ខេត្តបន្ទាយមានជ័យ ៖ ក្រុមហ៊ុនខ្មែរ.ចិនបានបង្កើតទីក្រុងលើផ្ទៃដីជាង១.០០០ហិកតាដែលបានដំណើរជិត១ឆ្នាំគម្រោងមានផ្ទៈល្វែង ផ្សារទំនើប កន្លែងវ៉ៃកូនគោល និងប្រណាំងសេះ ស្ថិតភូមិប្រាសាទ ឃុំអូរបីជាន់ ស្រុកអូរជ្រៅ ។…
ខេត្តបន្ទាយមានជ័យ ៖ ក្រុមហ៊ុនខ្មែរ.ចិនបានបង្កើតទីក្រុងលើផ្ទៃដីជាង១.០០០ហិកតាដែលបានដំណើរជិត១ឆ្នាំគម្រោងមានផ្ទៈល្វែង ផ្សារទំនើប កន្លែងវ៉ៃកូនគោល និងប្រណាំងសេះ ស្ថិតភូមិប្រាសាទ ឃុំអូរបីជាន់ ស្រុកអូរជ្រៅ ។
លោក កែវ តារ៉ារស្មី អភិបាលស្រុកអូរជ្រៅបានប្រាប់ថា មានក្រុមហ៊ុនខ្មែរ-ចិនបានវិនិយោគគម្រោងលើផ្ទៃដីប្រមាណជាង១.០០០ហិកតា ក្នុងភូមិសាស្គ្រឃុំអូរបីជាន់ ស្រុកអូរជ្រៅ ដែលបានចាប់ផ្តើមកសាងតាំងពីអំឡុងដើមឆ្នាំ២០២៤ រហូតពេលនេះមានផ្លូវបេតុង និងផ្ទះល្វែងដែលជាតំបន់អភិវឌ្ឍន៍ស្រុកជាប់ជាយដែន ។
លោកបានបញ្ជាក់ថា ក្រុមហ៊ុនខ្មែរ.ចិនដែលកំពុងអភិវឌ្ឍន៍បង្កើតទីក្រុងក្នុងភូមិសាស្ត្រ ស្រុកអូរជ្រៅជំហ៊ានដំបូងដែលកំពុងដំណើរកសាងផ្លូវបេតុង និងផ្ទះល្វែងមានផ្ទៃដីជាង៣០០ហិកតា ហើយក្រុមហ៊ុនវិនិយោគនេះ គម្រោងកសាងលើផ្ទៃដីជាង១.០០០ហិកតាបន្តទៀត ដែលជាប្រភេទដីស្រែត្រូវបានចាក់កសាងថ្មីដែលកំពុងដំណើរការកសាងជាបណ្តើរៗ ។
លោក កែវ តារ៉ារស្មី បានបញ្ជាក់ថា ក្រុមហ៊ុនខ្មែរ.ចិនដែលកំពុងកសាងបង្កើតទីក្រុងក្នុងភូមិសាស្ត្រភូមិប្រាសាទ ឃុំអូរបីជាន់ ស្រុកអូរជ្រៅ មានគម្រោងផ្ទះល្វែង ផ្សារទំនើប កន្លែងវ៉ៃកូនគោល និងប្រណាំងសេះ ហើយគម្រោងនេះត្រូវបានស្នើសុំទៅក្រសួង ព្រោះវិនិយោគលើគម្រោងថវិការជាង២លានដុល្លារអាមេរិក ៕
ចែករំលែកព័តមាននេះ