ខេត្តបន្ទាយមានជ័យ ៖ នៅទីតាំងជើងភ្នំដងរែក ដែលមានអាងទឹកប្រវែងជាង៧០០ម៉ែត្រ ត្រូវបានរៀបចំពិធីប្រណាំងទូក(ង)ដែលរយៈពេល៣ថ្ងៃ ក្នុងនោះ មានទូកចំនួន១៣ទូក ខណៈនៅថ្ងៃទី១៧ ខែវិច្ឆិកា ឆ្នាំ២០២៤…
ខេត្តបន្ទាយមានជ័យ ៖ នៅទីតាំងជើងភ្នំដងរែក ដែលមានអាងទឹកប្រវែងជាង៧០០ម៉ែត្រ ត្រូវបានរៀបចំពិធីប្រណាំងទូក(ង)ដែលរយៈពេល៣ថ្ងៃ ក្នុងនោះ មានទូកចំនួន១៣ទូក ខណៈនៅថ្ងៃទី១៧ ខែវិច្ឆិកា ឆ្នាំ២០២៤ ត្រូវបានបិទការប្រណាំង ស្ថិតនៅក្នុងភូមិដងរែក ឃុំបន្ទាយឆ្មា ស្រុកថ្មពួក ។
ការរៀបចំប្រណាំងទូក(ង)នៅអាងជើងភ្នំដងរែក ដែលមានការរៀបចំឡើង និងឧត្ថម្ភដោយឯកឧត្តមអភិសន្តិបណ្ឌិត ស សុខា រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី ដែលត្រូវបានធ្វើឡើងរយៈពេល៣ថ្ងៃ ចាប់ពីថ្ងៃទី១៥ ដល់១៧ ខែវិច្ឆិកា ឆ្នាំ២០២៤ មានទូក(ង)ចំនួន១៣ទូក មានទូកស្ត្រីអុំប្រណាំង៣ទូក ដើម្បីប្រណាំងជាមិត្តភាព និងអបអរសាទរ ព្រះរាជពិធីបុណ្យអុំទូក បណ្តែតប្រទីប អកអំបុក សំពៈព្រៈខែ ។
ការរៀបចំការប្រណាំងទូក(ង)ចំនួន១៣ទូក ដែលមានចំណុះពី៥ ទៅ២០នាក់នេះគឺមានការរៀបចំដោយព្រៈខេមញាណ រ៉េន ស៊ីណាត ព្រះគ្រូចៅអធិការវត្តគីរីរុក្ខារាមថ្មរមៀល និងព្រះតេជគុណគង់ចាំព្រៈវស្សាក្នុងវត្ត ការប្រណាំងទូករយៈពេល៣ថ្ងៃ ត្រូវបានបញ្ចប់ដោយសប្បាយរីករាយពីសំណាក់ប្រជាពលរដ្ឋជាភ្ញៀវប្រមាណជាង៥ពាន់នាក់ដែលមកមើលកំសាន្តការរប្រណាំងទូកនេះ ។
ព្រៈគ្រូចៅអធិការបានបញ្ជាក់ថា អាងដែលនៅក្បែរជើងភ្នំដងរែកដែលមានទំហំប្រវែងជាង៧០០ម៉ែត្រ ដែលរៀបចំការប្រណាំងទូក(ង)មិត្តភាពនេះ ក្រោយការការប្រណាំង ហើយត្រូវបានប្រគល់អំណោយលើកទឹកចិត្តគ្រប់ទូកបានចូលរួម ដែលជាអំណោយឯកឧត្តមអភិសន្តិបណ្ឌិត ស សុខា រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី ដើម្បីរៀបចំកំសាន្តសម្រាប់ប្រជាពលរដ្ឋរស់នៅជើងភ្នំដងរែកក្បែរព្រំដែន៕
ចែករំលែកព័តមាននេះ