ADផ្ទាំងផ្សព្វផ្សាយពាណិជ្ជកម្ម

អធិការបតីអាល្លឺម៉ង់បដិសេធពាក្យចចាមអារ៉ាមថាគ្រោងជួបលោកពូទីន

1 ថ្ងៃ មុន

០៥ ខែ មករា ឆ្នាំ ២០២៥ ម៉ោង ២៣:៣៩

ទីក្រុងប៊ែឡាំង៖ អធិការបតីអាល្លឺម៉ង់ លោកអូឡាស់ សូល បានចេញមុខបដិសេធពាក្យចចាមអារ៉ាមដែលថាលោកមានគម្រោងជួបគ្នាជាមួយលោកពូទីនដើម្បីចរចាអំពីបញ្ហាអ៊ុយក្រែន។ ពាក្យចចាមអារ៉ាមទាំងនេះចេញពីអ្នកនយោបាយប្រឆាំង។ ខុទ្ទកាល័យរបស់លោកកំពុងរៀបចំដាក់ពាក្យប្ដឹងទៅតុលាការពីបទបរិហារកេរ្តិ៍។ ការថ្លែងដូច្នេះបន្ទាប់ពីលោកឃីសវេតតឺ (Kieswetter) ដែលជាអ្នកនាំពាក្យរបស់គណបក្សប្រឆាំងថ្លែងថាលោកសូលប្រហែលជាកំពុងត្រៀមខ្លួនធ្វើដំណើរទៅទីក្រុងម៉ូស្គូនៅក្នុងពេលឆាប់ៗនេះដើម្បីជួបលោកពូទីនមុនពេលបោះឆ្នោតជ្រើសតាំងអ្នកតំណាងរាស្ត្រនៅថ្ងៃទី២៣…

ទីក្រុងប៊ែឡាំង៖ អធិការបតីអាល្លឺម៉ង់ លោកអូឡាស់ សូល បានចេញមុខបដិសេធពាក្យចចាមអារ៉ាមដែលថាលោកមានគម្រោងជួបគ្នាជាមួយលោកពូទីនដើម្បីចរចាអំពីបញ្ហាអ៊ុយក្រែន។ ពាក្យចចាមអារ៉ាមទាំងនេះចេញពីអ្នកនយោបាយប្រឆាំង។ ខុទ្ទកាល័យរបស់លោកកំពុងរៀបចំដាក់ពាក្យប្ដឹងទៅតុលាការពីបទបរិហារកេរ្តិ៍។

ការថ្លែងដូច្នេះបន្ទាប់ពីលោកឃីសវេតតឺ (Kieswetter) ដែលជាអ្នកនាំពាក្យរបស់គណបក្សប្រឆាំងថ្លែងថាលោកសូលប្រហែលជាកំពុងត្រៀមខ្លួនធ្វើដំណើរទៅទីក្រុងម៉ូស្គូនៅក្នុងពេលឆាប់ៗនេះដើម្បីជួបលោកពូទីនមុនពេលបោះឆ្នោតជ្រើសតាំងអ្នកតំណាងរាស្ត្រនៅថ្ងៃទី២៣ ខែកុម្ភៈ ឆ្នាំ២០២៥។

ក្រោយការថ្លែងដូច្នេះ លោកសូលក៏ចេញមុខបដិសេធ។ លោកថានោះជាការនិយាយភូតកុហកគ្មានការពិត។ ពាក្យសម្ដីបែបហ្នឹងមិនគួរនិយាយចេញមកទេព្រោះវាជាការមិនសមរម្យ។ លោកយល់ថាការនិយាយបែបនោះគ្មានមូលដ្ឋានទាល់តែសោះ ហើយបានត្រឹមតែធ្វើឱ្យមានបរិយាកាសសៅហ្មងចិត្តតែប៉ុណ្ណោះ។

ប្រសាសន៍របស់លោកសូលត្រង់ចំណុចនេះត្រូវសម្ព័ន្ធមិត្តនយោបាយរបស់លោកគាំទ្រ។ អគ្គលេខាគណបក្សប្រជាធិបតេយ្យសង្គមនិយមថ្កោលទោសពាក្យសម្ដីរបស់លោកឃីសវេតតឺ និងចាត់ទុកថានេះជាពាក្យសម្ដីឥតអៀនខ្មាស និងមានចេតនាទុច្ចរិត។ លោកបានស្នើសុំឱ្យលោកឃីសវេតតឺសូមអភ័យទោសជាសាធារណៈ៕