ខេត្ត​បន្ទាយមានជ័យ ៖ ភ្ញៀវជាតិនិងអន្តរជាតិដែលចេញ-ចូលតាមច្រកទ្វារអន្តរជាតិប៉ោយប៉ែត​រយៈពេល១ឆ្នាំមានជិត២០លាននាក់នៅអំឡុងឆ្នាំ២០២៤នៅខេត្តបន្ទាយមានជ័យ។

លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានប្រាប់ថ្ងៃទី០៦ ខែមករា ឆ្នាំ២០២៥ ថា នៅអំឡុងឆ្នាំ២០២៤កន្លែងទៅរយៈពេល១ឆ្នាំភ្ញៀវជាតិនិងអន្តរជាតិដែលចេញ-ចូលតាមច្រកទ្វារអន្តរជាតិប៉ោយប៉ែតមានចំនួន១៩.៥៩៩.៨៣០នាក់ មានស្រីចំនួន​៩.២៨១.៨៦៩នាក់ ក្នុងនោះមានភ្ញៀវជនបរទេសចំនួន១១.១៨៤.១៩៧នាក់ស្រីចំនួន​៥.២៧៦.០០៩នាក់ ភ្ញៀវជាតិមានចំនួន៨.៤១៥.៦៣៣នាក់ស្រី៤.០០៥.៨៦០នាក់។

លោកបានបញ្ជាក់ថា៖ភ្ញៀវជាតិនិងអន្តរជាតិដែលចូលមកកម្ពុជាតាមច្រកទ្វារអន្តរជាតិប៉ោយប៉ែតរយៈពេល១ឆ្នាំមានចំនួន៩.៧៤៣.៧៧៩នាក់ ស្រី៤.៦១១.៣២៤នាក់ មានភ្ញៀវបរទេសចំនួន៥.៦០៤.២៤៦នាក់ស្រី២.៦២៨.២០៧នាក់ ភ្ញៀវជាតិចំនួន៤.១៣៩.៥៣៣នាក់ស្រី១.៩៨៣.១១៧នាក់និងភ្ញៀវដែលចេញពីកម្ពុជាទៅថៃតាមច្រកទ្វារអន្តរជាតិប៉ោយប៉ែតរយៈពេល១ឆ្នាំមានចំនួន៩.៨៥៦.០៥១នាក់ ស្រី៤.៦៧០.៥៤៥នាក់ មានភ្ញៀវបរទេសចំនួន៥.៥៧៩.៩៥១នាក់ស្រី២.៦៤៧.៨០២នាក់ ភ្ញៀវជាតិចំនួន៤.២៧៦.១០០នាក់ស្រី២.០២២.៧៤៣នាក់។

លោក វ៉ាន់ ដារ៉ាន់ បានបញ្ជាក់ថា ភ្ញៀវបរទេសដែលចេញ.ចូលតាមច្រកទ្វារអន្តរជាតិប៉ោយប៉ែតចំណាត់ថ្នាក់លេខ១មានជនជាតិថៃ ចំណាត់ថ្នាក់លេខ២ជនជាតិឥណ្ឌូនេស៊ី ចំណាត់លេខ៣​ជនជាតិឡាវ ចំណាត់ថ្នាក់លេខ៤ជនជាតិវៀតណាម ចំណាត់លេខ៥ជនជាតិចិន ចំណាត់ថ្នាក់​លេខ៦ជនជាតិរុស្សី ចំណាត់ថ្នាក់លេខ៧ជនជាតិអាមេរិក ចំណាត់ថ្នាក់លេខជនជាតិជប៉ុន ចំណាត់ថ្នាក់លេខ៨ជនជាតិកូរ៉េខាងត្បូង ៕