ខេត្តកំពង់ចាម ៖ ប្រជាពលរដ្ឋរស់នៅតាមដងទន្លេបានប្រទះឃើញសត្វផ្សោតមួយក្បាលស្លាប់អណ្ដែតមកទើច្រាំងទន្លេត្រង់ចំណុចឃុំព្រែកសហគមន៍នេសាទ៣ ឃុំព្រែកបាក់ ស្រុកស្ទឹងត្រង់ នៅថ្ងៃទី១៣ វិច្ឆិកាឆ្នាំ២០២៤។ ហើយពលរដ្ឋរាយការណ៍មកអាជ្ញាធរមូលដ្ឋាននិងរាយការណ៍បន្តមកជំនាញខណ្ឌរដ្ឋបាលជលផលខេត្ត ព្រមទាំងកម្លាំងជំនាញអភិរក្សសត្វផ្សោតរកមូលហេតុ។ លោកបាន…
ខេត្តកំពង់ចាម ៖ ប្រជាពលរដ្ឋរស់នៅតាមដងទន្លេបានប្រទះឃើញសត្វផ្សោតមួយក្បាលស្លាប់អណ្ដែតមកទើច្រាំងទន្លេត្រង់ចំណុចឃុំព្រែកសហគមន៍នេសាទ៣ ឃុំព្រែកបាក់ ស្រុកស្ទឹងត្រង់ នៅថ្ងៃទី១៣ វិច្ឆិកាឆ្នាំ២០២៤។ ហើយពលរដ្ឋរាយការណ៍មកអាជ្ញាធរមូលដ្ឋាននិងរាយការណ៍បន្តមកជំនាញខណ្ឌរដ្ឋបាលជលផលខេត្ត ព្រមទាំងកម្លាំងជំនាញអភិរក្សសត្វផ្សោតរកមូលហេតុ។
លោកបាន ស្រេង អភិបាលស្រុកស្ទឹងត្រង់ បានឲ្យដឹងថា ក្រោយពីទទួលបានដំណឹងពីពលរដ្ឋរូបលោកបានចាត់ឱ្យជំនាញក្រោមឱវាទចុះទៅពិនិត្យមើលដោយផ្ទាល់និងស្រង់ដាក់លើគោកមាត់ច្រាំងរួចរាយការណ៍ទៅកម្លាំងជលផលខេត្ត។ ជាមួយនោះបានធ្វើឲ្យអ្នកភូមិនៅក្បែរនោះនាំគ្នាភ្ញាក់ផ្អើលមកមើលព្រោះកម្រឃើញសត្វផ្សោតស្លាប់អណ្ដែតមកទេបែបនេះនាពេលកន្លងទៅ។
យោងតាមរបាយការណ៍របស់លោកសឹមថាវីរៈ ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ចាម វិញបានបញ្ជាក់ថា នៅថ្ងៃទី១៣វិច្ឆិកា ខណ្ឌរដ្ឋបាលជលផលកំពង់ចាម បានទទួលព័ត៌មានពីលោកតាន់សុមេធ វឌ្ឍនៈ នាយរងខណ្ឌរដ្ឋបាលជលផលក្រចេះថាប្រជានេសាទ ប្រទះឃើញសាកសពផ្សោតចំនួនមួយក្បាល បានរសាត់អណ្ដែតតាមទឹកដងទន្លេមេគង្គចុះតាមខ្សែទឹកហូរត្រង់ចំណុចកោះផលស្រុកព្រែកប្រសព្វ ខេត្តក្រចេះ និងបានសំណូមពរស្នើសុំសហការតាមដាននិងរក្សាទុកបើរកឃើញ ក្រោយពីទទួលបានព័ត៌មានថ្នាក់ដឹកនាំខណ្ឌក៏បានដឹកនាំក្រុមការងារខណ្ឌជលផលកំពង់ចាមចុះស្រាវជ្រាវតាមដងទន្លេ ក្នុងភូមិសាស្ត្រស្រុកស្ទឹងត្រង់ លុះវេលាម៉ោង៦និង៣០នាទីល្ងាច ក្រុមការងារបានទទួលដំណឹងថាបានឃើញសាកសពផ្សោតដូចរាយការណ៍ខាងលើអណ្ដែតតាមដងទន្លេមេគង្គមកធ្វើត្រង់ចំណុចភូមិព្រែកបាក់ ឃុំព្រែកបាក់ ស្រុកស្ទឹងត្រង់ ខេត្តកំពង់ចាម ហ្នឹងបានឲ្យរក្សាទុកនៅមាត់ច្រាំងទន្លេ រួចរាយការណ៍ទៅក្រុមការងារអភិរក្សសព្វផ្សោតដើម្បីចុះមកពិនិត្យនិងយកសំណាក់ទៅវិភាគ។
ជាលទ្ធផលឃើញថាផ្សោតដែលស្លាប់នេះជាប្រភេទផ្សោតញីមានទម្ងន់១១៥គីឡូក្រាមនិងប្រវែង២៣៥សង្ទីម៉ែត្រ។
ជំនាញជលផលខេត្តបានបញ្ជាក់ថាសត្វផ្សោតញីដែលស្លាប់នោះត្រូវបានគេយកសំណាក់ទៅវិភាគនៅអង្គការWWF ស្ថិតនៅខេត្តក្រចេះ ហើយសត្វផ្សោតនេះត្រូវបានបញ្ចុះនៅមាត់ច្រាំងទន្លេត្រង់ទីតាំងឃុំព្រែកបាក់ ស្រុកស្ទឹងត្រង់តែម្ដង ៕
ចែករំលែកព័តមាននេះ