រាជធានីភ្នំពេញ ៖ អ្នកនាំពាក្យរាជរដ្ឋាភិបាល លោក ប៉ែន បូណា បានច្រានចោលការចោទប្រកាន់គ្មានមូលដ្ឋានរបស់ក្រុមប្រឆាំងជ្រុលនិយមដែលថា រាជរដ្ឋាភិបាលមានការពាក់ព័ន្ធនឹងករណីឃាតកម្មលើអតីតតំណាងរាស្ត្របក្សប្រឆាំង លោក លឹម…
រាជធានីភ្នំពេញ ៖ អ្នកនាំពាក្យរាជរដ្ឋាភិបាល លោក ប៉ែន បូណា បានច្រានចោលការចោទប្រកាន់គ្មានមូលដ្ឋានរបស់ក្រុមប្រឆាំងជ្រុលនិយមដែលថា រាជរដ្ឋាភិបាលមានការពាក់ព័ន្ធនឹងករណីឃាតកម្មលើអតីតតំណាងរាស្ត្របក្សប្រឆាំង លោក លឹម គឹមយ៉ា នៅប្រទេសថៃ នាថ្ងៃទី៧ ខែមករា ឆ្នាំ២០២៥ ។
លោក ប៉ែន បូណា បានគូសបញ្ជាក់ថា ៖ «បញ្ហាកើតឡើងនៅប្រទេសថៃ សុំទុកឲ្យអាជ្ញាធរ មានសមត្ថកិច្ចថៃ ជាអ្នកស៊ើបអង្កេត» ។
លោក ប៉ែន បូណា បន្តថា កម្ពុជា-ថៃ គឺជាប្រទេសមានអធិបតេយ្យភាពពីរផ្សេងគ្នា ហើយរាជរដ្ឋាភិបាលកម្ពុជា មានទំនួលខុសត្រូវ ចំពោះតែដែនអធិបតេយ្យភាពរបស់ខ្លួនប៉ុណ្ណោះ ហើយគ្មានសមត្ថកិច្ចទៅលូកលាន់ ឬការទទួលខុសត្រូវណាមួយ ចំពោះបញ្ហា ដែលកើតឡើងនៅប្រទេសថៃនោះទេ ។ ដូច្នេះ អ្នកនយោបាយ អង្គការសង្គមស៊ីវិល ត្រូវយល់ឲ្យច្បាស់លើបញ្ហានេះ ដោយកុំចេញសេចក្ដីថ្លែងការណ៍ណាមួយ ដោយគ្មានការទទួលខុសត្រូវ ។
លោក ប៉ែន បូណា ក៏បានប្រាប់ក្រុមប្រឆាំងជ្រុលនិយម ក្រុមអង្គការសង្គមស៊ីវិល ព្រមទាំងប្រព័ន្ធឃោសនាខ្លះ បញ្ឈប់វប្បធម៌ លាបពណ៌ មួលបង្កាច់ ចោទប្រកាន់ដោយគ្មានភស្តុតាងលើរាជរដ្ឋាភិបាល ៕
ចែករំលែកព័តមាននេះ