រាជធានីភ្នំពេញ ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានកិត្តិយសសន្និសីទអន្តរជាតិនៃបណ្តាគណបក្សនយោបាយនៅអាស៊ី ហៅថា ICAPP លើកទី១២…
រាជធានីភ្នំពេញ ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានកិត្តិយសសន្និសីទអន្តរជាតិនៃបណ្តាគណបក្សនយោបាយនៅអាស៊ី ហៅថា ICAPP លើកទី១២ បានគូសបញ្ជាក់ថា បើកម្ពុជាមិនគ្រប់គ្រងអធិបតេយ្យ និងកិច្ចការផ្ទៃក្នុងរបស់ខ្លួនទេ ប្រហែលជាអន្តរាយ៍រួចស្រេចទៅហើយ តាមរយៈនយោបាយស្តីការកាត់ទោសខ្មែរក្រហម ។
ថ្លែងបើកមហាសន្និបាត សន្និសីទអន្តរជាតិនៃបណ្តាគណបក្សនយោបាយនៅអាស៊ី ហៅថា ICAPP បណ្តាគណបក្សនយោបាយ នៅអាស៊ីជិត៦០មកពីជាង៤០ប្រទេស នាព្រឹកថ្ងៃទី២២ ខែវិច្ឆិកា ឆ្នាំ២០២៤នេះ នៅវិមាន៧មករា នៅទីស្នាក់ការកណ្តាល គណបក្សប្រជាជនកម្ពុជាដែលកម្ពុជាធ្វើជាម្ចាស់ផ្ទះ សម្តេចតេជោ បានគូសបញ្ជាក់ថា យ៉ាងដូច្នេះថា ៖«ខ្ញុំសូមនិយាយត្រង់ចំណុចនេះបន្តិចថា បើកម្ពុជាមិនគ្រប់គ្រងអធិបតេយ្យរបស់ខ្លួន និងកិច្ចការផ្ទៃក្នុងរបស់ខ្លួនទេ យើងប្រហែលជាអន្តរាយរួចស្រេចទៅ ហើយក្រោមរបៀបវារៈនយោបាយ ស្តីពីការកាត់ទោសខ្មែរក្រហម ដែលមិនបានគិតទៅដល់ការផ្សះផ្សាយជាតិ» ។
សម្ដេចតេជោ ហ៊ុន សែនបានលើកឡើងថាគេបានលើកឡើងដោយលម្អៀងពី ការកាត់ទោសខ្មែរក្រហម ប៉ុន្តែគេមិនគិតទៅដល់សន្តិភាពនោះទេ ហើយអ្វីដែលគួរឲ្យ សោកស្តាយ គេបានបង្កើតសង្គ្រាមនៅក្នុងប្រទេសកម្ពុជា គេបានគាំទ្រខ្មែរក្រហមនៅ អង្កការសហប្រជាជាតិ តែដល់ពេលកាត់ទោសគេជំរុញឲ្យយើង កាត់ទោសដោយមិនគិ តទៅដល់ផលវិបាក ដែលនឹងកើតឡើងដោយការកាត់ទោសនោះទេ ។
សម្តេចតេជោប្រធានគណបក្សប្រជាជនកម្ពុជាបានបន្តថា ៖«ខ្ញុំបានធ្លាប់ប្រាប់អតីតអគ្គលេខាធិការអង្គការសហប្រជាជាតិយ៉ាងច្បាស់ៗថា ខ្ញុំសុខចិត្តឲ្យតុលាការនេះបរាជ័យ តែខ្ញុំមិនឲ្យប្រទេសរបស់ខ្ញុំកើតសង្គ្រាមឡើយវិញនោះទេ» ។
ជាមួយគ្នានោះដែរ សម្តេចតេជោ ក៏បានលើកឡើងថា ការរួមចំណែករបស់បរទេសណាមួយក្នុងក្របខណ្ឌជាអង្គការក្នុងតំបន់ក្តី ឬរហូតដល់អង្គការសហប្រជាជាតិក្តី កុំភ្លេចភាពជាម្ចាស់នៅក្នុងប្រទេសរបស់ខ្លួន ។ សម្តេចតេជោ បានសង្កត់ធ្ងន់នៅចំពោះថ្នាក់ដឹកនាំមកពីបណ្តាប្រទេសមួយចំនួនថា៖«ពិតមែន ហើយ យើងត្រូវបំពេញនូវស្តង់ដារ ប៉ុន្តែសួរថា អ្វីទៅជាស្តង់ដា0x017d7
នៅលើលោកកីយនេះ ស្តង់ដារមានតែក្នុងវិស័យកីឡាតែប៉ុណ្ណោះ គ្មានទេនៅក្នុងនយោបាយ ហើយក៏គ្មានទេ នៅក្នុងទិដ្ឋភាពផ្សេងៗ ។ មានតែកីឡាមួយគត់ ដែលមានស្តង់ដារពិតប្រាកដ ប៉ុន្តែនយោយគ្មានទេស្តង់ដារពីប្រទេសមួយទៅប្រទេសមួយមានកម្រិតគ្រប់គ្រងខុសៗគ្នា» ។
ក្នុងឱកាសនោះដែរ សម្តេចតេជោ ក៏បានបន្ថែមថា សន្តិភាពក៏បានតម្រូវឲ្យមានការសម្រុះសម្រួលផ្នែកនយោបាយផងដែរ ។ ការផ្សះផ្សារជាតិតម្រូវឲ្យយើងមានសមរហកម្មរបស់ខ្មែរក្រហម និងប្អូនខ្មែរក្រហមទៅក្នុងសង្គមជាតិ ដើម្បីសម្រេចបានដែលផ្តោតលើតម្រូវការសុខដុមមនុស្សជាតិមូលដ្ឋានសម្រាប់អតីយុទ្ធជន និងមេដឹកនាំខ្មែរក្រហម ៕
ចែករំលែកព័តមាននេះ