រាជធានីភ្នំពេញ ៖ ជនសង្ស័យម្នាក់បានធ្វើសកម្មភាពលួចកា.ច់កម៉ូតូបានហើយ តែម្ចាស់ឃើញទាន់ហក់ទៅចាប់ស្រែកថា ចោរៗត្រូវបានបងប្អូនប្រជាពលរដ្ឋនាំគ្នាស្វាគមន៍វា.យមួយដៃមួយជើងបណ្តាលឲ្យរងរបួសធ្ងន់ ត្រូវបាននគរបាលប៉ុស្តិ៍ហៅរថយន្តសង្គ្រោះដឹកជនសង្ស័យទៅសង្គ្រោះបន្ទាន់ភ្លាមៗ ។ ករណីខាងលើនេះដែរ បង្កឲ្យមានការភ្ញាក់ផ្អើលកាលពីវេលាម៉ោង៦និង១០នាទីយប់ ថ្ងៃទី៦…
រាជធានីភ្នំពេញ ៖ ជនសង្ស័យម្នាក់បានធ្វើសកម្មភាពលួចកា.ច់កម៉ូតូបានហើយ តែម្ចាស់ឃើញទាន់ហក់ទៅចាប់ស្រែកថា ចោរៗត្រូវបានបងប្អូនប្រជាពលរដ្ឋនាំគ្នាស្វាគមន៍វា.យមួយដៃមួយជើងបណ្តាលឲ្យរងរបួសធ្ងន់ ត្រូវបាននគរបាលប៉ុស្តិ៍ហៅរថយន្តសង្គ្រោះដឹកជនសង្ស័យទៅសង្គ្រោះបន្ទាន់ភ្លាមៗ ។ ករណីខាងលើនេះដែរ បង្កឲ្យមានការភ្ញាក់ផ្អើលកាលពីវេលាម៉ោង៦និង១០នាទីយប់ ថ្ងៃទី៦ ខែធ្នូ ឆ្នាំ២០២៤ នៅចំណុចផ្សារក្រមួន ផ្លូវ១០០៧ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ជនរងគ្រោះឈ្មោះ ស៊ុង ពន្លឺ ភេទប្រុស អាយុ១៩ឆ្នាំ មុខរបរសិស្ស មកជួយលក់ដូរម្តាយនៅផ្សារក្រមួន រស់នៅជិតកន្លែងកើតហេតុ នៅសង្កាត់ភ្នំពេញថ្មី ខណ្ឌសែនសុខ ។ ម៉ូតូដែលជនសង្ស័យលួចកា.ច់ក ម៉ាកហុងដាឌ្រីម សេរី២០២៤ ពណ៌ខ្មៅ ពាក់ស្លាកលេខភ្នំពេញ1KX-0178 ។
តាមប្រភពព័ត៌មានពីជនរងគ្រោះបានអោយដឹងថា នៅមុនពេលកើតហេតុគាត់បានជិះម៉ូតូមកជួយដូរម្តាយនៅផ្សារក្រមួន ខណៈពេលភ្លាមៗគាត់បានទុកម៉ូតូនៅជិតកន្លែងគាត់លក់ដូរ ពេលកំពុងលក់ដូរក៏ស្រាប់តែឃើញជនសង្ស័យម្នាក់បានជិះម៉ូតូគាត់ចេញពីកន្លែងកើតហេតុបានបន្តិច គាត់ឃើញទាន់បានហក់ទៅចាប់ជនសង្ស័យបានភ្លាមៗ រួចបានស្រែកថាចោរៗត្រូវបានបងប្អូនប្រជាពលរដ្ឋនៅកន្លែងកើតហេតុបាននាំគ្នាស្វាគមន៍វា.យមួយដៃមួយជើងម្នាក់ រងរបួសសន្លប់ស្តូកស្តឹងរងរបួសធ្ងន់ ។
ប្រភពព័ត៌មានដដែលបានបន្តទៀតថា ខណៈពេលភ្លាមៗដោយមានកម្លាំងនគរបាលប៉ុស្តិ៍បានមកដល់កន្លែងកើតហេតុភ្លាមៗ ដោយឃើញជនសង្ស័យរងរបួសសន្លប់ស្តូកស្តឹងធ្ងន់ធ្ងរពេក បានទាក់ទងទៅរថយន្តសង្គ្រោះមន្ទីរពេទ្យមិត្តភាពកម្ពុជាចិនព្រះកុសមៈដឹកយកទៅសង្គ្រោះបន្ទាន់ភ្លាមៗ និងនាំជនរងគ្រោះព្រមទាំងម៉ូតូយកទៅប៉ុស្តិ៍នគរបាលរដ្ឋបាលសង្កាត់ភ្នំពេញថ្មីភ្លាមៗ ដើម្បីសួរនាំ ។
ក្រោយពេលកើតហេតុ បន្ទាប់ពីជនសង្ស័យត្រូវបានរថយន្តដឹកយកទៅសង្គ្រោះបន្ទាន់នៅមន្ទីរពេទ្យ មិត្តភាពកម្ពុជាចិនព្រះកុសមៈ ហើយជនរងគ្រោះបានដាក់ពាក្យបណ្ដឹង ដើម្បីអោយនគរបាលប៉ុស្តិ៍ចាត់ការតាមនិតិវិធី ៕
ចែករំលែកព័តមាននេះ