ខេត្តបន្ទាយមានជ័យ ៖ សង្កេតឃើញហាងអាហារចិន៤ទៅ៥កន្លែង បានបើកនៅមុខផ្សារអូរបីជាន់ស្ថិតក្បែរព្រំដែនកម្ពុជា-ថៃ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។ ប្រជាពលរដ្ឋបានប្រាប់ថា ពេលនេះ…
ខេត្តបន្ទាយមានជ័យ ៖ សង្កេតឃើញហាងអាហារចិន៤ទៅ៥កន្លែង បានបើកនៅមុខផ្សារអូរបីជាន់ស្ថិតក្បែរព្រំដែនកម្ពុជា-ថៃ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។
ប្រជាពលរដ្ឋបានប្រាប់ថា ពេលនេះ ឃើញមានហាងចិន៤ ទៅ៥កន្លែងនៅមុខផ្សារអូរបីជាន់ ក្បែរច្រកអូរបីជាន់ ដែលមិនធា្លប់ឃើញមានពីមុនមកទេ ខណៈដែលសេដ្ឋកិច្ចកាន់តែប្រសើរបែបនេះ ដោយមានបើកហាងហូបចុកជាជនជាតិចិន ។
ប្រជាពលរដ្ឋបានបញ្ជាក់ទៀតថា នៅឃុំអូរបីជាន់ ស្រុកអូរជ្រៅ ជាប់ខាងជើងក្រុងប៉ោយប៉ែត ហើយជាប់ព្រំដែន ស្រុកអូរជ្រៅ ខេត្តបន្ទាយមានជ័យ និងភាគីថៃ ស្រុកតាប្រាយ៉ា ខេត្តស្រៈកែវ ។
កាលពីមុនឃុំអូរបីជាន់ គឺជាឃុំមួយគ្រាន់តែប្រជាពលរដ្ឋទៅមកឆ្លងកាត់ចេញក្រុងប៉ោយប៉ែត តាមផ្លូវខ្សែក្រវ៉ាត់ព្រំដែនទៅខេត្តឧត្តរមានជ័យ ។ ហើយនៅអំឡុងដើមឆ្នាំ២០២៤នេះ ឃើញមានជនបរទេសមានជនជាតិចិនបានមកបើកហាងលក់ដូរម្ហូបអាហារគួរឱ្យចាប់អារម្មណ៍ ៕
ចែករំលែកព័តមាននេះ