ខេត្តតាកែវ ៖ អគារដ៏ធំស្កឹមស្កៃអមដោយរបងថ្មហ៊ុមព័ទ្ធជិតឈឹង មានកម្ពស់របង៥ម៉ែត្រ និងមានកងសន្តិសុខយាមកាមយ៉ាងតឹងរឹងមិនធ្លាប់មាន ស្ថិតនៅឃុំលំពង់ ស្រុកបាទី ខេត្តតាកែវ ត្រូវបានមហាជនដាក់ការសង្ស័យថា ជាអគាភ្នាល់ល្បែងតាមប្រពន្ធ័អនឡាញដ៏សម្ងាត់មួយ…
ខេត្តតាកែវ ៖ អគារដ៏ធំស្កឹមស្កៃអមដោយរបងថ្មហ៊ុមព័ទ្ធជិតឈឹង មានកម្ពស់របង៥ម៉ែត្រ និងមានកងសន្តិសុខយាមកាមយ៉ាងតឹងរឹងមិនធ្លាប់មាន ស្ថិតនៅឃុំលំពង់ ស្រុកបាទី ខេត្តតាកែវ ត្រូវបានមហាជនដាក់ការសង្ស័យថា ជាអគាភ្នាល់ល្បែងតាមប្រពន្ធ័អនឡាញដ៏សម្ងាត់មួយ ។
យោងតាមប្រភពពីប្រជាពលរដ្ឋនៅក្បែរទីតាំងខាងលើបានអោយដឹងថា រាល់ថ្ងៃបើគេសង្កេតមើលអគារខាងលើ គឺដូចជាកាស៊ីណូសុទ្ធសាធ ព្រោះកងសន្តិសុខការពារយ៉ាងតឹងរឹ ងហើយការចេញចូលគឺមានកាត្រួតពិនិត្យតឹងរឹង ជាពិសេស ចេញចូលបានតែជនបរទេសនោះទេ ។
ប្រភពដដែលបន្តទៀតថា ចាប់ពីម៉ោង១០ព្រឹក គឺឃើញមានតែរថយន្តតាក់ស៊ីដឹកតែភ្ញៀងបរទេសនោះទេ មកដាក់មុខអគារខាងលើ ហើយជនបរទេសចូលទៅក្នុងដោយរលូនបាត់ ។ ចំណែកតាក់ស៊ីនៅឈប់តំរៀបគ្នាមុខអគាររង់ចាំដឹកជនបរទេសទាំងនោះជាភ្ញៀវចេញទៅវិញភាគច្រើនជនជាតិចិន ។
យោងតាមប្រភពជឿជាក់ពីមន្ត្រីសាលាស្រុកបាទី សុំមិនបញ្ចេញឈ្មោះបានអោយដឹងថា អគារធំខាងលើ មិនមែនសាលារៀនដូចគេឆ្ងល់ទេ គឺជាទីតាំងភ្នាល់ល្បែងអនឡាញគ្រប់ប្រភេទ មានចម្រុះជាតិសាសន៍ ហើយបុគ្គលិកបម្រើការនៅក្នុងអគារមិនបានអនុញ្ញតអោយចេញក្រៅផ្ដេសផ្ដាសនោះទេស៊ី ដេកនៅទីនោះ ។
ចំណែកលោកភួន ឈឹម អភិបាលស្រុកបាទីបានអោយកោះសន្តិភាពដឹងតាមទូរស័ព្ទថា អគារខាងលើ គឺដូចជារីសត តែធាតុពិតគឺជារោងចក្រនោះទេ មិនមែនទីតាំងភ្នាល់ល្បែងអនឡាញដូចមហាជននិយាយឡើយ ។
តែពេលកោះសន្តិភាពសួរលោកអភិបាលថា តើរោងចក្រខាងលើ ឈ្មោះអ្វី ផលិតអ្វី លោកមិនបានប្រាប់ទេ ដោយលោកលើកឡើងថា លោកជាប់រវល់ប្រជុំ ។ អ្នកស្រុកនៅទីនោះ គេឆ្ងល់ណាស់ ហើយម្នាក់ៗនិយាយជាទូទៅថា ជាទីតាំងល្បែងដ៏ធំមានមេធំណាស់នៅភ្នំពេញនៅពីក្រោយ ។
ពេលណាមានប្រតិកម្ម យើងនឹងផ្សាយជូនបន្តទៀត។ ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ