ខេត្តព្រះសីហនុ ៖ យោងតាមរបាយការណ៍បឋមពីសមត្ថកិច្ចបានឲ្យដឹងថា នៅវេលាម៉ោង០៦និង២០នាទីព្រឹកថ្ងៃទី០៤ ខែវិច្ឆិកា ឆ្នាំ២០២៤ លើដងផ្លូវជាតិលេខ៤ ចន្លោះគីឡូម៉ែត្រ២០៩-២១០ ស្ថិតនៅភូមិចំណោតរាម ឃុំបិតត្រាំង…
ខេត្តព្រះសីហនុ ៖ យោងតាមរបាយការណ៍បឋមពីសមត្ថកិច្ចបានឲ្យដឹងថា នៅវេលាម៉ោង០៦និង២០នាទីព្រឹកថ្ងៃទី០៤ ខែវិច្ឆិកា ឆ្នាំ២០២៤ លើដងផ្លូវជាតិលេខ៤ ចន្លោះគីឡូម៉ែត្រ២០៩-២១០ ស្ថិតនៅភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូ០១គ្រឿង ម៉ាក HONDA AIRBLADE ពណ៌ក្រហមលាយខ្មៅ ដែលមានទិសដៅពីរាជធានីភ្នំពេញ ឆ្ពោះទៅខេត្តព្រះសីហនុ បើកបរដោយឈ្មោះ គីម សម្បត្តិ ភេទប្រុស អាយុ៣៤ឆ្នាំ និងអ្នករួមដំណើរ ចំនួន០១នាក់ ឈ្មោះ ថន ថ្លឹង ភេទស្រី អាយុ៣២ឆ្នាំ មុខរបរបុគ្គលិកកាស៊ីណូ យ៉ាឌូលី អ្នកទាំង០២មានទីលំនៅភូមិស្រែចាមក្រោម ឃុំអូរជ្រៅ ស្រុកព្រៃនប់ ខេត្តព្រះសីហនុ បច្ចុប្បន្នស្នាក់នៅ ក្រុងព្រះសីហនុ ខេត្តព្រះសីហនុ (ពាក់មួកសុវត្ថិភាព) លុះមកដល់ចំណុចខាងលើ បានរ៉េចង្កូតទៅខាងឆ្វេងដៃរបស់ខ្លួន ខណៈពេលនោះមានម៉ូតូ០១គ្រឿងម៉ាក HONDA SCOOPY ពណ៌ស ដែលមានទិសដៅផ្ទុយគ្នា បើកបរដោយឈ្មោះ ឌន ឌូត ភេទប្រុស អាយុ៥៥ឆ្នាំ មុខរបរមេភូមិព្រៃនប់១ និងអ្នករួមដំណើរចំនួន០១នាក់ ឈ្មោះ សំ ស៊ីណា ភេទស្រី អាយុ៤២ឆ្នាំ មុខរបរកម្មកររោងចក្រ អ្នកទាំង០២ត្រូវជាប្ដីប្រពន្ធគ្នា មានទីលំនៅភូមិព្រៃនប់១ ឃុំព្រៃនប់ ស្រុកព្រៃនប់ ខេត្តព្រះសីហនុ (ពាក់មួកសុវត្ថិភាព) បានបុកចំពីមុខតែម្ដង ។
ករណីគ្រោះថ្នាក់ចរាចរណ៍ខាងលើនេះ បណ្តាលឲ្យមានមនុស្សស្លា.ប់ ចំនួន០១នាក់ និងរងរបួសចំនួន០២នាក់ រួមមាន ៖
១. ឈ្មោះ ឌន ឌូត ភេទប្រុស អ្នកបើកបរម៉ូតូ SCOOPY (រងរបួសធ្ងន់ រួចបានស្លា.ប់ពេលបញ្ជូនទៅសង្គ្រោះនៅមន្ទីរពេទ្យបង្អែកខេត្តព្រះសីហនុ)
២. ឈ្មោះ ថន ថ្លឹង ភេទស្រី អ្នករូមដំណើរលើម៉ូតូ AIRBLADE (រងរបួសធ្ងន់)
៣. ឈ្មោះ គីម សម្បត្តិ ភេទប្រុស អ្នកបើកបរម៉ូតូ AIRBLADE (រងរបួសស្រាល) ។
បច្ចុប្បន្ន សា.ក.ស.ព ត្រូវបានសាច់ញាតិយកទៅធ្វើបុណ្យតាមប្រពៃណី ចំណែកជនរងគ្រោះកំពុងសង្គ្រោះបន្ទាន់នៅមន្ទីរពេទ្យបង្អែក ខេត្តព្រះសីហនុ រីឯវត្ថុតាង (ម៉ូតូ) បានយកមករក្សាទុកជាបណ្ដោះអាសន្ននៅអធិការដ្ឋាននគរបាលស្រុកព្រៃនប់។ ដោយឡែកអ្នកបើកបរម៉ូតូ HONDA AIRBLADE បានយកមកសួរនាំ ដើម្បីបន្ដនីតិវិធី ៕
ចែករំលែកព័តមាននេះ