកផ្លូវឱ្យក្បូនឡានអ្នកលក់អនឡាញនោះមិន មែនជារថយន្តរបស់អាវុធហត្ថទេ ដោយពេលនេះ កងកម្លាំងកំពុងសហការជាមួយ ក្រសួងការ ពារជាតិ ដើម្បីតាមស្វែងរកហើយ ។
អ្នកនាំពាក្យបានឲ្យដឹងនៅរសៀលថ្ងៃទី១០ ខែមករា ឆ្នាំ ២០២៥ នេះថា ៖ «រថយន្ត នោះមិនមែនជារបស់កងរាជអាវុធហត្ថ ទេ ! ព្រោះវាជា ខ.ម ០២ ។ របស់អាវុធហត្ថ ខ.ម ០៩ នេះជាជំហាន ទី១ដែលយើងឆែកក្នុងបញ្ជីអាវុធហត្ថគឺអត់មានទេ» ។
គួរឱ្យដឹងថា យោងតាមអនុក្រឹត្យចុះថ្ងៃទី១៦ ខែវិច្ឆិកា ឆ្នាំ ២០០ ៩ អ្នកដែលមានសិទ្ធិអនុញ្ញាតឱ្យប្រើប្រាស់ភ្លើង សញ្ញាពិសេស និងសំឡេងស៊ីរ៉ែនហែរអមក្បួន គឺមានតែក្បូនព្រះទីនាំងព្រះមហាក្សត្រព្រះមហាក្សត្រីយ៍រថយន្តប្រធានព្រឹទ្ធសភា រថយន្តប្រធានរដ្ឋសភា និងរថយន្តនាយករដ្ឋមន្ត្រីតែប៉ុណ្ណោះ ៕
ចែករំលែកព័តមាននេះ