ចែកកេរឱ្យកូន ! កេរមួយណាដែលម្តាយឪពុកត្រូវចែកឱ្យកូន
- ភ្នំពេញ
រាជធានីភ្នំពេញ ៖ កាលពីពេលថ្មីៗនេះ ព្រះភិក្ខុ វជិរប្បញ្ញោ គូ សុភាព បានមានថេរដីកានៅលើបណ្តាញសង្គមហ្វេសប៊ុកព្រះអង្គ ៖ ឪពុកម្តាយចែកកេរឱ្យកូន…
រាជធានីភ្នំពេញ ៖ កាលពីពេលថ្មីៗនេះ ព្រះភិក្ខុ វជិរប្បញ្ញោ គូ សុភាព បានមានថេរដីកានៅលើបណ្តាញសង្គមហ្វេសប៊ុកព្រះអង្គ ៖ ឪពុកម្តាយចែកកេរឱ្យកូន គេមានទ្រព្យហើយ គេមានគំនិតឱ្យកូនចេះធ្វើបុណ្យទៀត គេអត់ទុកតែលុយឱ្យកូនទេ ព្រោះកេរអាករហ្នឹង បើយើងរាប់ទៅមាន៣ ៖ កេរទី១ គឺកេរទ្រព្យ , កេរទី២ គឺកេរចំណេះដឹង (កេរមាំទាំ) និងកេរទី៣ គឺបុណ្យ (កេរអំពើល្អ ឬហៅក្នុងធម៌ហៅថាសីល) បង្រៀនកូនឱ្យដឹងខុសដឹងត្រូវ គឺដឹងល្អ ដឹងអាក្រក់ ចេះគោរព ចេះធ្វើទាន ចេះជួយសង្គ្រោះ ហើយកេរបុណ្យហ្នឹង ស៊ីអត់ចេះអស់ទេ ។ តែបើលុយចាយអស់ ហើយមិនស្រួលៗកូនហ្នឹងមកបំផ្លាញយើងទៀត (កូនខ្លះ) តែបើកូនមានសម្មាទិដ្ឋិ មានបុណ្យក្នុងខ្លួន គេចេះធ្វើថែមដូចជាអណ្តូងទឹក ដងអស់ចេញមកទៀត ។
បន្ថែមពីនេះទៀតព្រះអង្គ គូ សុភាព មានសង្ឃដីកាបន្ត ៖ ដោយឡែកសាលាមួយបាននាំកូនសិស្សចែកទានដល់តាស៊ីក្លូ ហើយក្នុងនោះកូនអ្នកមានមិនសូវដឹងទុកអ្នកក្រឯណាដល់ថ្ងៃនោះ ស្រាប់តែគ្រូនាំទៅធ្វើទានក៏សប្បាយចិត្ត (ព្រោះធ្វើទៅ ឃើញតាស៊ីក្លូញញឹមញញ៉ែម) ហើយតាស៊ីក្លូៗក៏អរគុណ ស្រាប់តែកូននោះឃើញសប្បាយចិត្ត ។ ដល់ថ្ងៃក្រោយ មិនចាំបាច់មានគ្រូនាំទេ ទៅខ្លួនឯងតែម្តង ។ នេះមានន័យថា កូនហ្នឹងមានពូជបុណ្យមួយ ដូចអណ្តូងអ៊ីចឹង ដងហើយទឹកចេញមកទៀត ហើយបុណ្យហ្នឹងជួយកូនរហូត (ធ្វើឱ្យគេស្រលាញ់ចូលចិត្ត បើដៃគូរកស៊ីក៏គេមិនបោកប្រាស់ ជួបមនុស្សល្អ ហើយមិនសូវមានសត្រូវឡើយ បុណ្យហ្នឹងជួយអ៊ីចឹង ហើយទៅបង្ខំគេអត់បានទេ ៕
សូមបញ្ជាក់ថា ជីវិតមនុស្ស មានការទាក់ទងនឹងសម្បត្តិទ្រព្យជាប់ជានិច្ច ជាពិសេសអ្នកគ្រប់គ្រងផ្ទះ(ឪពុកម្តាយ) ដូច្នេះ ទើបត្រូវសិក្សាគោលធម៌ក្នុងព្រះពុទ្ធសាសនា ដើម្បីឲ្យចេះស្វែករក ចេះចាយ ចេះប្រើប្រាស់ និងចេះចាត់ចែង គឺជាអ្នកជំនាញខាងផ្នែកសេដ្ឋកិច្ចគ្រួសារ និងជំនាញខាងការប្រើប្រាស់ ចាត់ចែងឲ្យទ្រព្យសម្បត្តិប្រព្រឹត្តទៅជាប្រយោជន៍ មានគោលធម៌បដិបត្តិ ៕
ចែករំលែកព័តមាននេះ