បើកផ្លូវ១ខ្សែ ដើម្បីបន្ថយការកកស្ទះចរាចរណ៍
- ភ្នំពេញ
រាជធានីភ្នំពេញ ៖ កាលពីវេលាម៉ោងប្រមាណ៩ព្រឹកថ្ងៃទី៤ ខែធ្នូ ឆ្នាំ២០២៤ លោក អាំង សិរីពិសិដ្ឋ អភិបាលរងខណ្ឌចំការមន រួមជាមួយលោក…
រាជធានីភ្នំពេញ ៖ កាលពីវេលាម៉ោងប្រមាណ៩ព្រឹកថ្ងៃទី៤ ខែធ្នូ ឆ្នាំ២០២៤ លោក អាំង សិរីពិសិដ្ឋ អភិបាលរងខណ្ឌចំការមន រួមជាមួយលោក ម៉ៅ ណូលី ប្រធានការិយាល័យសាធារណការខណ្ឌ និងលោក ទូច ឌិន អនុប្រធានសណ្តាប់ធ្នាប់ បានដឹកនាំកម្លាំងទៅធ្វើការរុះរើរបងស័ង្កសីដែលសង់បិទផ្លូវភ្ជាប់រវាងផ្លូវលេខ៤៥៤ និងផ្លូវលេខ៤៣០ ក្នុងសង្កាត់ទួលទំពូងទី២ ។
ប្រជាពលរដ្ឋដែលរស់នៅតំបន់នោះ មានការសាទរនិងអរគុណអាជ្ញាធរ ដែលបានយកចិត្តទុកដាក់ចំពោះសុខទុក្ខប្រជាពលរដ្ឋ ដែលកន្លងទៅមានការលំបាកលើការធ្វើដំណើរឆ្លងកាត់តំបន់នេះ ។
លោក អាំង សិរីពិសិដ្ឋ បានឲ្យដឹងថា ដោយមានការយកចិត្តទុកដាក់ យល់់ ់់សុខទុក្ខប្រជាពល
រដ្ឋ លោក កៀង ល័ក្ស អភិបាលខណ្ឌ បានបញ្ជាឲ្យរូបលោកដឹកនាំមន្ត្រីជំនាញពាក់ព័ន្ធ មក
ធ្វើការត្រួតពិនិត្យផ្លូវលំមួយខ្សែ ដើម្បីជួយកាត់បន្ថយសម្រួលទៅដល់ការធ្វើដំណើររបស់ប្រជា
ពលរដ្ឋដែលរស់នៅក្នុងតំបន់ និងអ្នកឆ្លងកាត់ ទើបអាជ្ញាធរសម្រេចដាក់គ្រឿងចក្រកាយដីឱ្យស្មើគ្នា រួចចាក់ថ្មក្រួសឱ្យប្រជាពលរដ្ឋអាចធ្វើដំណើរឆ្លងកាត់ជាបណ្តោះអាសន្នសិន ៕
ចែករំលែកព័តមាននេះ