រាជធានីភ្នំពេញ ៖ ឆេះឃ្លាំងអេតចាយមួយកន្លែងបង្កការភ្ញាក់ផ្អើលដល់ប្រជាពលរដ្ឋនិងសមត្ថកិច្ចចុះជួយអន្តរាគមន៍ខ្លះទាញទុយោទឹក និងបំពង់ពន្លត់អគ្គិភ័យជួយបាញ់ទប់ស្កាត់ រួចទាក់ទងទៅរថយន្តពន្លត់អគ្គីភ័យមកជួយបាញ់ពន្លត់ កាលពីវេលាម៉ោង​៩និង៤០នាទីយប់​ថ្ងៃទី៣១ ខែធ្នូ ឆ្នាំ២០២៤ ស្ថិត​នៅ​ក្នុងសង្កាត់កំបូល ខណ្ឌកំបូល រាជធានីភ្នំពេញ ។

បើតាមការបញ្ជាក់ពីម្ចាស់ឃ្លាំងខាងលើបានឲ្យដឹងថា នៅមុនពេលកើតហេតុ ដោយពួកគាត់នាំគ្នាអង្គុយលេង នៅខាងមុខឃ្លាំងជាធម្មតា ក្រោយមកស្រាប់តែឮស្នូសំឡេង​ទុស្សេខ្សែភ្លើងចេញពីខាងក្នុងឃ្លាំងរួចបង្កទៅជាអណ្តាតភ្លើងឆាបឆេះរាលដាលយ៉ាងសន្ធោសន្ធៅ ពេលនោះដែរម្ចាស់ឃ្លាំងនិងប្រជាពលរដ្ឋក្បែខាង សហការគ្នា ខ្លះទាញទុយោទឹក ខ្លះទៀតក៏យកបំពង់ពន្លត់អគ្គិភ័យតាមផ្ទះនីមួយៗមកជួយអន្តរាគមន៍បាញ់ពន្លត់ទប់ស្កាត់រហូតដល់រលត់ទៅវិញ បន្ទាប់មកក៏សុំរថយន្ត​ពន្លត់អគ្គីភ័យមួយគ្រឿងដើម្បីជួយបាញ់ពន្លត់​បន្ថែម បន្ទាប់មកក៏ឃើញមានរថយន្តពន្លត់អគ្គីភ័យរបស់ខាងបុរីសង្ឃឹមថ្មីចេញទៅមួយគ្រឿងជួយអន្តរាគមន៍បាញ់ពន្លត់បន្ថែមទើបរលត់ទៅវិញជាស្ថាពរ នៅក្នុងករណីអគ្គីភ័យឆេះឃ្លាំងអេតចាយខាងលើនោះដែរមិនមានអ្នកស្លាប់និងរបួសនោះទេពោលគឺខូចខាតតែសម្ភារៈនៅក្នុងឃ្លាំងមួយចំនួនប៉ុណ្ណោះ ៕