ខេត្តបន្ទាយមានជ័យ ៖ មានហេតុការណ៍ឆេះវាលកើតឡើងនៅវាលស្រែ នៅវេលាម៉ោង១០និង៤០នាទីព្រឹក ថ្ងៃទី១៦ ខែធ្នូ ឆ្នាំ២០២៤ នៅចំណុចវាលរបោះជ្លីក ស្ថិតក្នុងភូមិអំពិលកោង ឃុំណាំតៅ…
ខេត្តបន្ទាយមានជ័យ ៖ មានហេតុការណ៍ឆេះវាលកើតឡើងនៅវាលស្រែ នៅវេលាម៉ោង១០និង៤០នាទីព្រឹក ថ្ងៃទី១៦ ខែធ្នូ ឆ្នាំ២០២៤ នៅចំណុចវាលរបោះជ្លីក ស្ថិតក្នុងភូមិអំពិលកោង ឃុំណាំតៅ ស្រុកភ្នំស្រុក ខេត្តបន្ទាយមានជ័យ បណ្តាលឲ្យឆេះស្រូវប្រជាពលរដ្ឋចំនួន២គ្រួសារ ។
លោកវរសេនីយ៍ឯក ប៉ិក គឹមហ៊ាក អធិការនគរបាលស្រុកភ្នំស្រុកបានឲ្យដឹងថា ៖ ប្រជាពលរដ្ឋដែលខូចខាតស្រូវ ដោយគ្រោះអគ្គិភ័យនេះមានឈ្មោះ ៖ ១/-ឆែម មិល ភេទប្រុស អាយុ៦៤ឆ្នាំ នៅភូមិអំពិលកោង ឃុំណាំតៅ ស្រុកភ្នំស្រុក ឆេះស្រូវ ដែលប្រមូលច្រកការុងរួច មិនទាន់ដឹកជញ្ជូនទៅទុកចំនួន៦២ការុង (ខូចខាត៣០% ) ។ ២/-ឈ្មោះ ហុង ស្នា ភេទប្រុស អាយុ៥២ឆ្នាំ នៅភូមិកន្ទួត ឃុំណាំតៅ ស្រុកភ្នំស្រុក ខេត្តបន្ទាយមានជ័យ ឆេះស្រូវទាំងស្រុងក្នុងស្រែ មិនទាន់បានច្រូតកាត់ ចំនួន៧២០០ម៉ែត្រការេ ។
លោកអធិការបានបញ្ជាក់ថា ៖ ក្នុងហេតុការណ៍អគ្គិភ័យកើតឡើងនេះ កម្លាំងនគរបាលប៉ុស្តិ៍អាជ្ញាធរឃុំ និងប្រជាពលរដ្ឋបានឲ្យជួយអន្តរាគមន៍ពន្លត់រហូតរលត់ទាំងស្រុង និងជួយច្រកស្រូវប្រជាពលរដ្ឋដែលច្រកមិនទាន់រួចនោះផងដែរ ។ មូលហេតុបង្កឲ្យមានអគ្គិភ័យនេះ គឺភ្លើងឆេះវាល រាលដាលមកដល់ស្រូវរបស់ពួកគាត់ ៕
ចែករំលែកព័តមាននេះ