ស្រុកព្រៃនប់ ៖ មុខរបរដំកាំបិទលក់ នៅតែជាមុខរបរមួយដែលមិនអាចខ្វះបាន ហើយកាំបិត ពូថៅ ខ្វែវ ផ្គាក់ ចេញពីដុតដែកដំ ដែលមានតាំងពីបុរាណមក នៅតែជាតម្រូវការចាំបាច់សម្រាប់ពលរដ្ឋ ទិញយកទៅប្រើប្រាស់ បានច្រើនប្រភេទ ។

បុរស​ឈ្មោះស្លេះ អាយុ៤២ឆ្នាំ​ ​ជា​ខ្មែរអ៊ិស្លាម មានទីលំនៅភូមិ បន្ទាយប្រីយ៍ ឃុំអណ្ដូងថ្មស្រុកព្រៃនប់ខេត្តព្រះសីហនុ ដែលជាជាងដំដែកធ្វើកាំបិត.តពីឪពុកមក បានឲ្យដឹងថា កាលពីមុន គាត់ប្រកបរបរដំបិតពូថៅជាមួយឪពុក នៅស្រុកឈូកខេត្តកំពត តែប្រមាណជា ១០ ឆ្នាំមកនេះ គាត់ មកយកប្រពន្ធនៅភូមិបន្ទាយប្រីយ៍នេះ ហើយដោយសារជាមុខរបរពីមុនមក គាត់ក៏នៅបន្តចាប់មុខរបស់នេះ ដោយធ្វើជារោងមួយនៅមុខផ្ទះរបស់ខ្លួនជាប់នឹងផ្លូវជាតិលេខ ៤ ។

ទោះបីជាជីវភាពមិនធូរធារប៉ុន្មាន តែក៏ជាមុខរបរមួយអាចចិញ្ចឹមគ្រួសាររស់បាន បានកូនរៀនសូត្រ ដែលបើគិតពីចំណូល ថ្លៃខ្លះបាន១០ម៉ឺន ថ្ងៃខ្លះបាន១៥ម៉ឺន ថ្ងៃខ្លះលក់អត់ដាច់សោះក៏មានដែរ​ ។ លោក សុស ម៉ាត់ណូបានបន្តថា ដែកដុតដំធ្វើ កាំបិតពូថៅលក់ សព្វថ្ងៃ គាត់ប្រើដែកជនទាសរថយន្ត ល្អៗទើបកាំបិតពូថៅមុខមានសភាពរឹងនិងមុត ។

ការលក់ដូរបច្ចុប្បន្ន ក្រៅពីអតិថិជនក្នុងតំបន់ កន្លែងគាត់ក៏មានដែរអតិថិជនមកពីខេត្តផ្សេងដូចជាខេត្តសៀមរាប ខេត្តរតនគិរី ក៏ជួយកម្មង់ជាវទិញ ផ្ញើម្ដងពី ៥ទៅ ៦ កាំបិត ដែលភាគច្រើនពួកគាត់ច្រើនតែប្រើប្រាស់នូវកាំបិតលាម និងផ្គាក់ ជាដើម ៕