រាជធានីភ្នំពេញ ៖ បន្ទប់ជួលរបស់កម្មករស្នាក់នៅមួយកន្លែងត្រូវបានអគ្គិភ័យឆាបឆេះទាំងព្រឹកបណ្ដាលឲ្យរងការខូចខាតទាំងស្រុងខណៈពេលដែលម្ចាស់កំពុងតែដេកលង់លក់។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៨និង២០នាទីព្រឹក ថ្ងៃទី១២ខែមករាឆ្នាំ២០២៥ នៅចំនុចបន្ទប់ជួលមួយកន្លែង ក្បែរវត្តគោកអំពិលផ្លូវលំ ក្នុងភូមិព្រៃថ្លឹង សង្កាត់ជេីងឯក…
រាជធានីភ្នំពេញ ៖ បន្ទប់ជួលរបស់កម្មករស្នាក់នៅមួយកន្លែងត្រូវបានអគ្គិភ័យឆាបឆេះទាំងព្រឹកបណ្ដាលឲ្យរងការខូចខាតទាំងស្រុងខណៈពេលដែលម្ចាស់កំពុងតែដេកលង់លក់។
ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៨និង២០នាទីព្រឹក ថ្ងៃទី១២ខែមករាឆ្នាំ២០២៥ នៅចំនុចបន្ទប់ជួលមួយកន្លែង ក្បែរវត្តគោកអំពិលផ្លូវលំ ក្នុងភូមិព្រៃថ្លឹង សង្កាត់ជេីងឯក ខណ្ឌដង្កោ រាជធានីភ្នំពេញ ។
តាមព័ត៌មានឲ្យដឹងថា បន្ទប់ជួលដែលត្រូវភ្លើងឆេះមានមានទំហំ ៣ម៉ែត្រគុណនឹង៤ម៉ែត្រ ដែលមានម្ចាស់ឈ្មោះ អឿន ឈន ភេទប្រុសអាយុ៦៦ឆ្នាំ មុខរបរកសិករ បានជួលអោយកម្មករស្នាក់នៅ។
តាមប្រភពព័ត៌មាន បានអោយដឹងថា មុនពេលកេីតហេតុ ខណៈពេលកម្មករដែលជួលស្នាក់នៅដេកលង់លក់ស្រាប់តែភ្លើងបានឆាបឆេះយ៉ាងសន្ធោសន្ធៅក្រៅដល់ខ្លួនក៍បានរត់ពេញមកក្រៅមានការភ្ញាក់ផ្អើលដល់ប្រជាពលរដ្ឋក្បែរខាងទាក់ទង រថយន្តពន្លត់អគ្គីភ័យទីអន្តរាគមន៍បាញ់ពន្លត់។
តាមនគរបាលការិយាល័យ បង្ការពន្លត់អគ្គីភ័យនិងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថានៅក្នុងហេតុការណ៍នេះរថយន្តពន្លត់អគ្គិភ័យចំនួនពីរគ្រឿងបានទៅអន្តរាគមន៍បាញ់ពន្លត់ហើយភ្លើងបានរលត់ទៅវិញនៅវេលាម៉ោង ៨និង៤០នាទីព្រឹកថ្ងៃដដែល។
តាមនគរបាលឲ្យដឹងទៀតថា អគ្គិភ័យនេះបណ្ដាលឲ្យបន្ទប់ជួលទាំងមូលនិងសម្ភារៈរងការខូចខាតទាំងស្រុងអគ្គីភ័យនេះបណ្ដាលមកពីឆ្លងចរន្តអគ្គិសនី ។ ទោះបីជាយ៉ាងណា ភ្លើងពុំបណ្តាលអោយឆេះរាល់ដាល់ដល់ផ្ទះប្រជាពលរដ្ឋក្បែរខាងឡើយ៕
ចែករំលែកព័តមាននេះ