រាជធានីភ្នំពេញ ៖ រថយន្ដមួយគ្រឿង បានបើកបោះពួយដោយល្បឿនលឿន ជ្រុលចង្កូតឡើងសួនច្បារខណ្ឌចែកទ្រូងផ្លូវ ទៅបុកបង្គោលផ្លាកសញ្ញាបាក់០១ដើម និងបុកបង្គោលផ្សាយពាណិជ្ជកម្មធំមួយទៀត ជាប់ទៅមុខលែងរួច ។ ហេតុការណ៍គ្រោះថ្នាក់ចរាចរណ៍នេះ…
រាជធានីភ្នំពេញ ៖ រថយន្ដមួយគ្រឿង បានបើកបោះពួយដោយល្បឿនលឿន ជ្រុលចង្កូតឡើងសួនច្បារខណ្ឌចែកទ្រូងផ្លូវ ទៅបុកបង្គោលផ្លាកសញ្ញាបាក់០១ដើម និងបុកបង្គោលផ្សាយពាណិជ្ជកម្មធំមួយទៀត ជាប់ទៅមុខលែងរួច ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង២និង១០នាទីរសៀលថ្ងៃទី០៦ ខែមករា ឆ្នាំ២០២៥ ស្ថិតតាមបណ្ដោផ្លូវភ្នំពេញហាណូយ ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ ។
រថយន្តដែលបើកឡើងសួនច្បារខាងលើនោះ ម៉ាក REXTON ពណ៌ស ពាក់ផ្លាកលេខ ព្រះសីហនុ 2B-3550 បើកបរដោយបុរសម្នាក់ ជាជនជាតិបទេស តែគេពុំដឹងថា ជាជនជាតិអ្វីឡើយ ។
តាមសាក្សី បានឲ្យដឹងថា មុនពេលកើតហេតុ គេឃើញរថយន្ដមួយគ្រឿងខាងលើនោះ បានធ្វើដំណើរតាមបណ្ដោយផ្លូវភ្នំពេញ ហាណូយ ក្នុងទិសដៅពីជើងមកត្បូង ដោយល្បឿនលឿន ខណៈពេលធ្វើដំណើរដល់ចំណុចកើតហេតុ ក៏បានរេចង្កូតទៅខាងឆ្វេងដៃ បុកឡើងខឿនសួនច្បារខណ្ឌចែកទ្រូងផ្លូវ ទៅបុកបង្គោលផ្លាកសញ្ញាបាក់មួយដើម និងបុកបង្គោលប៉ាណូផ្សាយពាណិជ្ជកម្ម ពេញទំហឹងបណ្តាលអោយទ្រេត។ ចំណែករថយន្តរងការខូចខាតផ្នែកខាងមុខធ្ងន់ធ្ងរ ហើយជាប់នៅនឹងបង្គោលប៉ាណូផ្សាយពាណិជ្ជកម្ម ទៅមុខលែងរួច។ ទោះបីជាយ៉ាងណាអ្នកបើកបររថយន្ត ដែលគេអះអាងថា ជាជនជាតិបរទេសនោះ ពុំបណ្ដាលឲ្យរងរបួសឡើយ ។
បន្ទាប់ពីកើតមានគ្រោះថ្នាក់ នគរបាលមូលដ្ឋាន ក៏បានចុះទៅកន្លែងកើតហេតុ ហើយទាក់ទងទៅនគរបាលចរាចរណ៍ផ្លូវគោក ចុះទៅវាស់វែង ហើយនាំយករថយន្តទៅកាន់ការិយាល័យ ដើម្បីដោះស្រាយសងការខូចខាតទ្រព្យសម្បត្តិសាធារណៈ ៕
ចែករំលែកព័តមាននេះ