ខេត្តស្វាយរៀង ៖ ប្រជាកសិកររស់នៅក្នុងឃុំបន្ទាយក្រាំង សប្បាយរីករាយ ដោយរាជរដ្ឋាភិបាល បានស្តារប្រឡាយទឹក និងរៀបចំប្រពន្ធ័ធារាសាស្ត្រ បានល្អ ធានារក្សាទឹកបានធ្វើស្រែទាំងរដូវប្រាំង និងរដូវវស្សា…
ខេត្តស្វាយរៀង ៖ ប្រជាកសិកររស់នៅក្នុងឃុំបន្ទាយក្រាំង សប្បាយរីករាយ ដោយរាជរដ្ឋាភិបាល បានស្តារប្រឡាយទឹក និងរៀបចំប្រពន្ធ័ធារាសាស្ត្រ បានល្អ ធានារក្សាទឹកបានធ្វើស្រែទាំងរដូវប្រាំង និងរដូវវស្សា គឺក្នុង១ឆ្នាំ អាចធ្វើស្រែបានចំនួន០៣ដង ។
ប្រជាពលរដ្ឋបានថ្លែងអំណរគុណ ដល់អាជ្ញាធរមូលដ្ឋានថ្នាក់ស្រុកថ្នាក់ខេត្ត ជាពិសេសសម្តេចបវរធិបតី ហ៊ុន ម៉ាណែត ប្រមុខរាជរដ្ឋាភិបាល ដឹកនាំអភិវឌ្ឍន៍ហេដ្ឋារចនាសម្ពន្ធ័ផ្លូវជនបទ និងប្រពន្ធ័ធារាសាសាស្ត្រ សម្រាប់ឲ្យប្រជាពលរដ្ឋប្រកបមុខរបរកសិកម្ម ផលិតស្រូវនិងដំណាំ បានទាំងរដូវប្រាំង និងវស្សា លើកម្ពស់សេដ្ឋកិច្ចនៅជនបទបានរីកចម្រើន ប្រជាពលរដ្ឋមានជីវភាពកាន់តែល្អប្រសើរ ។
ប្រជាពលរដ្ឋថ្លែងអំណរគុណរាជរដ្ឋាភិបាលនេះ ធ្វើឡើងនៅរសៀលថ្ងៃទី៣១ ខែធ្នូ ឆ្នាំ២០២៤ នៅភូមិបន្ទាយក្រាំង ស្រុកកំពង់រោទ៌ ។
លោក គឹម សាវុធ ប្រធានមន្ទីរធនធានទឹក និងឧតុនិយម ខេត្តស្វាយរៀង បានអោយដឹងថា នៅរដូវប្រាំងឆ្នាំនេះ មន្ទីរធនធានទឹក និងឧតុនិយមខេត្តស្វាយរៀង បានត្រៀមបម្រុងទឹកផ្តល់ជូនពលរដ្ឋប្រើប្រាស់លើការងារបង្កបង្កើនផល ចំនួនប្រមាណ ៨លាន ៩សែនម៉ែត្រគូប ។
លោកបានបញ្ជាក់បន្ថែមថា គោលនយោបាយទឹក ក្រោមការដឹកនាំរបស់រាជរដ្ឋាភិបាល អតីតសម្តេចអគ្គមហាសេនាបតីតេជោ ហ៊ុន សែន និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី អាណត្តិទី៧ ខេត្តស្វាយរៀង ក្នុងប៉ុន្មានឆ្នាំចុងក្រោយនេះ បានទទួលប្រពន្ធ័ធារាសាស្ត្រ តាមរយៈក្រសួងធនធានទឹក និងឧតុនិយម ទាំងតូច និងធំ ចំនួន១៤ស្ថានីយ៏ ពីលើប្រភពទឹកធម្មជាតិទន្លេ ព្រែក បឹង និងអូរ ដែលតភ្ជាប់ ចេញពីប្រភពទឹកក្នុងប្រទេស និងតាមខ្សែបន្ទាត់ព្រំដែន រួមជាមួយនិងវៀតណាម សម្រាប់អោយប្រជាកសិករ ទាញយកទឹកមកប្រើប្រាស់ផលិតស្រូវ និងបន្លែ ទាំងរដូវប្រាំង និងរដូវវស្សា ក្នុងភូមិសាស្ត្រខេត្ត បន្ថែមប្រមាណជាង០៨លានម៉ែត្រគូបផងដែរ ។
ពាក់ពន្ធ័ទៅនិងការងារប្រើប្រាស់ទឹកបង្កបង្កើនផល ប្រជាពលរដ្ឋរស់នៅភូមិកែវជះ ឃុំបន្ទាយក្រាំង ស្រុកកំពង់រោទ៏ លោកស្រីគុជ ង៉ោល និងលោកស្រី ខៀវ សុខនី បានមានចំណាប់អារម្មណ៏ ដោយគោរពថ្លែងអំណរគុណចំពោះរាជរដ្ឋាភិបាល សម្តេចនាយរដ្ឋមន្ត្រី និងក្រសួងមន្ទីរពាក់ពន្ធ័ ដែលសម្តេចបានគិតគូរជីកស្ថាប្រឡាយនាំទឹកមកផ្តល់អោយពួកគាត់ប្រើប្រាស់បង្កបង្កើនផលគ្រប់គ្រាន់ ខណៈដែលពីមុនការងារបង្កបង្កើនផលបានប្រឈាមកង្វះទឹក ។
យោងតាមរបាយការណ៏របស់មន្ទីរកសិកម្មរុក្ខាប្រម៉ាញ់និងនេសាទខេត្តស្វាយរៀង គិតត្រឹមថ្ងៃទី២៣ ខែធ្នូ ឆ្នាំ២០២៤ ប្រជាកសិករក្នុងខេត្តស្វាយរៀង សម្រេចធ្វើស្រែប្រដេញទឹក និងស្រូវប្រាំង បានចំនួន០១ម៉ឺន ០៩ពាន់ ០៣៦ហិកតា ស្មើនឹង៩២.៨៦% នៃផែនការផលិតស្រូវ រដូវប្រាំងឆ្នាំ២០២៤-២០២៥ ចំនួន២ម៉ឺន៥០០ហិកតា ៕
ចែករំលែកព័តមាននេះ