រាជធានីភ្នំពេញ ៖ អនិច្ចំ ទុក្ខំ អន្តតា ជាច្បាប់ធម្មតា គ្មាននរណាម្នាក់អាចគេចវេសបានឡើយ កើតឡើងបានតែងរមែងរលត់បាត់ទៅវិញជារឿងធម្មតា ។ ទៀតសោតដូចជា…
រាជធានីភ្នំពេញ ៖ អនិច្ចំ ទុក្ខំ អន្តតា ជាច្បាប់ធម្មតា គ្មាននរណាម្នាក់អាចគេចវេសបានឡើយ កើតឡើងបានតែងរមែងរលត់បាត់ទៅវិញជារឿងធម្មតា ។ ទៀតសោតដូចជា តារាស្រីស្រស់ អ៊ុំ គន្ធា ដែលធ្លាប់តែងរះល្បីល្បាញខ្លាំងពេញប្រទេស ដែលកាលពីកន្លងទៅ អ្នកស្រីទទួលបានៅភាពល្បីល្បាយយ៉ាងខ្លាំង ដោយជាប់ឈ្មោះជាតារាស្រីដែលមានប្រជាប្រិយភាព និងស្រស់ស្អាត ។
ជាការពិត កាលពីកន្លងទៅ មហាជនពិតជាបានដឹងហើយ ពីការធ្លាក់ខ្លួនរបស់តារាស្រីរូបនេះ ក្រោយអ្នកស្រីបានបាត់មុខពីសិល្បៈឈឹង សូម្បីតែងសុខទុក្ខយ៉ាងណា កាលពីកន្លងទៅក៏ពុំសូវមានអ្នកបានដឹងពីអ្នកស្រី និងបង្ហាញខ្លួនម្តងណា នៅក្នុងវិថីជាថ្មីនោះឡើយ ។
គួរជម្រាបដែរថា បើតាមសាច់ញាតិតារា អ៊ុំ គន្ធា អ្នកស្រី អ៊ុំស្រីពៅដែលជាប្អូនស្រីបានប្រាប់ថា ស.ពបងស្រីខ្លួននឹងបូជានៅល្ងាចនេះ ក្រោយមានការខ្វះខាតថវិកាជាខ្លាំង និងពុំអាចទុកបានយូរនោះទេ ។
ទន្ទឹមជាមួយគ្នាដែរ កាលពីល្ងាចថ្ងៃទី១៧ ខែវិច្ឆិកា នៅក្នុងគណនីលោកអ៊ឹម ជីវ៉ា ក៏បានបង្ហើបពីការស្លា.ប់របស់អ្នកស្រី អ៊ុំ គន្ធា ដែរថា « សូមជម្រាបជូនថា ស.ពអតីតតារាចំរៀងអ្នកនាង អ៊ុំ គន្ធា និងធ្វើនៅវត្តពោធិចិនតុង ផ្លូវសហព័ន្ធរុស្សី ខណ្ឌពោធិសែនជ័យ រាជធានីភ្នំពេញ ហើយ និងត្រូវបូជានៅថ្ងៃទី១៨ វិច្ឆិកា ឆ្នាំ២០២៤ វេលារម៉ោង៦ល្ងាច ។
តាមរយៈបទសម្ភាសន៍ជាមួយសារព័ត៌មានកោះសន្តិភាព អ្នកស្រី អ៊ឹ ស្រីពៅ ដែលជាប្អូនស្រីទី៦ របស់តារាស្រី អ៊ុំ គន្ធា ជម្រាបថា ប្រមាណជា១០ថ្ងៃ បញ្ហាជម្ងឺសួតរបស់អ្នកស្រី អ៊ុំ គន្ធា មានការទុក្ខជាខ្លាំង ដោយអ្នកស្រីមិនអាចទ្រាំទ្រនឹងជម្ងឺបាននោះឡើយ ។
ជាការពិត ស្ថិតក្នុងចំណោមបងប្អូន៦នាក់ដែលអ្នកស្រី អ៊ុំ គន្ធាជាកូនទី៥ កាលពីមានឈ្មោះបោះសំឡេង នៅក្នុងវិថីសិល្បៈនោះ អ្នកស្រីតែងជួយគ្រួសារផ្គត់ផ្គង់ការសិក្សាររៀនសូត្ររបស់ប្អូន ។
អ្នកស្រី អ៊ុំ ស្រីពៅ ដែលជាប្អូនស្រីពៅ បានបន្តថា ក្រោយបងស្រីធ្លាក់ខ្លួន បែកបាក់គ្រួសារនោះ ប្រជាប្រិយភាពអ្នកស្រីកាន់តែអន់ថយ ជីវភាពកាន់តែដុនដាបរហូតធ្វើអោយអ្នកស្រីរស់នៅក្នុងបន្ទប់ជួលជាមួយកូនប្រុសទាំងពីអាត្មា រួមរឹតដោយជម្ងឺដែលមិនអាចគណនាបាន ។ ស្ថិតក្នុងវ័យ៤៥ឆ្នាំ ដែលអ្នកស្រី អ៊ុំ គន្ធា លាគ្មានថ្ងៃវិលវិញនោះ បើងាកទៅថយក្រោយបន្តិច អ្នកស្រី គន្ធា ជាតារាស្រីដែលមានប្រជាប្រិយខ្លាំង កាលពីអំឡុងឆ្នាំ៩០ជាង ដែលមហាជនគ្រប់ស្រទាប់តែងបានស្គាល់អ្នកស្រីតាមរយៈរូបសម្រាស់ និងសំឡេងដ៏ពីរោះនៅក្នុងរង្គសាល ។
គួរបញ្ជាក់ដែរថា ស.ពអ្នកស្រី អ៊ុំ គន្ធា នឹងបូជានាល្ងាចនេះ នៅវត្តពោធិ៍ចិនតុង ក្រោយក្រុមគ្រួសារសាច់ញាតិបងប្អូនពុំទុកយូរនោះទេ ដោយបញ្ហាខ្វះខាតថវិកាដូចដែលបងប្អូនបានដឹងអ្នកស្រីបានធ្លាក់ខ្លួនមិនមានវត្តមានម្តងណាក្នុងសិល្បៈ ៕ ដោយ៖លីហួ គីមឆាយ
ចែករំលែកព័តមាននេះ