រាជធានីភ្នំពេញ ៖ ឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជាបានបញ្ជាក់ថា រាល់បំណងប៉ុនប៉ងលាបពណ៌លើកិច្ចសហប្រតិបត្តិរវាងចិន និងកម្ពុជា គឺមិនអាចទៅរួចបានឡើយ ។ ការលើកឡើងរបស់ឯកអគ្គរដ្ឋទូតចិននៅកម្ពុជា បន្ទាប់ពីមានក្រុមប្រឆាំងមួយចំនួនបានរិះគន់ដល់រដ្ឋាភិបាលកម្ពុជា ពាក់ព័ន្ធនឹងការធ្វើកិច្ចសហប្រតិបត្តិការជាមួយចិន…
រាជធានីភ្នំពេញ ៖ ឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជាបានបញ្ជាក់ថា រាល់បំណងប៉ុនប៉ងលាបពណ៌លើកិច្ចសហប្រតិបត្តិរវាងចិន និងកម្ពុជា គឺមិនអាចទៅរួចបានឡើយ ។
ការលើកឡើងរបស់ឯកអគ្គរដ្ឋទូតចិននៅកម្ពុជា បន្ទាប់ពីមានក្រុមប្រឆាំងមួយចំនួនបានរិះគន់ដល់រដ្ឋាភិបាលកម្ពុជា ពាក់ព័ន្ធនឹងការធ្វើកិច្ចសហប្រតិបត្តិការជាមួយចិន រហូតក្លាយកិច្ចសហប្រតិបត្តិការមិត្តដែកថែបផងដែរ ។
យ៉ាងណាក្តី ឯកឧត្តម វ៉ាង វិនប៊ិន ឯកអគ្គរដ្ឋទូតចិនប្រចាំនៅកម្ពុជាបានលើកឡើងលើបណ្តាញសង្គម នៅថ្ងៃទី១៨ ធ្នូ ឆ្នាំ២០២៤យ៉ាងដូច្នេះថា ៖ ជំនួយរបស់ចិនមកកាន់កម្ពុជាទទួលបានសមិទ្ធិផលផ្លែផ្កាជាច្រើនអនេក គម្រោងជំនួយថ្មីៗក៏កំពុងតែដំណើរការ ។
ឯកអគ្គរដ្ឋទូតបន្តថា ភាគីចិននឹងបន្តគាំទ្រយ៉ាងមុតមាំដល់ភាគីកម្ពុជាក្នុងការកសាងគម្រោងហេដ្ឋារចនាសម្ព័ន្ធពាក់ព័ន្ធនឹងផែនការជីវភាពរស់នៅរបស់ប្រជាជន ។
ជាមួយគ្នានោះដែរ ឯកអគ្គរដ្ឋទូតបានសង្កត់ធ្ងន់ថា៖ « រាល់បំណងប៉ុនប៉ងលាបពណ៌លើកិច្ចសហប្រតិបត្តិរវាងចិន និងកម្ពុជា គឺមិនអាចទៅរួចបានឡើយ» ។
សូមជម្រាប តាមរយៈកិច្ចសហប្រតិបត្តិការទ្វេភាគីជាមួយកម្ពុជា ប្រទេសចិន បានចូលរួមចំណែកកសាង និងអភិវឌ្ឍន៍ហេដ្ឋារចនាសម្ព័ន្ធ ផ្លូវ ស្ពាន ជាច្រើននៅក្នុងប្រទេសកម្ពុជាតាមរយៈជំនួយឥត សំណង៕
ចែករំលែកព័តមាននេះ