រាជធានីភ្នំពេញ ៖ អ្នកនាំពាក្យអគ្គស្នងការដ្ឋាននគរបាលជាតិ នៅយប់ថ្ងៃទី០៨ ខែមករា ឆ្នាំ២០២៥ បានចេញសេចក្តីប្រកាសផ្លូវការ អំពីការចាប់ខ្លួនជនសង្ស័យជាឃា.តករបាញ់សម្លាប់លោក លឹម គឹមយ៉ា…
រាជធានីភ្នំពេញ ៖ អ្នកនាំពាក្យអគ្គស្នងការដ្ឋាននគរបាលជាតិ នៅយប់ថ្ងៃទី០៨ ខែមករា ឆ្នាំ២០២៥ បានចេញសេចក្តីប្រកាសផ្លូវការ អំពីការចាប់ខ្លួនជនសង្ស័យជាឃា.តករបាញ់សម្លាប់លោក លឹម គឹមយ៉ា អតីតតំណាងរាស្ត្រ នៃអតីតគណបក្សសង្គ្រោះជាតិ នៅទីក្រុងបាងកក ប្រទេសថៃ កាលពីល្ងាចថ្ងៃទី០៧ ខែមករា ឆ្នាំ២០២៥ ។
ជនសង្ស័យរូបនេះមានឈ្មោះ អេកាឡាក់ ភាណយ (Ekkalak Pheanou) ជាជនជាតិថៃ ដែលត្រូវបានចាប់ខ្លួន នៅខេត្តបាត់ដំបង ប្រទេសកម្ពុជា នៅរសៀលថ្ងៃទី០៨ ខែមករានេះ ក្រោយរត់គេចចេញពីប្រទេសថៃចូលមកកម្ពុជា ។
សូមជម្រាបថា បុរសជនជាតិខ្មែរ សញ្ជាតិបារាំងម្នាក់ជាអតីតសមាជិកសភា មកពីគណបក្សសង្គ្រោះជាតិ បានស្លា.ប់បាត់បង់ជីវិត បន្ទាប់ពីខ្មា.ន់កាំភ្លើ.ងបានបា.ញ់ប្រហារ កាលពី០៦ល្ងាចថ្ងៃទី៧ ខែមករា ឆ្នាំ២០២៥ នៅទីក្រុងបាងកក ប្រទេសថៃ ។
សេចក្តីរាយការណ៍របស់សារព័ត៌មានថៃ The Nation បានឲ្យដឹងថា បុរសសកម្មជននយោបាយប្រឆាំងរូបនេះ គឺលោក លីម គឹមយ៉ា អាយុ៧៤ឆ្នាំ។ លោកត្រូវបានខ្មា.ន់កាំភ្លើ.ងបា.ញ់ ក្បែរវត្តមួយកន្លែង នៅក្នុងស្រុក ព្រះណាខន (Phra Nakhon) ចំនួន២គ្រាប់ មួយចំឆ្អឹងជំនីខាងស្តាំ និងមួយកន្លែង ត្រូវស្មាខាងស្តាំ ។
កាសែតនោះ បានអោយដឹងថា ខ្មា.ន់កាំភ្លើ.ងមានឈ្មោះ អែកកាឡាក់ ពាណុល (Ekkalak Pheanou) អតីតទាហានជើងទឹកថៃ ។ រហូតមកដល់ពេលនេះ ប៉ូលិសថៃ នៅមិនទាន់បញ្ជាក់នៅឡើយពីមូលហេតុ នៃការបា.ញ់ប្រហារនេះទេ ។
លោក សៀម ប៊ូនសុម (Siam Boonsom) មេប៉ូលិសក្រុងបាងកក បានបញ្ជាឱ្យមានការស៊ើបអង្កេតជាបន្ទាន់ លើការបា.ញ់ប្រហារនេះ ហើយការស៊ើបអង្កេតបឋមបង្ហាញថា ជនរងគ្រោះ បានធ្វើដំណើរពីខេត្តសៀមរាប ប្រទេសកម្ពុជា តាមរថយន្តក្រុងជាមួយប្រពន្ធជាជនជាតិបារាំង និងសាច់ញាតិខ្មែរ ។
បច្ចុប្បន្ន ស្ត្រីជាប្រពន្ធជនរងគ្រោះ កំពុងជួយប៉ូលិសធ្វើការសាកសួរ នៅប៉ុស្តិ៍នគរបាលនៅក្នុងតំបន់កើតហេតុ ខណៈសមត្ថកិច្ចកំពុងធ្វើការស៊ើបអង្កេត ដើម្បីរកមូលហេតុនៅពីក្រោយការធ្វើឃា.តនេះ ៕
ចែករំលែកព័តមាននេះ