ខេត្តកំពង់ស្ពឺ ៖ មនុស្សប្រុស-ស្រី ចាស់ក្មេងប្រមាណជា៦០នាក់ មានកូនក្មេង សិស្សសាលា និងលោកគ្រូ អ្នកគ្រូ បានរងរបួសក្នុងហេតុការណ៍គ្រោះថ្នាក់ចរាចរណ៍ ប៉ុន្តែមិនប៉ះពាល់ដល់អាយុជីវិត…
ខេត្តកំពង់ស្ពឺ ៖ មនុស្សប្រុស-ស្រី ចាស់ក្មេងប្រមាណជា៦០នាក់ មានកូនក្មេង សិស្សសាលា និងលោកគ្រូ អ្នកគ្រូ បានរងរបួសក្នុងហេតុការណ៍គ្រោះថ្នាក់ចរាចរណ៍ ប៉ុន្តែមិនប៉ះពាល់ដល់អាយុជីវិត ខណៈដែលរថយន្តក្រុងបានរេចង្កូតធ្លាក់ផ្លូវ រួចទៅអែប និងជ្រោះមានដើមឈើចំណុចលោកយាយបាំងដៃ ហួសចំណុចជ្រោះអូរកសេះ នារសៀលថៃ្ងទី២៩ ខែធ្នូ ឆ្នាំ២០២៤ ក្នុងឃុំចំបក់ ស្រុកភ្នំស្រួច ខេត្តកំពង់ស្ពឺ ។
មន្ត្រីសមត្ថកិច្ចបាននិយាយឱ្យដឹងថា មានករណីគ្រោះថ្នាក់ចរាចរណ៍បានកើតឡើងក្នុងភូមិសាស្ត្រ ឃុំចំបក់ ស្រុកភ្នំស្រួច លើខ្នងភ្នំឧទ្យានជាតិ ព្រះកុសុមៈ គីរីរម្យមានករណីរថយន្តក្រុងបានរេចង្កូតធ្លាក់ផ្លូវ រួចទៅអែប និងជ្រោះមានដើមឈើចំណុចលោកយាយបាំងដៃ ហួសចំណុចជ្រោះអូរកសេះ ។
សមត្ថកិច្ចនគរបាលនៃអធិការដ្ឋាននគរបាលស្រុកភ្នំស្រួចបានចេញប្រតិបត្ដិការជួយអន្ដរាគមន៍លើករណីគ្រោះថ្នាក់ខាងលើនេះ តាមការបញ្ជាក់ពីលោកវរសេនីយ៍ទោ ជុន ចន្ទដេត អធិការនគរបាលស្រុកភ្នំស្រួចក្នុងរថយន្ដមានមនុស្សប្រមាណជាង៦០នាក់ មានកូនក្មេង សិស្សសាលា និងលោកគ្រូ អ្នកគ្រូ ។
ចំពោះការខូចខាត និងគ្រោះថ្នាក់ប៉ះពាល់ដល់អាយុជីវិតមិនមាន ដោយសាររថយន្ដបុកដើមឈើជួយទប់ និងមានមនុស្សរងរបួសស្រាល ធ្ងន់កំពុងត្រូវបានជួយសង្គ្រោះ ៕
ចែករំលែកព័តមាននេះ