សហរដ្ឋអាមេរិក ៖ លោក Jensen Huang កាលពីថ្ងៃទី១២ ខែវិច្ឆិកា ឆ្នាំ២០២៦ បានលាលែងពីតំណែងជានាយកប្រតិបត្តិក្រុមហ៊ុន Nvidia ជាផ្លូវការ បន្ទាប់ពីផ្ទុះរឿងអាស្រូវពាក់ព័ន្ធស្នេហាលួចលាក់ជាមួយស្ត្រីអ្នកជំនួញជនជាតិចិនឈ្មោះ Alice Huang ដែលត្រូវចោទប្រកាន់ថា ភ្នាក់ងារចារកម្មចិន ព្រមទាំងទំនាក់ទំនងស្នេហាជាមួយបុគ្គលិកនៅក្រុមហ៊ុនចំនួន ២នាក់ផ្សេងទៀត។ នេះបើតាមប្រភពពីកាសែត The Guardian បានចេញផ្សាយ។
តំណែងលោក Huang ដែលត្រូវបានស៊ើបអង្កេតជុំវិញរឿងចម្រូងចម្រាសថ្មីនេះ នឹងត្រូវបានជំនួសជាបណ្ដោះអាសន្នដោយនាយកផ្នែកហិរញ្ញវត្ថុរបស់ក្រុមហ៊ុន Nvidia ផ្ទាល់ គឺលោកស្រី Colette Kress រហូតទាល់តែមានការតែងតាំងនាយកប្រតិបត្តិថ្មីពេញសិទ្ធិ។
តាមរយៈការប្រកាសនេះ ភាគហ៊ុនក្រុមហ៊ុនផលិតបន្ទះឈីបលំដាប់ពិភពលោកមួយនេះ បានធ្លាក់ចុះ ១៣% នៅផ្សារហ៊ុន Wall Street។ ប៉ុន្តែបន្ទាប់ពីតម្លៃងើបឡើងវិញខ្លះៗ ភាគហ៊ុនបានបិទការជួញដូរធ្លាក់ចុះ ៤,៣% កាលពីថ្ងៃព្រហស្បតិ៍ ដែលធ្វើឱ្យតម្លៃទីផ្សាររបស់ក្រុមហ៊ុន Nvidia បាត់បង់ជាង១៨០ពាន់លានដុល្លារអាមេរិកក្នុង១ថ្ងៃ និងប្រហែល ៤៩០ពាន់លានដុល្លារនៅក្នុងរយៈពេល១សប្តាហ៍ ដោយបច្ចុប្បន្នក្រុមហ៊ុននេះ មានតម្លៃប្រមាណ ៤ ទ្រីលានដុល្លារ។
ការលាលែងពីតំណែងរបស់លោក Jensen Huang បានកើតឡើង បន្ទាប់ពីក្រុមប្រឹក្សាភិបាលក្រុមហ៊ុន Nvidia បានបើកកិច្ចប្រជុំបន្ទាន់មួយ កាលពីថ្ងៃទី១១ ខែវិច្ឆិកា ដើម្បីសម្រេចថា តើត្រូវដកហូតតំណែងលោក ឬយ៉ាងណា0x017d7 ដូចដែលត្រូវបានរាយការណ៍ដោយទីភ្នាក់ងារសារព័ត៌មាន Reuters។
ទោះជាយ៉ាងណា កាលពីថ្ងៃពុធ កាសែត The New York Times បានរាយការណ៍ថា ក្រៅពីស្ដ្រីជនជាតិចិន Alice Huang លោក Jensen Huang ក៏មានទំនាក់ទំនងស្នេហាលួចលាក់មួយផ្សេងទៀត ជាមួយនឹងអ្នកស្រី Kimberly Powell ដែលជាអនុប្រធានផ្នែក សុខាភិបាលរបស់ក្រុមហ៊ុន Nvidia ដោយអ្នកទាំងពីរត្រូវគេថតជាប់កំពុងបង្ហាញភាពស្និទ្ធស្នាលជាមួយគ្នា នៅឯសណ្ឋាគារមួយ អំឡុងពេលសន្និសីទរបស់ក្រុមហ៊ុន កាលពីខែមីនា។
លើសពីនេះទៀត បន្ទាប់ពីការប្រកាសលាលែងពីតំណែងរបស់លោក Huang កាលពីថ្ងៃព្រហស្បតិ៍ Reuters ក៏បានរាយការណ៍អំពីទំនាក់ទំនងស្នេហាលួចលាក់ទី ៣ ពាក់ព័ន្ធនឹងបុគ្គលិកក្រុមហ៊ុន Nvidia ម្នាក់ទៀត ប៉ុន្តែបញ្ចេញឈ្មោះស្ត្រីរូបនោះឡើយ។ ការចេញផ្សាយរបស់ Reuters ដោយផ្អែកលើការស្រង់ប្រភពពីមនុស្សពីរនាក់ដែលដឹងច្បាស់អំពីទំនាក់ទំនងនេះ៕
ចែករំលែកព័តមាននេះ